स्वर्णिम युनिभर्सिटीको प्रवर्द्धन गर्दै इ-स्पट इन्टरनेसनल एजुकेसन

A+ A A-

भारतको गुजरातकै उत्कृष्ट युनिभर्सिटीहरूमध्यमा पर्ने स्वर्णिम युनिभर्सिटीलाई नेपालमा प्रवर्द्धन गरिने भएकाे छ । इ-स्पट इन्टरनेसनल एजुकेसन कन्सल्टेन्सीले साे विश्वविद्यालयकाे प्रवर्द्धन गर्ने भएकाे हो ।

स्वर्णिम युनिभर्सिटीको प्रवर्द्धन गर्नका लागि नेपाल अफिस इ-स्पट इन्टरनेसनल एजुकेसन कन्सल्टेन्सी हालै उद्घाटन गरिएकाे छ ।

उक्त विश्वविद्यालयकाे नेपाल अफिस सो कन्सल्टेन्सीकाे स्वर्णिम युनिभर्सिटीका भाइस प्रिसिडेन्ट आदी ॠषभ जैन, हेड अफ एड्मिसन्स अर्पित कुमार सोलन्की र इ-स्पट इन्टरनेसनल एजुकेशन कन्सल्टेन्सीका डाइरेक्टर साकार साहीले संयुक्त रूपमा समुद्घाटन गरेका हुन् ।

कार्यक्रममा युनिभर्सिटीका भाइस प्रिसिडेन्ट जैनले स्वर्णिम युनिभर्सिटी, अन्तर्राष्ट्रिय विद्यार्थी समुदाय र गुणस्तरीय शैक्षिक पद्धतिका बारेमा जानकारी गराए । युनिभर्सिटीका हेड अफ एड्मिसन्स सोलन्कीले युनिभर्सिटीले विश्वभर मान्यताप्राप्त शैक्षिक कार्यक्रमहरू सञ्चालन गरी स्टार्ट-अप र इन्नोभेसनमा गरेका उपलब्धिका बारेमा जानकारी गराए ।

त्यसैगरी, कन्सल्टेन्सीका डाइरेक्टर साकार साहीले नेपालमा गुणस्तरीय शैक्षिक परामर्श सेवा प्रदान गर्दै आएको इ-स्पट इन्टरनेसनल एजुकेशन कन्सल्टेन्सीले स्वर्णिम युनिभर्सिटीलाई नेपालमा प्रवर्द्धन गर्न पाउँदा निकै खुसी लागेको बताए । उनले भने, 'अब स्वर्णिम युनिभर्सिटीका बारेमा विद्यार्थी र अभिभावकहरूले सजिलै यस कार्यालयबाट जानकारी र अन्य सेवा प्राप्त गर्न सक्नुहुनेछ ।'

कार्यक्रममा शैक्षिक परामर्श व्यवसायी, उच्च व्यक्तित्व र इ-स्पट इन्टरनेसनल एजुकेशन कन्सल्टेन्सीका शुभचिन्तकहरूको उपस्थिति थियो ।

अध्ययनका लागि भारत जान चाहने विधार्थीको रोजाइमा हाल गुजरातको नाम अग्रपंक्तिमा आउने गरेकाे छ । गुजरात भारतको सम्पन्न प्रदेश, सुरक्षित, व्यापारिक केन्द्र र अनुकूल वातावरण भएकाले कारण पनि उत्कृष्ट सहरको रूपमा लिइन्छ ।