नेपाल भित्रियो १५ रुपैयाँमै ८० किलोमिटर गुड्न सक्ने इलेक्ट्रिक स्कुटर (भिडियोसहित)

नेपाल भित्रियो १५ रुपैयाँमै ८० किलोमिटर गुड्न सक्ने इलेक्ट्रिक स्कुटर (भिडियोसहित)

A+ A A-

१५ रुपैयाँ बराबरको विद्युत खपत गरेर ८० किलोमिटर गुड्न सक्ने इलेक्ट्रिक स्कुटर नेपाल भित्रिएको छ ।

इलेक्ट्रिक स्कुटर कम्पनी लेभ्निङ र जम्बोको नेपालका लागि आधिकारिक वितरक जम्बो इको भेहिकलले लेभ्निङ ब्राण्डका एक्स १ र एस ५ तथा जम्बो ब्राण्डका डी ०६ र एम २० मोडल नेपाली बजारमा ल्याएको हो ।

लेभ्निङ ‘एक्स १’ मोडलमा २०२० र एस ५ मोडलमा तीन हजार वाटको मोटर जडान गरिएको छ भने जम्बो ब्राण्डको डी ०६ र एम २० मा क्रमश: २ हजार र १ हजार ५ सय वाटको मोटर जडान गरिएको छ ।

यो स्कुटरमा संसारकै पछिल्लो टेक्नोलोजी लिथियम आयोन पोलिमर इ-७ प्रयोग गरिएको सामसङको ब्याट्री प्रयोग गरिएको छ। डुअल ब्याट्री अप्सनमा यी स्कुटर १ सय ६० किलोमिटर गुड्न सक्ने कम्पनीको दाबी छ ।

लेभ्निङ र जम्बो दुवै स्कुटरमा १५ रुपैयाँ बराबरको विद्युतले ८० किलोमिटर गुड्न सक्ने कम्पनीका सञ्चालक नारायण गौतमले बताए । यी स्कुटरमा वातावरणअनुसार उज्यालो दिने एलइडी हेडलाइट, रेयर-डिस्क ब्रेकवाटर प्रुफिङ, ब्लू टूथ, कि-लेस इन्ट्री, सर्च मोड, सेन्सर कन्ट्रोल सिस्टम र फेलियर इन्डिकेसन सिस्टमलगायत विशेषता छन् । फेलियर इन्डिकेसन सिस्टमले स्कुटरको मोटर, ब्रेक र स्पिड कन्ट्रोलरमा समस्या आए डिस्प्लेमा देखाउने कम्पनीले जनाएको छ ।

कम्पनीले एक्स १ को मूल्य २ लाख ६० हजार, एस ५ को २ लाख ९९ हजार ९ सय ९९, डी ०६ को २ लाख ३५ हजार र एम २० को १ लाख ८५ हजार निर्धारण गरेको छ । त्यस्तै दुई वटा ब्याट्री प्रयोग गर्न चाहनेले थप ६० हजार निर्धारण गरेको छ ।

सुरुवाती चरणमा कम्पनीले काठमाडौं, हेटौँडा, चितवन र बुटवलमा शाखा विस्तार गरेको छ भने छिट्टै देशभर नेटवर्क विस्तार गर्ने तयारी गरेको छ । कम्पनीले बिक्रीपछिको सेवाका लागि ‘स्माट होम सेवा’ सुरु गर्ने तयारी गरेको छ ।

यी स्कुटर पावर, पर्फमेन्स, फिचर्स र मूल्य प्रतिस्पर्धी ब्राण्डको तुलनामा अब्बल तथा यसमा प्रयोग भएका पार्ट्स संसारकै उत्कृष्ट कम्पनीको प्रयोग गरिएको कम्पनीका सञ्चालक नारायण गौतमले जानकारी दिए ।