कस्ताे छ नेपाल बंगलादेश बैंक र बैंक अफ काठमाडौंको वित्तीय स्थिति ?

A+ A A-

नेपाल बंगलादेश बैंक र बैंक अफ काठमाडौंले चालू आव २०७५/७६ को चैत मसान्तसम्मको वित्तीय विवरण सार्वजनिक गरेका छन् ।

नेपाल बंगलादेश बैंक : थोरै निक्षेप तर अधिक नाफा वृद्धि

नेपाल बंगलादेश बैंकले चालू अवधि (चैत मसान्त) सम्ममा ५६ अर्ब ६ करोड रुपैयाँ निक्षेप संकलन गरेर ५१ अर्ब ५२ रुपैयाँ कर्जा लगानी गरेको छ । निक्षेप र कर्जा क्रमशः १६ र २६ प्रतिशत बढेको छ ।

खुद ब्याज आम्दानी

कर्जा लगानीबाट ५ अर्ब १ करोड रुपैयाँ ब्याज आम्दानी गरेको छ । ब्याज खर्च रकम २ अर्ब ९० करोड रुपैयाँ पछि २ अर्ब ११ करोड रुपैयाँ खुद ब्याज आम्दानी गरेको छ । ब्याज आम्दानी २६ प्रतिशत, ब्याज खर्च १४ प्रतिशत र खुद ब्याज आम्दानी ५२ प्रतिशत बढेको छ ।

अन्य आम्दानीपछिको खुद आम्दानी

शुल्क तथा कमिसनबाट हुने खुद आम्दानी अघिल्लो वर्षको यही अवधिभन्दा ३.५ प्रतिशतले बढेर ६४ करोड ७६ लाख रुपैयाँ पुगेको छ ।

खुद शुल्क, कमिसन र ब्याज आम्दानी रकम २ अर्ब ७५ करोड रुपैयाँ छ । अघिल्लो वर्षभन्दा यस्तो आम्दानी यस वर्ष ३६ प्रतिशत बढेको छ ।

ट्रेडिङ र अन्य सञ्चालन आम्दानीपछिको कुल सञ्चालन आम्दानी २ अर्ब ९९ करोड रुपैयाँ छ । अघिल्लो वर्षभन्दा यस्तो आम्दानी यस वर्ष ४० प्रतिशत बढेको छ ।

नोक्सानी व्यवस्थापछिको खुद सञ्चालन आम्दानी २ अर्ब ७१ करोड रुपैयाँ छ । यस्तो आम्दानी अघिल्लो वर्षभन्दा ५५ प्रतिशत बढेको छ । नोक्सानी व्यवस्थामा २७ करोड ६३ लाख रुपैयाँ राखेको छ ।

कर्मचारी खर्च (बोनससहित), सञ्चालन खर्च र ह्रास कट्टी व्यवस्थापछिको सञ्चालन आम्दानी १ अर्ब ६५ करोड रुपैयाँ छ । यस्तो आम्दानी अघिल्लो वर्षभन्दा ६५ प्रतिशत बढी हो ।

गैरसञ्चालन आम्दानी तथा खर्च र आयकरपछि १ अर्ब ७३ करोड रुपैयाँ खुद नाफा गरेको छ । खुद नाफा अघिल्लो वर्ष यही अवधिको तुलनामा ५६ प्रतिशत बढेको छ ।

नाफा-नोक्सान बाँडफाँट

चालू अवधि (चैत मसान्त)सम्मको खुद नाफाअनुसार वैधानिक कोषलगायत विभिन्न कोषमा नियमकीय प्रावधानअनुरुप रकम व्यवस्था गरेपछि चालू अवधिको आम्दानीबाट ६० करोड २५ लाख रुपैयाँ बचत (सञ्चित नाफा) मा सारेको छ । बचत वा सञ्चित रकम वितरणयोग्य रकम हो । तर, बचत वा सञ्चिती अंकमा देखिए जति सबै रकम सेयरधनीलाई नाफा बाँडिन्छ भन्ने हुन्न । त्यसबाट पनि केही रकम सर्वसञ्चित कोषमा रहन सक्छ ।

चैत मसान्तको सञ्चित नाफा रकमलाई आधार मान्दा असार मसान्तसम्ममा यस्तो रकम ८० करोड २० लाख रुपैयाँ हुने अनुमान गर्न सकिन्छ । यो रकम चुक्ता पुँजीलाई भाग लगाउँदा करिब १० प्रतिशत हुन आउँछ। तर, यसको अर्थ आगामी वर्ष बैंकले १० प्रतिशत लाभांश घोषणा गर्छ भन्ने होइन ।

पुँजी र कोषहरु

बैंकको पुँजी ८ अर्ब ८ करोड रुपैयाँ छ । विभिन्न वर्षको नाफाबाट सञ्चित हुँदै आएको रकम र चालू अवधिको चैत मसान्तसम्मको सञ्चित नाफासहित ६९ करोड २६ लाख रुपैयाँ सञ्चित नाफा देखिन्छ ।

वैधानिक जगेडा, अन्य जगेडा र सम्भवतः सम्पत्ति पुनर्मूल्यांकनबाट सिर्जित रकमसमेत गरी बैंकको जगेडा कोषमा ३ अर्ब १९ करोड रुपैयाँ देखिन्छ ।

सम्पत्ति पुनर्मूल्यांकनबाट सिर्जित र वैधानिक जगेडाको रकम लाभांश वितरणका लागि योग्य हुन्न । चुक्ता पुँजी विभिन्न कोषसहित सेयरधनीको कोष ११ अर्ब ९६ करोड रुपैयाँ पुगेको छ । पुँजी कोष अनुपात ११.७६प्रतिशत छ ।

अन्य महत्त्वपूर्ण सूचक

खराब कर्जा १.७७ प्रतिशत, कोषको लागत ७.६६ प्रतिशत, कर्जा निक्षेप अनुपात ७८ प्रतिशत, आधार दर ११.६० प्रतिशत, ब्याज अन्तर ४.७१ प्रतिशत, प्रतिसेयर आम्दानी १७ रुपैयाँ २२ पैसा (वार्षिकीकरण गरिएको) र प्रतिसेयर नेटवर्थ १४८ रुपैयाँ छ ।

बैंकको लगानी र सहायक कम्पनी

बैंकले कर्जाबाहेकको लगानीतर्फ ५ अर्ब १६ करोड रुपैयाँ छ । यस्तो किसिमको लगानी अघिल्लो वर्षको तुलनामा झन्डै ८ प्रतिशत बढेको छ । नेपाल बंगलादेश क्यापिटल लिमिटेड बैंकको पूर्ण स्वामित्वको सहायक कम्पनी हो ।

विशेष टिप्पणी

शुल्क कमिसनबाट राम्रै आम्दानी गर्ने नेपाल बंगलादेश बैंकले यस वर्ष भने त्यस्तो उल्लेखनीय आम्दानी गर्न सकेको छैन । यस्तो आम्दानी थोरै मात्र बढेको छ । निक्षेपको मामलामा बैंक पहिलेदेखि नै कमजोर हो र अहिले पनि देखिएको छ । यद्यपि, यसपटक निक्षेपमा वृद्धि देखिएको छ । चालू अवधिको नाफा अर्बभन्दा बढी देखिए पनि बाँडफाँटका लागि पर्याप्त रकम उपलब्ध हुन सकेको छैन । ३० करोड रुपैयाँभन्दा बढी रकम विशेष व्यवस्था गरिएको छ । पाकेको तर प्राप्त नभएको रकमका लागि गरिएको व्यवस्था भएको हुँदा यो प्राप्ति वा अप्राप्तिले नाफा बाँडफाँटमा प्रभाव पार्छ ।

बैंक अफ काठमाडौं: मर्जपछि सिनर्जी नदेखिएकोबैंक अफ काठमाडौंले चालू अवधि (चैत मसान्त)सम्ममा ८१ अर्ब १३ करोड रुपैयाँ निक्षेप संकलन गरेर ७१ अर्ब २६ रुपैयाँ कर्जा लगानी गरेको छ । निक्षेप र कर्जा क्रमशः ५ र ८ प्रतिशत बढेको छ ।

खुद ब्याज आम्दानी

कर्जा लगानीबाट ७ अर्ब २३ करोड रुपैयाँ ब्याज आम्दानी गरेको छ । ब्याज खर्च रकम ४ अर्ब ४९ करोड रुपैयाँ पछि २ अर्ब ७३ करोड रुपैयाँ खुद ब्याज आम्दानी गरेको छ । ब्याज आम्दानी २१ प्रतिशत, ब्याज खर्च १५ प्रतिशत र खुद ब्याज आम्दानी ३२ प्रतिशत बढेको छ ।

अन्य आम्दानीपछिको खुद आम्दानी

शुल्क तथा कमिसनबाट हुने खुद आम्दानी अघिल्लो वर्षको यही अवधिभन्दा ०.२९ प्रतिशतले घटेर ३३ करोड ५७ लाख रुपैयाँ भएको छ ।

खुद शुल्क, कमिसन र ब्याज आम्दानी रकम ३ अर्ब ७ करोड रुपैयाँ छ । अघिल्लो वर्षभन्दा यस्तो आम्दानी यस वर्ष २८ प्रतिशत बढेको छ ।

ट्रेडिङ र अन्य सञ्चालन आम्दानीपछिको कुल सञ्चालन आम्दानी ३ अर्ब ३३ करोड रुपैयाँ छ । अघिल्लो वर्षभन्दा यस्तो आम्दानी यस वर्ष २७ प्रतिशत बढेको छ ।

नोक्सानी व्यवस्थापछिको खुद सञ्चालन आम्दानी ३ अर्ब ८ करोड रुपैयाँ छ । यस्तो आम्दानी अघिल्लो वर्षभन्दा २७ प्रतिशत बढेको छ । नोक्सानी व्यवस्थामा २४ करोड ९५ लाख रुपैयाँ राखेको छ ।

कर्मचारी खर्च (बोनससहित), सञ्चालन खर्च र ह्रास कट्टी व्यवस्थापछिको सञ्चालन आम्दानी १ अर्ब ७१ करोड रुपैयाँ छ । यस्तो आम्दानी अघिल्लो वर्षभन्दा ३० प्रतिशत बढी हो ।

गैरसञ्चालन आम्दानी तथा खर्च र आयकरपछि १ अर्ब २० करोड रुपैयाँ खुद नाफा गरेको छ । खुद नाफा अघिल्लो वर्ष यही अवधिको तुलनामा २९ प्रतिशत बढेको छ ।

नाफा-नोक्सान बाँडफाँट

चालू अवधि (चैत मसान्त)सम्मको खुद नाफाअनुसार वैधानिक कोष, पुँजी फिर्ता जगेडा कोषलगायत विभिन्न कोषमा नियमकीय प्रावधानअनुरुप रकम व्यवस्था गरेपछि चालू अवधिको आम्दानीबाट ७३ करोड ३८ लाख रुपैयाँ बचत (सञ्चित नाफा)मा सारेको छ । बचत वा सञ्चित रकम वितरणयोग्य रकम हो । तर, बचत वा सञ्चितीको अंकमा देखिए जति सबै रकम सेयरनीलाई बाँडिन्छ भन्ने हुन्न । त्यसबाट पनि केही रकम सर्वसञ्चित कोषमा रहन सक्छ ।

चैत मसान्तको सञ्चित नाफा रकमलाई आधार मान्दा असार मसान्तसम्ममा यस्तो रकम ९८ करोड ४० लाख रुपैयाँ हुने अनुमान गर्न सकिन्छ । यो रकम चुक्ता पुँजीलाई भाग लगाउँदा करिब १२ प्रतिशत हुन आउँछ । तर, यसको अर्थ आगामी वर्ष बैंकले १२ प्रतिशत लाभांश घोषणा गर्छ भन्ने हो ।

पुँजी र कोषहरु

बैंकको पुँजी ८ अर्ब ६ करोड रुपैयाँ छ । विभिन्न वर्षको नाफाबाट सञ्चित हुँदै आएको रकम र चालू अवधिको चैत मसान्तसम्मको सञ्चित नाफासहित ८६ करोड १५ लाख रुपैयाँ सञ्चित नाफा देखिन्छ ।

वैधानिक जगेडा, अन्य जगेडा र सम्भवतः सम्पत्ति पुनर्मूल्यांकनबाट सिर्जित रकमसमेत गरी बैंकको जगेडा कोष ३ अर्ब ६१ करोड रुपैयाँ देखिन्छ ।

सम्पत्ति पुनर्मूल्यांकनबाट सिर्जित र वैधानिक जगेडाको रकम लाभांश वितरणका लागि योग्य हुन्न । चुक्ता पुँजी विभिन्न कोषसहित सेयरधनीको कोष १२ अर्ब ८९ करोड रुपैयाँ पुगेको छ । पुँजीकोष अनुपात १३.८९ प्रतिशत छ । बैंकले १ अर्बको ऋणपत्र लिएको छ |

अन्य महत्त्वपूर्ण सूचक

खराब कर्जा २.१२ प्रतिशत, कोषको लागत ७.३७ प्रतिशत, कर्जा निक्षेप अनुपात ७८ प्रतिशत, आधार दर ११.०७ प्रतिशत, ब्याज अन्तर ४.२८ प्रतिशत, प्रतिसेयर आम्दानी २० रुपैयाँ ३ पैसा (वार्षिकीकरण गरिएको) र प्रतिसेयर नेटवर्थ १५९ रुपैयाँ छ ।

बैंकको लगानी र सहायक कम्पनी

बैंकले कर्जाबाहेकको लगानीतर्फ १२ अर्ब १७ करोड रुपैयाँ छ । यस किसिमको लगानी अघिल्लो वर्षको तुलनामा ५ प्रतिशत बढेको छ । बीओके क्यापिटल लिमिटेड बैंकको पूर्ण स्वामित्वको सहायक कम्पनी हो ।

प्रकाशित मिति: बुधबार, वैशाख २५, २०७६ ०२:५६