यस्ताे छ उन्नति र समिट लघुवित्तको वित्तीय स्थिति

A+ A A-

रुपन्देहीको उन्नति र झापाको समिट लघुवित्तले चैतसम्मको वित्तीय विवरण सार्वजनिक गरेका छन् ।

उन्नति लघुवित्त : सापट र निक्षेप बढ्दा नाफा बढ्यो

उन्नति लघुवित्तले चैत मसान्तसम्ममा १ अर्ब ८ करोड रुपैयाँ सापट लिएको छ । त्यस्तै, सदस्यको बचत निक्षेप रकम ५० करोड २९ लाख रुपैयाँ छ | सदस्यलाई प्रवाह गरिएको कर्जा रकम १ अर्ब ३७ करोड रुपैयाँ छ । सापट रकम गत वर्षभन्दा ४८ प्रतिशत बढेको छ । गत वर्षको यही बेला सापट रकम ७२ करोड रुपैयाँ थियो । सदस्यको बचत पनि ७८ प्रतिशत बढेको छ । अघिल्लो वर्ष २८ करोड रुपैयाँ थियो ।

खुद ब्याज आम्दानी

कर्जा लगानीबाट १६करोड २५ लाख रुपैयाँ ब्याज आम्दानी गरेको छ । ब्याज खर्च रकम १० करोड ४२ लाख रुपैयाँ पछि ५ करोड ८३ लाख रुपैयाँ खुद ब्याज आम्दानी गरेको छ । ब्याज आम्दानी ५१ प्रतिशत बढेको छ भने ब्याज खर्च ७३ प्रतिशत बढेको छ । खुद ब्याज आम्दानी २५ प्रतिशत बढेको छ ।

अन्य आम्दानीपछिको खुद आम्दानी

शुल्क तथा कमिसन र अन्य सञ्चालन आम्दानीसमेत गरी ११ करोड २० लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी अघिल्लो वर्षको यही अवधिभन्दा ४० प्रतिशत बढेको छ । अन्य सञ्चालन आम्दानी ५ करोड २८ लाख रुपैयाँ छ जुन अघिल्लो वर्ष २ करोड ९ लाख रुपैयाँ थियो ।

कर्मचारी रसञ्चालन खर्चपछिको सञ्चालन आम्दानी ६ करोड १ लाख रुपैयाँ छ | यस्तो आम्दानी गत वर्ष ३ करोड २७ लाख रुपैयाँ थियो । गत वर्षभन्दा ८३ प्रतिशत बढेको छ ।

नोक्सानी व्यवस्था, नोक्सानी व्यवस्थाबाट फिर्ता, कर्मचारी बोनस र आयकरपछिको खुद नाफा ३ करोड १६ लाख रुपैयाँ छ । खुद नाफा अघिल्लो वर्ष यही अवधिको तुलनामा ७५ प्रतिशत बढेको छ ।

नाफा-नोक्सान बाँडफाँट

चैत मसान्तसम्मको सम्भावित खुद नाफा बाँडफाँट हिसाबअनुसार वैधानिक कोषमा ६३ लाख रुपैयाँ र अन्य विभिन्न कोषमा अनुमानित १५ लाख रुपैयाँ जति छुट्टयाएपछि बाँकी रहने २ करोड ३८ लाख रुपैयाँ बचत हुन सक्छ ।

अनुमानित सञ्चित भनेर देखिएको रकम सबै नाफा वितरणका लागि योग्य नहुन पनि सक्छ । त्यसबाट पनि केही रकम सर्वसञ्चित कोषमा रहन सक्छ । चैत मसान्तको सञ्चित नाफा रकमलाई आधार मान्दा असार मसान्तसम्ममा यस्तो रकम ३ करोड १७ रुपैयाँ हुने अनुमान गर्न सकिन्छ ।

पुँजी र कोषहरु

लघुवित्तको पुँजी ७ करोड ७२ लाख रुपैयाँ छ । समग्र जगेडा कोष ३ करोड ९७ लाख रुपैयाँ छ । यसमा वैधानिक जगेडालगायत रकम हुन्छ ।

अन्य महत्त्वपूर्ण सूचक

खराब कर्जा १.०३ प्रतिशत, कोषको लागत १०.०४ प्रतिशत प्रतिसेयर आम्दानी ५४ रुपैयाँ ६६ पैसा (वार्षिकीकरण गरिएको), प्रतिसेयर नेटवर्थ १ सय ५१ रुपैयाँ छ ।

सञ्चालन र कर्मचारी खर्च ४७ प्रतिशत देखिन्छ | लघुवित्तका लागि यति खर्च हुनुलाई सामान्य मानिन्छ । यस्तो खर्चको हिसाब कुल सञ्चालन आम्दानी आधारमा गरिएको हो । कुल सञ्चालन आम्दानीको कति रकम सञ्चालन र कर्मचारीमा गरिएको रहेछ भन्ने यसबाट थाहा हुन्छ । यसमा कर्मचारी बोनस जोडिएको छैन ।

खराब कर्जा बढेको छ । अघिल्लो वर्ष ०.३६ प्रतिशत थियो । यसपटक बढेर १.०३ प्रतिशत पुगेको छ । कोषको लागत सामान्य घटेको छ । अघिल्लो वर्ष १०.१३ प्रतिशत रहेकोमा अहिले १०.०४ प्रतिशत कायम भएको छ । कोषको लागत घटे पनि सापट र निक्षेप बढेको हुँदा ब्याज खर्च बढेको छ । नोक्सानी व्यवस्था बढेको छ ।

समिट लघुवित्त : सापट घट्यो, सदस्यको बचत बढ्योसमिट लघुवित्तले चैत मसान्तसम्ममा ६५ करोड ९ लाख रुपैयाँ सापट लिएको छ । त्यस्तै, सदस्यको बचत निक्षेप रकम ७३ करोड २९ लाख रुपैयाँ छ । सदस्यलाई प्रवाह गरिएको कर्जा रकम १ अर्ब ६० करोड रुपैयाँ छ | सापट रकम गत वर्षभन्दा २३ प्रतिशत घटेको छ । गत वर्षको यही बेला सापट रकम ८४ करोड रुपैयाँ थियो । सदस्यको बचत पनि २६ प्रतिशत बढेको छ । अघिल्लो वर्ष ५८ करोड रुपैयाँ थियो ।

खुद ब्याज आम्दानी

कर्जा लगानीबाट २२ करोड २७ लाख रुपैयाँ ब्याज आम्दानी गरेको छ । ब्याज खर्च रकम ११ करोड २ लाख रुपैयाँपछि ११ करोड २५ लाख रुपैयाँ खुद ब्याज आम्दानी गरेको छ । ब्याज आम्दानी २५ प्रतिशत बढेको छ भने ब्याज खर्च १६ प्रतिशत बढेको छ । खुद ब्याज आम्दानी ३८ प्रतिशत बढेको छ ।

अन्य आम्दानीपछिको खुद आम्दानी

अन्य सञ्चालन आम्दानीसमेत गरी १४ करोड ४० लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी अघिल्लो वर्षको यही अवधिभन्दा ३२ प्रतिशत बढेको छ । अन्य सञ्चालन आम्दानी ३ करोड १५ लाख रुपैयाँ छ जुन अघिल्लो वर्ष २ करोड ७५ लाख रुपैयाँ थियो ।

कर्मचारी र सञ्चालन खर्चपछिको सञ्चालन आम्दानी ७ करोड २९ लाख रुपैयाँ छ । यस्तो आम्दानी गत वर्ष ३ करोड २७ लाख रुपैयाँ थियो । गत वर्षभन्दा ५७ प्रतिशत बढेको छ ।

नोक्सानी व्यवस्था, कर्मचारी बोनस र आयकरपछिको खुद नाफा ४ करोड २८ लाख रुपैयाँ छ । खुद नाफा अघिल्लो वर्ष यही अवधिको तुलनामा ५० प्रतिशत बढेको छ ।

नाफा-नोक्सान बाँडफाँट

चैत मसान्तसम्मको सम्भावित खुद नाफा बाँडफाँट हिसाबअनुसार वैधानिक कोषमा ८६ लाख रुपैयाँ र अन्य विभिन्न कोषमा अनुमानित २२ लाख रुपैयाँ जति छुट्टयाएपछि बाँकी रहने ३ करोड २० लाख रुपैयाँ बचत हुन सक्छ ।

अनुमानित सञ्चित भनेर देखिएको रकम सबै नाफा वितरणका लागि योग्य नहुन पनि सक्छ । त्यसबाट पनि केही रकम सर्वसञ्चित कोषमा रहन सक्छ । चैत मसान्तको सञ्चित नाफा रकमलाई आधार मान्दा असार मसान्तसम्ममा यस्तो रकम ४ करोड २६ रुपैयाँ हुने अनुमान गर्न सकिन्छ ।

पुँजी र कोषहरु

लघुवित्तको पुँजी २१ करोड रुपैयाँ छ । समग्र जगेडा कोष ८ करोड ८२ लाख रुपैयाँ छ । यसमा वैधानिक जगेडालगायत रकम हुन्छ ।

अन्य महत्त्वपूर्ण सूचक

खराब कर्जा १.९५ प्रतिशत, कोषको लागत १०.१२ प्रतिशत, प्रतिसेयर आम्दानी २० रुपैयाँ ४० पैसा (वार्षिकीकरण गरिएको) र प्रतिसेयर नेटवर्थ १ सय ४२ रुपैयाँ छ ।

सञ्चालन र कर्मचारी खर्च ५० प्रतिशत देखिन्छ । सञ्चालन खर्चको रकम अलि बढी देखिन्छ । अघिल्लो वर्ष यस्तो खर्च ४२ प्रतिशत थियो । यस्तो खर्चको हिसाब कुल सञ्चालन आम्दानी आधारमा गरिएको हो । कुल सञ्चालन आम्दानीको कति रकम सञ्चालन र कर्मचारीमा गरिएको रहेछ भन्ने यसबाट थाहा हुन्छ । यसमा कर्मचारी बोनस जोडिएको छैन ।

खराब कर्जा बढेको अत्याधिक बढेको छ । अघिल्लो वर्ष ०.४१ प्रतिशत थियो | यसपटक बढेर १.९५ प्रतिशत पुगेको छ | कोषको लागत सामान्य घटेको छ । अघिल्लो वर्ष १०.३४ प्रतिशत रहेकोमा अहिले १०.१२ प्रतिशत कायम भएको छ । नोक्सानी व्यवस्था बढेको छ ।

प्रकाशित मिति: सोमबार, वैशाख ३०, २०७६ २३:४७