भन्सार विभागको महानिर्देशकमा यमलाल भुसाल, अर्थ प्रवक्तामा दाहाल

A+ A A-

भन्सार विभागको महानिर्देशक सम्हालेको १८ महिनापछि सुमनप्रसाद दाहालको सुरुवा भएको छ । दाहाललाई अर्थ मन्त्रालयमा योजना, अनुगमन तथा मूल्यांकन महाशाखामा तानिएको छ । योसँगै उनले अर्थ मन्त्रालयको प्रवक्ताको जिम्मेवारी पनि पाएका छन् । दाहाल अर्थमा तानिएपछि भन्सार विभागमा भने अर्थबाट यमलाल भुसाललाई पठाइएको छ ।

दाहाल २०७६ भदौमा भन्सार विभागको जिम्मेवारी पाएका थिए । भन्सार विभागमा सामान्यतः एक वर्ष पनि महानिर्देशक नटिक्ने गरेको विभागको रेकर्डले देखाउँछ । तत्कालीन महानिर्देशक शिशिरकुमार ढुंगानापछि विभागमा लामो समय टिक्नेमा दाहाल पर्छन् । उनी १८ महिना भन्सार विभागमा बसेपछि अर्थमा तानिएका हुन् ।

भन्सार विभागको महानिर्देशकको जिम्मेवारी पाएका भुसाल भने अर्थ मन्त्रालयको आर्थिक नीति तथा विश्लेषण महाशाखामा रहेका थिए । प्रधानमन्त्री कार्यालयबाट सुरुवा भएर गत वर्ष अर्थ थमन्त्रालयमा आई चालू आर्थिक वर्षको बजेट निर्माणमा महत्त्वपूर्ण भूमिका खेलेका भुसाल अर्थ मन्त्रालयअन्तर्गत महत्त्वपूर्ण विभाग भानिने भन्सार विभाग पुगेका हुन् ।

भुसाललाई भन्सार पठाइएपछि नीति तथा विश्लेषण महाशाखामा अर्थ मन्त्रालयबाटै डा. रामप्रसाद घिमिरेलाई सारिएको छ । उनी केही महिनाअघिबाट अर्थ मन्त्रालयको योजना, अनुगमन तथा मूल्यांकन महाशाखामा रहेका थिए भने त्यसभन्दा अघि गण्डकी प्रदेशको सामाजिक सुरक्षा मन्त्रालयमा रहेका थिए ।

प्रधानमन्त्री तथा मन्त्रिपरिषद् कार्यालयअन्तर्गतको राजस्व अनुसन्धान विभागको महानिर्देशकमा रहेका दीर्घराज मैनालीलाई अर्थ मन्त्रालयको वित्तीय क्षेत्र व्यवस्थापन तथा संस्थान समन्वयन महाशाखा दिइएको छ । उनी आन्तरिक राजस्व विभाग जानको लागि पहल गरेका थिए भने अर्थ मन्त्रालय पनि स्वीकृतिको लागि सामान्य प्रशासन मन्त्रालयमा पठाएको थियो ।

तर, सामान्य प्रशासनबाट स्वीकृत नपाएको भन्दै झक्कप्रसाद आचार्यलाई आन्तरिक राजस्व विभाग पठाएको थियो । आचार्यको स्थानमा मैनालीलाई ल्याइएको हो । सरुवामा परेका सबै जानले आइतबार रमाना बुझ्दै छन् ।

प्रकाशित मिति: शनिबार, फागुन १५, २०७७ १९:५५