क्यापिटल अवार्ड : शिव र अञ्जु उत्कृष्ट, शिलालाई लाइफटाइम एचिभमेन्ट

A+ A A-

सातौं नेश्नल क्यापिटल अवार्ड सम्पन्न भएको छ । आइतबार राजधानीमा एक कार्यक्रमको आयोजना गर्दै अवार्ड दिइएको हो ।

अवार्डमा गीतकार र गायिकाको रूपमा चार दशकभन्दा लामो समयदेखि सक्रिय रहँदै आएकी उन्नति बोहरा शिलालाई लाइफटाइम एचिभमेन्ट अवार्ड २०७७ बाट सम्मान गरिएको छ । सञ्चार तथा सूचना प्रविधिमन्त्री पार्वत गुरुङ, वरिष्ठ संगीतकार शम्भुजित बाँसकोटा, कार्यक्रम आयोजक एवं सञ्चारकर्मी माधव निर्दोषलगायतले शिलालाई संयुक्त रूपमा अवार्ड प्रदान गरे ।

त्यस्तै, शिव परियारले 'मेरो भागको खुसी'बाट उत्कृष्ट आधुनिक गायक र अञ्जु पन्तले 'थोपाथोपा आँसु'बाट उत्कृष्ट गायिकाको अवार्ड जितेका छन् ।

आधुनिकतर्फ उत्कृष्ट संगीतकारको अवार्ड विकास चौधरीले हात पारे भने उत्कृष्ट गीतकारको अवार्ड हरि उदासीले पाएका छन् । म्युजिक भिडियो निर्देशकमा भने देवेन्द्र पाण्डे उत्कृष्ट ठहरिए ।

सुगम संगीततर्फ युगल गायनको अवार्ड कन्हैया सिंह र अञ्जना गुरुङले पाए । नवसंगीतकारको अवार्ड बालकृष्ण न्यौपानेले, नवमोडल महिलाको अवार्ड अपेक्षा सिंहले, नवपुरुष मोडलको अवार्ड रवि सिंहले पाएका छन् ।

डायरस्पोरा गीतकारको अवार्ड मीन बानियाँले, युगल गायनमा पुरुष मोडलको अवार्ड गौतम खातीले, युगल गायनमै महिलातर्फको अवार्ड श्रेया दुलालले र पपुलर गीतकारको अवार्ड किरण के उप्रेतीले हासिल गरेका छन् ।

यस्तै, लोकदोहोरीतर्फ उत्कृष्ट गायकको सञ्जय गुरुङले, गायिकाको अवार्ड सीता केसीले, लोकदोहोरी भाकाको अवार्ड रामु खड्काले, लोक मौलिक गायकको अवार्ड प्रकाश गुरुङले, गायिकाको अवार्ड दीपा गुरुङले, मौलिक शब्दको अवार्ड अविनाश थापामगरले हासिल गरे ।

लोकदोहोरीतर्फ नै म्युजिक भिडियो निर्देशकको अवार्ड दीप गुरुङले, पुरुष मोडलको अवार्ड एसके दाहालले, महिलाको अवार्ड सोनाम गुरुङले हासिल गरे । लोकदोहोरीमै क्रियटिभ अवार्डल सन्तु थापाले, शब्दतर्फको अवार्ड अमृत खातीले, कोरियोग्राफी अवार्ड काजिस श्रेष्ठले, वर्ष मोडलको अवार्ड सुनील लामिछानेले प्राप्त गरे ।

सोही समारोहमा सुगम संगीततर्फ नै एरेन्जरको अवार्ड राजु कार्कीले, गीत मिक्सिङको अवार्ड भोला पौडेलले, पपुलर गायिकाको अवार्ड इन्दु बानियाँले, पपुलर गायकको अवार्ड जयन जे वाइबाले, मौलिक लोकगीतको अवार्ड वविता गुरुङले, नेवारी गायकको अवार्ड देवामान ताण्डुकारले हासिल गरे ।

यस्तै, राष्ट्रिय भावको गीतको अवार्ड नवीन पौडेलले, राष्ट्रिय भावको गीततर्फ गीतकारको अवार्ड रमेश दाहालले, पप गायकको अवार्ड चिरञ्जीवी भण्डारीले, पपगायिकाको अवार्ड उषा मलाहाले, पपतर्फ पपुलर गायिकाको अवार्ड लक्ष्मी पुरी प्रधानले, पपतर्फ म्युजिक भिडियो मोडल महिलाको अवार्ड अनिता गिरीले प्राप्त गरे ।

सोही समारोहमा विभिन्न व्यक्तिलाई सम्मान गरियो । दशकको संगीतकारको सम्मान सन्तोष श्रेष्ठलाई प्रदान गरियो भने गीतकारतर्फको सम्मान युवराज अधिकारी, भीष्म फुलारा, सुरेन्द्र महर्जन, प्रतिमा गुरुङ, मीना लुम्बालाई सम्मान दिइयो । गायकतर्फको सम्मान सुरज पौडेललाई, साउन्ड इन्जिनियरिङको सम्मान छिरिङ भुटियालाई दिइयो भने साहित्यकारतर्फको सम्मान घनश्यामराज कर्णिकारलाई दिइयो ।

फोटोग्राफीको सम्मान च्याङ्बा लामालाई, सामाजिक सेवासम्मान देवीमाया आचार्यलाई, पत्रकारितातर्फको रजत सम्मान पत्रकार शान्ति प्रियलाई, पत्रकारिता पुरस्कार दिनेश थापालाई प्रदान गरियो ।

प्रकाशित मिति: सोमबार, माघ १२, २०७७ १५:२८