एपीएफले जित्याे सातौं प्रधानमन्त्री कप महिला भलिबलको उपाधि

A+ A A-

डिफेन्डिङ च्याम्पियन नेपाल पुलिस क्लबको चुनौतिलाई पन्छाउँदै एपिएफ क्लबले नेपागञ्जमा सम्पन्न सातौं प्रधानमन्त्री कप महिला भलिबलको उपाधि जितेको छ ।

नेपालगञ्ज कभर्ड हलमा सम्पन्न खेलमा एपिएफले पुलिसलाई ३–० को सोझो सेटमा पराजित गर्दै उपाधि जितेको हो । विजेता एपिएफले ५ लाख र दोस्रो भएको पुलिसले २ लाख प्राप्त गरेका छन् । एपिएफले पुलिसलाई २५–२२, २५–२३ र २५–१९ ले पराजित गर्दै च्याम्पियन बनेको हो ।

उपाधि उचालेको एपिएफले लिगमा अपराजित रहँदै उपाधि जितेको हो । बाँके जिल्ला भलिबल संघको आयोजनामा भएको प्रतियोगितामा होङ्गान्जी न्यु डायमन्ड तेस्रो हुँदा आर्मीले चौथो स्थानमै चित्त बुझायो । न्यु डायमन्डले एक लाख र आर्मीले ५० हजार रुपैयाँ प्राप्त गरे ।

प्रतियोगितामा नेपाल एपिएफकी सरस्वती चौधरी सर्वोत्कृष्ट खेलाडी घोषित भइन् । सरस्वतीले नगद २५ हजार प्राप्त गरिन् । यस्तै, अन्य विधातर्फ नेपाल पुलिसकी उषा भण्डारी प्रतियोगिताकै उत्कृष्ट स्पाइकर घोषित हुँदा एपिएफकी हिरा केसी उत्कृष्ट ब्लकर, पुलिसकी कमला पुन उत्कृष्ट सेटर, न्यु डायमन्डकी सलिना श्रेष्ट उत्कृष्ट लिब्रो र प्रतिभा माली उत्कृष्ट सर्भर चुनिए ।

एपिएफका महेश चौधरी प्रतियोगतिाका उत्कृष्ट प्रशिक्षक छानिए । विधागतरुपमा उत्कृष्ट चुनिने सबै खेलाडी र प्रशिक्षकले समान ५–५ हजार प्राप्त गरे ।

तीन विभागिय टोली नेपाल पुलिस क्लब, नेपाल एपिएफ क्लब, त्रिभुवन आर्मी क्लब, न्यु डायमण्ड स्पोट्र्स क्लब र स्थानिय टोली लुम्बिनी युनाइटेड गरी ५ टोलीको सहभागिता थियो ।

विजयी तथा उत्कृष्ट खेलाडीलाई राष्ट्रिय खेलकुद परिषद (राखेप) का सदस्यससचिव रमेश कुमार सिलवाल, नेपालगन्ज उपमहानगरपालिकाका मेयर धवलशम्शेर राणा, उपमेयर उमा थापा,लुम्बिनी प्रदेश सांसद कृष्णा केसी ‘नमुना’लगायतले पदक तथा पुरस्कार वितरण गरेका थिए ।