'बास्किन रोबिन्स’ को बजार व्यवस्थापनको जिम्मा ज्योति ग्रुपले लियो

A+ A A-

ज्योति ग्रुपले नेपालका ११ वटा शहरमा १६ भन्दा बढी रिटेल आउटलेट रहेको ‘बास्किन रोबिन्स’ लाई सन इन्टरनेसनल इन्कर्पोरेटेड प्रालि (एसआईआईपीएल) को साझेदारीमा ज्योति गुप्रले बजार व्यवस्थापन गरेको छ ।

विश्वमै सबैभन्दा बढी रुचाइने आइसक्रिम ट्रिट ब्रान्ड बन्ने र नेपालमा स्वादिष्ट अनि उत्कृष्ट आइसक्रिम ब्रान्ड हुने लक्ष्य लिएर अघि बढेको यस कम्पनीले गुणस्तरीय उत्पादनहरूका साथै नवीनतम र सुविधादायक सेवा प्रदान गर्ने अठोट लिएको छ ।

सन् २०१७ देखि एसआईआईपीएलको नाममा ज्योति ग्रुपले एफएमसीजी उद्योगको स्थापना गरेको हो । वर्षौंदेखि आइसक्रिमको कारोबार गर्दै आएको एसआईआईपीएलले द्रुत गतिमा नेपालभर आफ्नो वितरण च्यानल र कार्यालयहरू विस्तार गर्दै आएको छ ।
समग्रमा भन्ने हो भने एसआईआईपीएल हस्पिटालिटी तथा रिटेल उद्योग उत्कृष्ट एवं प्रशिक्षित टिम भएको एक समर्पित ब्रान्ड हो ।

बास्किन रोबिन्स आइसक्रिम उद्योगमा नवीनतम उदाहरण हो । हरेक पटक नयाँ स्वाद प्रदान गर्न यस कम्पनीले विभिन्न विकल्प पस्किँदै आएको छ । जसअन्तर्गत फ्याट कम भएको लो क्यालोरी आइसक्रिम, अतिरिक्त चिनी नभएको, डेरीरहित आइसक्रिम फ्लेबरहरू, सेकका विभिन्न प्रकार, सन्डिज, बार्स, बेल्जियम वाफल र चोको लाभा पर्दछन् । यस ब्रान्डले निरन्तर रूपमा आइसक्रिम केक तथा अन्य नयाँ उत्पादमा समेत नवीकरण गर्दै जाने कम्पनीको भनाइ छ ।

ग्लोबल मापदण्डबाट प्रेरित हुँदै उत्तर ढोकामा अवस्थित यस ब्रान्डको फ्लागसिप स्टोरमार्फत ग्राहकहरूले ३१ वटा विभिन्न फरक स्वादको मजा लिन सक्ने कम्पनीले जनाएको छ । यसका साथै यस कम्पनीले दैनिक रूपमा एक व्यवस्थित खाना सुरक्षा योजना कायम गरेको छ, जुन दैनिक अडिट्सले प्रमाणितसमेत गर्दछ ।

प्रकाशित मिति: सोमबार, चैत ९, २०७७ १३:०७