मुक्तिनाथ विकास बैंकः सूचक प्रगति उन्मुख, खराब कर्जाको अंक अस्वाभाविक

A+ A A-

मुक्तिनाथ विकास बैंकले चालू आर्थिक वर्षको तेस्रो त्रयमास (चैतमसान्त) सम्मको आयव्यय विवरण सार्वजनिक गरेको छ ।

निक्षेप र कर्जा

बैंकले चालू अवधि (चैत मसान्त) सम्ममा ४१ अर्ब ८० करोड रुपैयाँ निक्षेप संकलन गरेर ३६ अर्ब ४५ करोड रुपैयाँ कर्जा लगानी गरेको छ । निक्षेप र कर्जा क्रमशः ७० र ६६ प्रतिशत बढेको छ ।

ब्याज, ब्याज खर्च र खूद ब्याज आम्दानी

कर्जा लगानीबाट ३ अर्ब ५४ करोड रुपैयाँ ब्याज आम्दानी गरेको छ । निक्षेपको ब्याज खर्च रकम २ अर्ब २५ करोड रुपैयाँपछि १ अर्ब २९ करोड रुपैयाँ खुद ब्याज आम्दानी गरेको छ । ब्याज आम्दानी ६७ प्रतिशत, ब्याज खर्च ८३ प्रतिशत र खुद ब्याज आम्दानी ४७ प्रतिशत बढेको छ ।

अन्य र खुद आम्दानी

शुल्क, कमिसन, अन्य सञ्चालन आम्दानी र विदेशी मुद्रा सटहीसमेत गरी १ अर्ब ७६ करोड रुपैयाँ सञ्चालन आम्दानी गरेको छ । यस्तो आम्दानी अघिल्लो वर्षभन्दा ५१ प्रतिशत बढेको छ ।

कर्मचारी सञ्चालन खर्चपछिको आम्दानी १ अर्ब ७ करोड रुपैयाँ छ । यस्तो आम्दानी अघिल्लो वर्षभन्दा ४८ प्रतिशत बढी हो ।

नोक्सानी व्यवस्था, नोक्सानी व्यवस्थाबाट फिर्ता, गैरसञ्चालन आम्दानी र आयकरपछि ६० करोड रुपैयाँ खुद नाफा गरेको छ । खुद नाफाअघिल्लो वर्ष यही अवधिको तुलनामा ४३ प्रतिशत बढेको छ ।

पुँजी र कोषहरु

बैंकको पुँजी ३ अर्ब ६ करोड रुपैयाँ छ । बैंकसँग सञ्चित नाफा, वैधानिक जगेडा र अन्य जगेडा गरी १ अर्ब ५ करोड रुपैयाँ छ । पुँजीकोष अनुपात १३.२७ प्रतिशत छ । सेयरधनीको कोषमा प्रतिफल (रिटर्न अन इक्विटी) १९.५० प्रतिशत छ । यो लाभांश बाँड्ने अंकको प्रक्षेपण होइन । सेयरधनीको कोषमा कति प्रतिफल रहेछ भन्ने हो ।

अन्य महत्त्वपूर्ण सूचक

खराब कर्जा ०.०३प्रतिशत, कोषको लागत ८.७४ प्रतिशत, कर्जा निक्षेप अनुपात ७९ प्रतिशत, आधार दर ११.२९ प्रतिशत, ब्याज अन्तर ४.९९ प्रतिशत, प्रतिसेयर आम्दानी २६ रुपैयाँ १९ पैसा (वार्षिकीकरण गरिएको) र नेटवर्थ १३४ रुपैयाँ छ ।

शून्य बराबर खराब कर्जा देखिनु अलि अस्वाभाविकझैं देखिन्छ ।

प्रकाशित मिति: सोमबार, वैशाख २३, २०७६ २३:३२