कारोबार सुरु भएसँगै घटेको नेप्से प्रि–ओपन सेसनमा भने अलटाइम हाईमा, ७ अर्ब २५ करोडको कारोबार

कारोबार सुरु भएसँगै घटेको नेप्से प्रि–ओपन सेसनमा भने अलटाइम हाईमा, ७ अर्ब २५ करोडको कारोबार

A+ A A-

प्रि–ओपन सेसनमा नै अलटाइम हाई रेकर्ड बनाएको शेयरबजार परिसूचक नेप्से कारोबार खुल्नासाथ ओरालो लागेर पुनः फर्किएको छ । कारोबार सुरु हुनासाथ २६४५ दशमलव ५० अंकमा पुगेको नेप्से त्यसयता लगातार घटेर २६ सय १७ अंकमा आइपुगेपछि पुन: दिनभर अस्थिर बन्दै २६३१ दशमलव ८९ अंकमा पुगेर बन्द भएको छ ।

बिहीबार उतारचढावका बीच ७ अर्ब २५ करोड ९ लाख २४ हजार रुपैयाँबराबरको १ करोड ४३ लाख ९० हजार कित्ता शेयर खरिदबिक्री भएको छ । अघिल्लो दिन ६ अर्ब १६ करोड रुपैयाँबराबरको शेयर खरिदबिक्री भएको थियो ।

इन्डेक्स बढेर हरियाली बनेसँगै सब–इन्डेक्समा पनि हरियाली छाएको छ । सबैभन्दा धेरै वित्त समूहको सूचक १ दशमलव ९६ प्रतिशतले बढेको छ भने अन्य आठ समूहको सूचक पनि बढेका छन् । लगानी, म्युचुअल फण्ड, होटल तथा टुरिज्म र जीवन बीमा समूहको सूचक भने घटेको छ ।

बिहीबार ७ कम्पनीको शेयर सकारात्मक सर्किट लेभलमा कारोबार भएको छ । यस दिन साञ्जेन जलविद्युत् कम्पनी, युनाइटेड फाइनान्स, किसान माइक्रोफाइनान्स, वोमी लघुवित्त, एनआईसी एशिया लघुवित्त, अजोड इन्स्योरेन्स र श्री इन्भेस्टमेन्ट एण्ड फाइनान्सको शेयर सकारात्मक सर्किट लेभलमा कारोबार भएको हो ।

कारोबार रकमका आधारमा बिहीबार अपर तामाकोशी सर्वाधिक कारोबार हुने कम्पनीमा परेको छ । तामाकोशीको २९ करोड ५६ लाख ३५ हजार रुपैयाँबराबरको शेयर खरिदबिक्री भएको छ । त्यसैगरी, यस दिन एचआईडीसीएल, अपि पावर र नेपाल पुनर्बीमा कम्पनी पनि सर्वाधिक कारोबार हुनेमा परेका छन् ।