०७७ का वर्षव्यक्ति, समाचार निर्माता र वर्षपुस्तकका लागि शिलापत्रको जनमत संकलन (फारमसहित)

०७७ का वर्षव्यक्ति, समाचार निर्माता र वर्षपुस्तकका लागि शिलापत्रको जनमत संकलन (फारमसहित)

A+ A A-

प्रिय पाठक,

वर्ष ०७७ सुरु हुँदा देश कोभिड स्वास्थ्य संकटका कारण घरबन्दीमा थियो । वर्षैभरि हामीलाई जनस्वास्थ्य, राजनीतिक खिचातानीका कारण आपत्काल आइलाग्यो । आतेश, आशा, आशंका र आक्रोशमा तपाईं हामीले यो वर्ष बितायौँ । शिलापत्र बितेर जाने क्रममा रहेको वर्ष ०७७ लाई एकपल्ट तपाईंसँगै मिलेर समीक्षा गर्न चाहन्छ । विगत वर्षको समीक्षाले देशलाई आगामी वर्षका लागि सुझबुझपूर्ण कदम चाल्न सघाउ पुर्‍याउन सकोस् ।

यसर्थ हामी तपाईंसमक्ष मल्टिमिडिया अन्तर्क्रिया गर्न लागिरहेका छौँ । यो समाचार सामग्रीसँगै तपाईंले हाम्रो भिडियो देख्न सक्नुहुन्छ । अनि यसैको मुनि एउटा लिङ्क पनि प्राप्त गर्न सक्नुहुन्छ ।

कृपया, यो गुगल फारम भरी वर्ष ०७७ का वर्षव्यक्ति, समाचार निर्माता छान्नुहोस् । यो वर्षलाई सकारात्मक, नकारात्मक प्रभाव पार्ने, आशा जगाउने वा कुनै पनि रचनात्मक काममार्फत आफ्नो सक्रिय भूमिका स्थापित गरेका पात्रहरू हामीले न्युजरुममा लामो छलफलपश्चात् तयार गरेका छौँ । तर, यसमा छुटेका पात्र हुन सक्छन् । कृपया, तपाईंले सुझाउन सक्नुहुनेछ ।

यसैको साथमा 'शिलापत्र वर्षपुस्तक'का चार विधा पनि उल्लेख छन्: आख्यान, गैरआख्यान, कविता र अनुवाद । यसमा समेत ५/५ पुस्तकका लागि फारममा आफ्नो अभिमत दिन सक्नुहुनेछ । १० चैतभन्दा अगाडि सार्वजनिक पुस्तक मात्रै यसमा सामेल हुनेछन् । त्यसयताका पुस्तक पढिभ्याइएको छैन होला भनेर यसो गरेका हौँ । त्यसयताका पुस्तकलाई भने अर्को सालका वर्षपुस्तकमा समावेश गर्ने हाम्रो वाचा भयो । सिनेमा समीक्षा पनि गर्ने चाहना थियो । तर हेर्नोस् न, कोभिडले गर्दा सिनेमा बन्नै पाएनन् । हल खुल्नै सकेनन् ।

Loading…

'शिलापत्र वर्षव्यक्ति' फारम भर्ने मिति: २८ चैत बेलुकी ६ बजेसम्म ।
आउँदै गरेको नयाँ संवत् ०७८ का लागि अग्रिम शुभकामनासहित,