ई-सेवा मनी ट्रान्सफरमार्फत अब अस्ट्रेलियाबाट ५ मिनेटभित्रै रेमिट्यान्स

A+ A A-

ई-सेवा मनी ट्रान्सफरले अब अस्ट्रेलियाबाट पनि आफ्नाे सेवा सुरु गरेकाे छ । अस्ट्रेलियाबाट आफ्नाे सेवा दिनका लागि कम्पनीले त्यहाँकाे प्रतिष्ठित रेमिट्यान्स कम्पनी लिगल रेमिटसँग सहकार्य गरेकाे छ ।

रेमिट्यान्स क्षेत्रमा आफ्नो बजार हिस्सा फराकिलो बनाउँदै लगेको ई-सेवाले अस्ट्रेलियाको प्रतिष्ठित रेमिट्यान्स कम्पनी लिगल रेमिटसँग रेमिट्यान्ससम्बन्धी सम्झौता गरेको छ । यो सम्झौतासँगै अस्ट्रेलियामा रहेका नेपालीहरूलाई नेपालमा रेमिट्यान्स् पठाउन सहज भएको छ ।

साेसम्बन्धी सम्झौतापत्रमा ई-सेवा मनी ट्रान्सफरका प्रबन्ध निर्देशक अजेश कोइराला र लिगल रेमिटकाे तर्फबाट निर्देशक विवेक ढकालले हस्ताक्षर गरेका छन् ।

अस्ट्रेलियामा बस्ने नेपालीहरूले अब नगदमा तथा कुनै पनि बैंक खातामा र ई-सेवा वालेटमा सहज र सुरक्षित रूपमा रकम पठाउन सकिने ई-सेवाले जनाए छ । नगदमा पठाइएको रकम ई-सेवा मनी ट्रान्सफरका नेपालभर रहेका ८ हजारभन्दा धेरै एजेन्ट तथा ई-सेवा वालेट एप मार्फत पनि प्राप्त गर्न सकिनेछ । त्यसैगरी, बैंक खातामा पठाइएको रकम तुरुन्तै सेवाग्राहीको खातामा जम्मा हुनेछ । नगदमा पठाइएको रकम ई-सेवा वालेटमा रिसिभ गर्दा ५५ अतिरिक्त क्यास ब्याक प्राप्त हुने समेत कम्पनीले बताएकाे छ ।

लिगल रेमिट अनलाइनमार्फत कारोबार गर्ने र उच्चस्तरको प्रविधि प्रयोग गरेको कम्पनी भएको हुँदा ५ मिनेटभित्रै रेमिटेयान्स प्राप्त गर्न सकिनेछ ।

ई-सेवा मनी ट्रान्सफरले डिजिटल र एजेन्ट दुवै माध्यममार्फत विश्वका विभिन्न मुलुकबाट रेमिट्यान्स भित्र्याउँदै आएको छ । ई-सेवा मनी ट्रान्सफरले अमेरिका, जापान, युरोपियन देशलगायत खाडीका थुप्रै मुलुकबाट रेमिट्यान्स् भित्र्याउँदै आएको छ । डिजिटल माध्यमबाट रेमिट्यान्स् भित्र्याउन प्रोत्साहन गरिरहेको ई-सेवा मनी ट्रान्सफर पछिल्लो समय विदेशमा रहेका नेपालीहरूकाे रोजाइमा पर्दै गएको छ ।

प्रकाशित मिति: मंगलबार, माघ ६, २०७७ ११:३०