एनसेलकाे एनसेल अडियो क्लास, विद्यार्थीले जुनसुकै समय र जहाँसुकै पनि अध्ययन गर्न सक्ने

एनसेलकाे एनसेल अडियो क्लास, विद्यार्थीले जुनसुकै समय र जहाँसुकै पनि अध्ययन गर्न सक्ने

A+ A A-

एनसेलले काेराेना महामारीकाे विषम परिस्थितिलाई दृष्टिगत गर्दै विद्यार्थीका लागि पाठ्यक्रममा आधारित पाठहरू मोबाइलबाटै सुन्दै सिक्न सक्ने सुविधा ल्याएकाे छ । एनसेलको सिमकार्ड भएका विद्यार्थीले आफ्नो आवश्यकताअनुसार जुनसुकै समय र जहाँसुकै पनि अडियोमार्फत अध्ययन गर्न सक्ने कम्पनीले जनाएकाे छ ।

एनसेल आजियाटा लिमिटेडले हालको विषम परिस्थितिमा भविष्यको पुनर्विचार गर्दैै अघि बढ्न अभिप्रेरित गर्ने उद्देश्यले ‘एनसेल अडियो क्लास’ सुरु गरेको हो ।

एनसेलका अनुसार पाठ्यक्रममा आधारित शैक्षिक सामग्री मोबाइल नेटवर्कमार्फत फोनकै प्रयोग गरी आईभीआरबाट सिक्न सकिनेछ । यो सेवामार्फत विविध अवरोधका बावजुद सजिलै सिक्न र आफ्नो वास्तविक क्षमता उजागर गर्न मद्दत पुग्ने विश्वास कम्पनीकाे छ ।

पहिलो चरणमा अडियो क्लास सेवामा कक्षा १ देखि कक्षा ४ सम्मका पाठ्यक्रम उपलब्ध छन् । कक्षा १ देखि १० सम्मका विद्यार्थीलाई ध्यानमा राख्दै चरणवद्ध रूपमा अरु कक्षाहरूका लागि थप पाठ्यक्रम समावेश गरिने उल्लेख गरिएको छ ।

विद्यार्थीले एनसेल नेटवर्क कभरेज भएको कुनै पनि स्थानबाट विभिन्न विषयहरू जस्तै अंग्रेजी, गणित, विज्ञान र सामाजिक शिक्षाका सामग्री तथा पाठहरूमा सहजै पहुँच प्राप्त गर्न सक्छन् । ग्राहकले १७१४४ डायल गरी प्राप्त निर्देशनअनुरुप अडियो क्लास सेवा सुचारु गर्न सक्छन् । इच्छुक ग्राहकले अडियो क्लास सेवाका प्याकहरू एसएमएस, यूएसएसडी तथा वेब च्यानलमार्फत पनि सुचारु गर्न सकिन्छ ।

अडियो क्लासका लागि हाल तीन दिन र सात दिनका गरी दुई विकल्पहरू छन् । तीन दिनको प्याकमा विद्यार्थीले करसहित सात रुपैयाँमा ५० मिनेटको अडियो क्लासको सेवा लिन सक्छन् । त्यस्तै ग्राहकले सात दिनको प्याकमा करसहित १४ रुपैयाँमा १०० मिनेटको अडियो क्लासको सेवा लिन सक्छन् ।

कुनै अडियो प्याकअन्तर्गतको निश्चित मिनेट सकिएमा ग्राहकले ५० मिनेटको थप अडियो क्लासको सेवा सात रुपैयाँमा फेरि खरिद गर्न सक्छन् । यस सेवा सुरु गरिएको पहिलो पाँच महिनासम्म अडियो क्लासको प्रत्येक नयाँ ग्राहकले एक हप्ताका लागि यो सेवा निःशुल्क प्रयोग गर्न सकिनेछ ।

यही ‘अनपज’ अभियान अन्तर्गत एनसेलले यसअघि महिलावर्गलाई लक्षित गर्दै आकर्षक गो सिम, कामदार र काम दिनेलाई एउटै प्लेटफर्ममा जोड्न एनसेल जबसपजस्ता विभिन्न योजना ल्याएको थियो ।

प्रकाशित मिति: आइतबार, पुस २६, २०७७ १४:१६