गोर्खाज फाइनान्सः नोक्सानी व्यवस्था फिर्ताले नाफा बढ्यो

A+ A A-

गोर्खाज फाइनान्सले चालू अवधि (चैत मसान्त) सम्ममा ५ अर्ब ८२ करोड रुपैयाँ निक्षेप संकलन गरेर ५ अर्ब १५ रुपैयाँ कर्जा लगानी गरेको छ । निक्षेप र कर्जा क्रमशः २९ र २५ प्रतिशत वृद्धि भएको छ ।

कर्जा लगानीबाट ५५ करोड ८ लाख रुपैयाँ ब्याज आम्दानी गरेको छ । निक्षेपका लागि ४३ करोड ४६ लाख रुपैयाँ ब्याज खर्च गरेको छ । खुद ब्याज आम्दानी ११ करोड ६२ लाख रुपैयाँ छ । निक्षेप र कर्जा वृद्धि भए पनि खुद ब्याज आम्दानी १२ प्रतिशत घटेको छ।

शुल्क, कमिसन र अन्य सञ्चालन आम्दानीसहित १३ करोड ८७ लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी अघिल्लो वर्षको यही अवधिको तुलनामा ९ प्रतिशत घटेको छ ।

कर्मचारी तथा सञ्चालन खर्च, नोक्सानी व्यवस्था, गैरसञ्चालन आम्दानी (नोक्सान), नोक्सानी व्यवस्थाबाट फिर्ता र असामान्य गतिविधिबाट आम्दानी (नोक्सानी) पछिको सञ्चालन आम्दानी ९ करोड ९८ लाख रुपैयाँ छ । गत वर्षको यही अवधिको तुलनामा ११ सय ४३ प्रतिशत बढेको छ ।

कर्मचारी बोनस र आयकरपछि खुद नाफा ६ करोड ३५ लाख रुपैयाँ छ । गत वर्षको यही अवधिको तुलनामा ११ सय ४४ प्रतिशत बढेको छ ।

चालू अवधि (चैत मसान्त)सम्मको वासलातअनुसार जगेडा तथा कोषमा ३५ करोड २० लाख रुपैयाँ छ । जगेडा र कोष गत वर्षको यही अवधिको तुलनामा ८ प्रतिशत बढेको छ ।

फाइनान्सको चुक्ता पुँजी ८६ करोड ७९ लाख रुपैयाँ, पुँजीकोष अनुपात १८.२६ प्रतिशत, खराब कर्जा ४.८९ प्रतिशत, कोषको लागत ९.७० प्रतिशत, कर्जा निक्षेप अनुपात ७५ प्रतिशत, आधार दर १२.८० प्रतिशत, प्रतिसेयर आम्दानी ९ रुपैयाँ ७५ पैसा (वार्षिकीकरण गरिएको) र नेटवर्थ १४० रुपैयाँ छ ।

गैरसञ्चालन आम्दानी र नोक्सानी व्यवस्थाबाट आएको फिर्ताले खुद नाफा बढेको छ ।