शरीरलाई पुनर्जागरण गराउने मेराकी, होलिस्टिक वेलनेस रिट्रिटको प्रि–लन्च, दुईवटा वर्कशप सम्पन्न

शरीरलाई पुनर्जागरण गराउने मेराकी, होलिस्टिक वेलनेस रिट्रिटको प्रि–लन्च, दुईवटा वर्कशप सम्पन्न

A+ A A-

नेपालमा मेराकी, होलिस्टिक वेलनेस रिट्रिटको प्रि–लन्च भएको छ । प्रि–लन्चको अवसरमा दुईवटा वर्कशप पनि सम्पन्न भएका छन् । प्राणिक हिलिङ र होलिस्टिक वेलबिइङ एण्ड वेलनेस तालिम उपस्थित व्यक्तित्वलाई दिइएको हो ।

मेराकी, होलिस्टिक वेलनेस रिट्रिट नेपालमा प्रिमियमर स्टेट–अफ–द–आर्ट वेलनेस थेरापि तथा आकर्षक आवासीय सेवा प्रदान गर्ने होलिस्टिक हिलिङ रिट्रिट हो । यहाँ आफ्नो मन, शरीर र आत्मालाई पुनर्प्राप्ति गर्न प्राकृतिक चिकित्साको माध्यमबाट सर्टिफाइड विशेषज्ञहरूले होलिस्टिक वेलनेस, प्राणिक हिलिङ, योगालगायत अन्य थेरापिद्वारा मार्गदर्शन गर्ने संस्थाले जनाएको छ ।

शिवपुरी डाँडा र बूढानीलकण्ठमा सुन्दर तथा निर्मल वातावरणमा अवस्थित मेराकीको दाबी छ, 'तपाईंको आवश्यकता पूरा गर्न विभिन्न थेरापिका साथै शुद्ध खानाले तपाईंको जीवनशैलीमा परिवर्तन ल्याउन तयार छ ।'

सो अवसरमा शरीरका बारेमा थप जानकार हुने आध्यात्मिक, मानसिक र शारीरिक कमजोरीहरूसम्बन्धी विशेष तालिम दिइएको थियो । साथै, मेराकीमा प्राकृतिक चिकित्सकीय प्रणालीबाट नेपालको पहिलो र एक मात्र विलासी वेलनेस रिट्रिट गन्तव्यमा पूर्ण स्वास्थ्यलाभको फाइदा उठाउन सकिने उक्त संस्थाले जनाएको छ ।

मेराकीका अनुसार यहाँ नेपाल सरकार र विश्व स्वास्थ संगठनको सुरक्षा मापदण्डभन्दा अझ बढी सुरक्षित नीति अपनाएको अनुभव गर्न सकिनेछ । यहाँ रहेका सुइटहरू, निजी लाउन्ज र रेस्टुरेण्टले तनावरहित वातावरणमा प्रकृतिको नजिक रहेर पूर्ण आराम दिलाउन विशिष्ट सेवा दिन कर्मचारीहरू सधैँ तत्पर रहन्छन् ।

अन्य कहीँ पनि अनुभव गर्न नपाउने मन, शरीर र आत्माको विशेष ध्यान राख्न सिकाउने यहाँका प्रयोगशालाले विशिष्ट अनुभव मात्र प्रदान गर्दैनन्, कुनै पनि किसिमको विशेष प्राथमिकता अथवा आवश्यकताको पनि ध्यान राखी तपाईंले खोजेको भन्दा उत्कृष्ट सेवा दिन मेराकी सधैँ तयार छ ।

प्रकाशित मिति: सोमबार, चैत ९, २०७७ १३:३४