एनसेलकोे नयाँ याेजना : ‘दामी क्यासब्याक’, १०० रिचार्ज गर्दा २ सय पाइने

A+ A A-

एनसेल आजियाटा लिमिटेडले क्रिसमस तथा नयाँ वर्ष २०२१ को उपलक्ष्यमा आफ्ना प्रिपेड ग्राहकका लागि ‘दामी क्यास ब्याक’ योजना सार्वजनिक गरेकाे छ । साे योजनाले ग्राहकलाई ५० र १०० रुपैयाँका प्रत्येक रिचार्जमा पाउँदै आएको भन्दा बढी मेन ब्यालेन्स पाइने कम्पनीले जनाएकाे छ ।

‘दामी क्यास ब्याक’ योजनाअन्तर्गत ५० रुपैयाँ रिचार्ज गर्ने प्रत्येक ग्राहकले कम्तीमा हाल पाइने ४९ रुपैयाँ ०२ पैसाभन्दा बढी अर्थात् ५१ रुपैयाँ मेन ब्यालेन्स प्राप्त गर्ने कम्पनीले जनाएकाे छ ।

त्यसैगरी, १ सय रुपैयाँको रिचार्जमा अब कम्तीमा विद्यमान ९८ रुपैयाँ ०४ पैसाभन्दा बढी १ सय २ रुपैयाँ मेन ब्यालेन्स पाउँछन् । यो योजना आइतबारदेखि लागू भएर १५ दिनसम्म अर्थात् १९ पुससम्म संचालन हुने कम्पनीकाे भनाइ छ ।

योजना अवधिमा रिचार्ज गर्ने प्रत्येक प्रिपेड ग्राहकलाई क्रमरहित रूपमा प्रत्येक रिचार्जमा विद्यमानभन्दा बढी मेन ब्यालेन्स प्रदान गरिने यो योजनाको प्रमुख विशेषता हो । ५० रुपैयाँ रिचार्ज गर्ने ग्राहकले यो योजनामा अधिकतम १ सय रुपैयाँसम्म मेन ब्यालेन्स प्राप्त गर्न सक्छन् र त्यसैगरी १ सय रुपैयाँ रिचार्ज गर्नेले २ रुपैयाँसम्म मेन ब्यालेन्स पाउनेछन् ।

क्रिसमस तथा नयाँ वर्ष २०२१ को अवसरमा ग्राहकलाई रिचार्जमा थप मेन ब्यालेन्स सुनिश्चित गर्दै यो आकर्षक योजना ल्याउन पाएकोमा निकै हर्षित रहेको कम्पनीले जनाएको छ । रिचार्ज कार्ड, भर्चुअल फण्ड ट्रान्सफर (भीइफटी) तथा अनलाइन जुनकुनै पनि माध्यमबाट गरिएको ५० र रु १ सय रुपैयाँको प्रत्येक रिचार्जमा यो थप मेन ब्यालेन्सको लाभ लिन सकिने कम्पनीले बताएकाे छ ।