वैदेशिक रोजगारीमा जानेहरूका लागि एनसेलकाे नयाँ याेजना : ‘सहयात्री सिम’

A+ A A-

एनसेलले वैदेशिक रोजगारीमा जाने योजनामा रहेका र उनीहरूका परिवारका सदस्यहरूलाई ध्यानमा राखी ‘सहयात्री सिम’ बजारमा ल्याएको छ । कम्पनीले आफ्नाे नयाँ अभियान ‘फास्ट फरवार्ड लाइफ’ अन्तर्गत यही १४ फागुनदेखि ‘सहयात्री सिम’ बजारमा ल्याएको हो ।

स्टार्टर प्याकमा बन्डल सेवा, आकर्षक बोनस सुविधा र निःशुल्क रोमिङ सेवा यो सिमको केही मुख्य विशेषताहरू रहेकाे कम्पनीकाे भनाइ छ ।

सहयात्री सिमको उद्देश्य वैदेशिक रोजगारीमा जाने सोच बनाएकाहरूलाई उनीहरूको रोजगारी यात्रामा सम्पूर्ण रूपमा सहयोग पुर्‍याउनु रहेको कम्पनीले बताएकाे छ । कम्पनीका अनुसार यो सिममा समेटिएका सबै अफर तथा सुविधाहरूले विदेश जाने व्यक्तिहरूको यात्रालाई सहज बनाउने र विदेशमा रहेका परिवारका सदस्यसँग सहजै सम्पर्कमा रहिरहनसमेत मद्दत गर्ने किसिमका छन् ।

यो सिम ग्राहकले करसहित मात्र ९९ रुपैयाँमा लिन सक्ने र सिमसँगै २० रुपैयाँ मेन ब्यालेन्स, सात दिनका लागि मान्य हुने २०० एमबी डाटा, २० मिनेट अन नेट टक लाइम र २० वटा अन नेट एसएमएस पाइन्छ । त्यस्तै, पहिलो रिचार्जमा बोनस, एक वर्षसम्म प्रत्येक रिचार्जमा १० प्रतिशत बोनस, नेपाल कल गर्न वा आफू रहेको देशभित्रै कल गर्न १५ मिनेट रोमिङ सेवाजस्ता विशेष सुविधा छन् । १५ मिनेटको रोमिङ सेवा ग्राहकले भारत, कतार, यूएई, मलेसिया, कुवेत, ओमान र दक्षिण कोरियामा प्रयोग गर्न सक्छन् ।

यो सिममा ग्राहक निःशुल्क ‘कल आयो पैसा पायो’ अफरमा सहभागी हुन सक्छन् । यसमा मेन ब्यालेन्स कम रहेको अवस्थामा पनि मिस्ड कल दिन सकिने सुविधा छ । साथै, कुनै पनि भारतीय नम्बरमा लोकल कलको दर करबाहेक १.९९ प्रतिमिनेटमा कल गर्न सकिने सुविधा छ । यो सिमका ग्राहकले एनसेल जबसप सेवामा एक महिनासम्म निःशुल्क पहुँच पाउँछन् । एक महिनापश्चात् ग्राहकले मासिक जबसप प्लान ५० प्रतिशत छुटमा चलाउन सक्छन् ।

एनसेलका चिफ कमर्सियल अफिसर प्रदीप श्रीवास्तवले भने, 'हामी आफ्ना ग्राहकका आवश्यकताअनुसार सेवा प्रदान गर्न सधैँ उत्तम उपायको खोजीमा रहन्छौँ । वैदेशिक रोजगारीमा जान चाहने कामदारको यात्रालाई सहज बनाउन र उनीहरूका परिवारका सदस्यसँग अटुट सम्बन्ध कायम राख्न मद्दत गर्ने विशेष ‘सहयात्री सिम’ ल्याउन पाएकोमा हामी हर्षित छाैँ । यो योजनाले रोेजगारीका लागि विदेश जानेहरूलाई नेपालमा रहेका आफ्ना प्रियजनसँग सम्पर्कमा रहिरहन सजिलो बनाउँछ । सहयात्री सिम सरल भए पनि अर्थपूर्ण र प्रभावशाली छ ।'

श्रीवास्तवले थपे, 'यो सिम सुचारु गरेको दोस्रो दिनको मध्यरातसम्ममा १०० भन्दा माथिको पहिलो रिचार्जमा ग्राहकले बोनस टक टाइम र डाटा प्राप्त गर्दछन् । जस्तै कुनै ग्राहकले १०० को पहिलो रिचार्ज गरेमा उसले १०० मिनेट एनसेल नेटवर्क भित्र कल गर्न सकिने बोनस टक टाइम र सात दिनको समयसीमा रहेको १०० एमबी डाटा प्राप्त गर्दछ ।'

कम्पनीका अनुसार ग्राहकले प्रत्येक रिचार्जमा १२ महिनासम्म प्राप्त गर्ने १० प्रतिशत बोनसबाट पेएजयुगोअन्तर्गत सेवा प्रयोग गर्न सक्छन् । बोनस प्रयोग गर्ने समयावधि सात दिन रहेको छ । यो सिमबाट ग्राहकले आफ्नो मेन ब्यालेन्स कम भएको अवस्थामा पनि मलेसिया, कतार, यूएई, साउदी अरब, भारत, जापान, दक्षिण कोरिया वा बहराइनमा रहेका आफ्ना परिवारका सदस्यको नम्बरमा मिस्ड कल दिन सक्नेछन् । यति मात्र हैन, यो सिम सुचारु गर्ने ग्राहकले ‘कल आयो पैसा पायो’ योजनामा निःशुल्क सहभागी हुँदै हरेक अन्तराष्ट्रिय आगमन कलमा बोनस प्राप्त गर्न सक्नेछन् ।

प्रकाशित मिति: सोमबार, फागुन १७, २०७७ १४:३८