डिप्रोक्स लघुवित्त : सदस्यको संख्यामा २० प्रतिशत वृद्धि

A+ A A-

डिप्रोक्स लघुवित्तले चैत मसान्तसम्ममा ६ अर्ब ६ करोड रुपैयाँ सापट लिएको छ | त्यस्तै, समूहको बचत निक्षेप ३ अर्ब ४३ करोड रुपैयाँ छ | १० अर्ब ६३ करोड कर्जा लगानी गरेको छ | सापट रकम ४३ प्रतिशत र समूहको बचत ५८ प्रतिशत बढेको छ | कर्जा लगानी ५० प्रतिशत बढेको छ |

खुद ब्याज आम्दानी

कर्जा लगानीबाट १ अर्ब १६ करोड रुपैयाँ ब्याज आम्दानी गरेको छ । ब्याज खर्च रकम ५७ करोड ८८ लाख रुपैयाँपछि ३७ करोड ४८ लाख रुपैयाँ खुद ब्याज आम्दानी गरेको छ । ब्याज आम्दानी ४३ प्रतिशत, ब्याज खर्च ६१ प्रतिशत र खुद ब्याज आम्दानी २० प्रतिशत बढेको छ ।

अन्य आम्दानीपछिको खुद आम्दानी

शुल्क तथा कमिसन, अन्य सञ्चालन आम्दानी र खुद ब्याजसमेत गरी ७६ करोड ६८ लाख रुपैयाँ कुल सञ्चालन आम्दानी गरेको छ | यस्तो आम्दानी अघिल्लो वर्षको यही अवधिभन्दा ४२ प्रतिशत बढेको छ ।

कर्मचारी खर्च र सञ्चालन खर्चपछिको सञ्चालन आम्दानी ५० करोड ४० लाख रुपैयाँ छ | यस्तो आम्दानी अघिल्लो वर्षभन्दा ६५ प्रतिशत बढेको छ ।

ट्रेडिङ र अन्य सञ्चालन आम्दानीपछिको कुल सञ्चालन आम्दानी ३ अर्ब ३७ करोड रुपैयाँ छ । अघिल्लो वर्षभन्दा यस्तो आम्दानी यस वर्ष १ सय ५ प्रतिशत बढेको छ ।

नोक्सानी व्यवस्था, नोक्सानी व्यवस्थाबाट फिर्ता, असामान्य गतिविधिबाट भएको आम्दानी, कर्मचारी बोनस र आयकरपछिको खुद आम्दानी २८ करोड ७२ लाख रुपैयाँ छ | खुद नाफा अघिल्लो वर्षभन्दा ६२ प्रतिशत बढेको छ ।

नाफा-नोक्सान बाँडफाँट

चैत मसान्तसम्मको खुद नाफाअनुसार आगामी असारसम्ममा कम्पनीले ३८ करोड २६ लाख रुपैयाँ खुद नाफा गर्ने अनुमान गर्न सकिन्छ | यसबाट नियमकीय प्रावधानअनुरुप विभिन्न कोष छुट्ट्याएर मात्र नाफा बाँड्न सक्छ | वितरण गर्ने नाफाको अंक यति नै हुन्छ भनेर अहिले नै भन्न सकिन्न |

पुँजी र कोषहरु

लघुवित्तको पुँजी ७७ करोड ३४ लाख रुपैयाँ छ । विभिन्न वर्षको नाफाबाट सञ्चित हुँदै आएको रकम र चैत मसान्तसम्मको खुद नाफासमेत गरी जगेडा तथा कोषमा ६४ करोड २८ लाख रुपैयाँ देखिन्छ ।

अन्य महत्त्वपूर्ण सूचक

खराब कर्जा ०.८८ प्रतिशत र कोषको लागत ९.७० प्रतिशत, प्रतिसेयर आम्दानी ४९ रुपैयाँ ५२ पैसा (वार्षिकीकरण गरिएको) र प्रतिसेयर नेटवर्थ १ सय ८३ रुपैयाँ छ |

कम्पनीले चैत मसान्तको वित्तीय प्रतिवेदन नेपाल वित्तीय प्रतिवेदन मान (एनएफआरएस) तयार पारेको बताएको छ |

एकै क्षेत्रमा बहुसंख्यक लघुवित्त कम्पनीको उपस्थितिले दोहोरोपना बढाएकोले कार्यक्रममा ह्रास आएको र सदस्यबाट कर्जा रकम दुरुपयोग हुन सक्ने तर्फ कम्पनीको ध्यान गएको उल्लेख छ | लघुवित्तमा आबद्ध हुने सदस्यको संख्यामा २० प्रतिशत वृद्धि भएको छ |

प्रकाशित मिति: बिहीबार, वैशाख २६, २०७६ २३:४३