निर्मल पुर्जाले भने : हिउँदमा केटु आरोहण असम्भव जस्तै थियो, स-साना सहयोगले हौसला मिल्यो

निर्मल पुर्जाले भने : हिउँदमा केटु आरोहण असम्भव जस्तै थियो, स-साना सहयोगले हौसला मिल्यो

A+ A A-

कठ्याङ्ग्रिने जाडोमा पर्वातारोहण सुन्दै कहाली लाग्छ । तर, यही कुरालाई सम्भव तुल्याउँदै पाकिस्तानको माउन्ट केटु चढेर १० नेपाली पर्वतारोहीले कीर्तिमान नै कायम गरे ।

गत शनिबार माउन्ट केटुमा पाइला टेक्दै कीर्तिमान कायम गर्न सफल व्यक्तिहरू हुन् मिङ्मा ग्याल्जे शेर्पा, निर्मल पुर्जा पुन मगर, गेल्जे शेर्पा, मिङ्मा तेन्जी शेर्पा, दावा तेम्बा शेर्पा, पेमा छिरी शेर्पा, मिङ्मा तेन्जी शेर्पा, किलु पेम्बा शेर्पा, दावा तेम्बा शेर्पा र सोना शेर्पा ।

आफ्नो समूहले माउन्ट केटुमा सफलतापूर्वक पाइला टेकेपछि निर्मल पुर्जाले इन्स्टाग्राममा फोटो पोस्ट गर्दै लेखेका थिए,‘हामीले असम्भवलाई सम्भव तुल्यायौँ ।’

यो असम्भव भनिएको आरोहण स-सान सहयोगबाटै सम्भव भएको सन्देश निर्मलले ट्वीटरमार्फत दिएका छन् । उनले सहयोग गर्ने पाकिस्तानी अधिकारीहरूप्रति कृतज्ञता व्यक्त गरेका छन् ।

‘विशाल पर्वतका सामुन्ने स-साना कुराले ज्यादै अर्थ राख्छ । हामीलाई सहयोग गर्ने भरिया, भान्सेदेखि यो यात्रामा हरतरिकाले सहयोग गर्ने सबै कृतज्ञताका पात्र हुन् । हाम्रो पर्वतारोहण सफल तुल्याउने मेरुदण्ड उनीहरू नै हुन्, जसले हामीलाई सहयोगका लागि कन्जुस्याइँ गरेनन् । धन्यवाद पाकिस्तान,’ निर्मलले ट्वीटमा भनेका छन् ।

उनले नेपाली पर्वतारोहीलाई हौसला दिने पाकिस्तानका विभिन्न प्रान्तका मन्त्रीलाई समेत धन्यवाद व्यक्त गरेका छन् । सफल आरोहणपछि पाकिस्तानी अधिकारीले गरेको सम्मानप्रति पर्वतारोहीको टोली कृतज्ञ रहेको र पाकिस्तानमा पनि नेपालझैँ घरेलु वातावरण महसुस भएको उनले ट्वीटमा भनेका छन् ।

‘सफल पर्वतारोहणपछि फर्किँदा हामीलाई स्वागतका लागि उपस्थित सेना प्रमुख अरिफ अल्भि, पर्यटनमन्त्री जाभेद बजावाप्रति हामी कृतज्ञ छौँ । तपाईंहरूको आतिथ्यताले हाम्रो हौसला बढाउनुका साथै हामीलाई पाकिस्तान पनि घरेलु माया पाएको अनुभूति गर्‍यौँ,’ उनको ट्वीट छ ।

Me and my entire team are beyond happy and humbled to have received such a pleasant warm welcome on arrival at Skardu and Islamabad. We are overjoyed with emotions and our hearts are full of gratitude. Many thank you to all our Pakistani family for making us feel at home. 1/4 pic.twitter.com/sU1dR7cqfx
— Nirmal Purja MBE (@nimsdai) January 23, 2021