गुडविल फाइनान्सः प्रगति उन्मुख वित्तीय विवरण

A+ A A-

गुडविल फाइनान्सले चालू आर्थिक वर्षको तेस्रो त्रयमास ९चैत मसान्त०सम्मको आयव्यय विवरण सार्वजनिक गरेको छ ।

निक्षेप र कर्जा

फाइनान्सले चालू अवधि ९चैत मसान्त० सम्ममा ६ अर्ब ९१ करोड रुपैयाँ निक्षेप संकलन गरेर ५ अर्ब ७० करोड रुपैयाँ कर्जा लगानी गरेको छ । निक्षेप र कर्जा क्रमशः ३५ र ३१ प्रतिशत बढेको छ ।

ब्याज, ब्याज खर्च र खुद ब्याज आम्दानी

कर्जा लगानीबाट ६१ करोड ८६ लाख रुपैयाँ ब्याज आम्दानी गरेको छ । निक्षेपको ब्याज खर्च रकम ४५ करोड ४९ लाख रुपैयाँपछि १६ करोड ३६ लाख रुपैयाँ खुद ब्याज आम्दानी गरेको छ । ब्याज आम्दानी ४० प्रतिशत, ब्याज खर्च ३० प्रतिशत र खुद ब्याज आम्दानी ७७ प्रतिशत बढेको छ ।

अन्य र खुद आम्दानी

शुल्क, कमिसन र अन्य सञ्चालन आम्दानीसमेत गरी २३ करोड ८७ लाख रुपैयाँ सञ्चालन आम्दानी गरेको छ । यस्तो आम्दानी अघिल्लो वर्षभन्दा ६४ प्रतिशत बढेको छ ।

कर्मचारी र सञ्चालन खर्चपछिको आम्दानी १३ करोड ४४ लाख रुपैयाँ छ । यस्तो आम्दानी अघिल्लो वर्षभन्दा ११२ प्रतिशत बढी हो ।

नोक्सानी व्यवस्था, नोक्सानी व्यवस्थाबाट फिर्ता, गैरसञ्चालन आम्दानी र आयकरपछि ३ करोड १४ लाख रुपैयाँ खुद नाफा गरेको छ । खुद नाफा अघिल्लो वर्ष यही अवधिको तुलनामा १६ प्रतिशत बढेको छ ।

पुँजी र कोषहरु

फाइनान्सको पुँजी ८० करोड रुपैयाँ छ । फाइनान्ससँग सञ्चित नाफा, वैधानिक जगेडा र अन्य जगेडा गरी १५ करोड ६१ लाख रुपैयाँ छ । पुँजीकोष अनुपात १४।२७ प्रतिशत छ । सेयरधनीको कोषमा प्रतिफल ९रिटर्न अन इक्विटी० ५।२५ प्रतिशत छ । यो लाभांश बाँड्ने अंकको प्रक्षेपण होइन । सेयरधनीको कोषमा कति प्रतिफल रहेछ भन्ने हो ।

अन्य महत्त्वपूर्ण सूचक

खराब कर्जा १ प्रतिशत, कोषको लागत ९।८५ प्रतिशत, कर्जा निक्षेप अनुपात ७१ प्रतिशत, आधार दर १२।६८ प्रतिशत, ब्याज अन्तर ४।९९ प्रतिशत, प्रतिसेयर आम्दानी ५ रुपैयाँ २५ पैसा ९वार्षिकीकरण गरिएको० र नेटवर्थ ११९ रुपैयाँ छ ।

प्रकाशित मिति: मंगलबार, वैशाख २४, २०७६ ०२:००