बन्यजन्तु तस्करको हब बन्दै भक्तपुर, एकैदिन ७ जना पक्राउ

A+ A A-

वन्यजन्तुको अंग तस्कर गरेको आरोपमा भक्तपुरमा ७ जना तस्कर पक्राउ परेका छन् । प्रहरीले अलग अलग अवस्थामा बाघको छाला एवं भालुको पित्त सहित ५ जना र हात्तीको दारा सहित २ जनालाई पक्राउ गरेको जनाएको छ ।

पक्राउ गरेसँगै भक्तपुर वन्यजन्तुका विभिन्न अंग तस्करमा संलग्नहरुको अखडा बनेको पुष्टि भएको प्रहरीको भनाई छ ।

भक्तपुरमा यसअघि पनि विभिन्न वन्यजन्तुको अंग, सालको खपेटा, सी हर्ससहित तस्करहरु पक्राउ परेका थिए । एकै दिन अलगअलग स्थानबाट दुईवटा गिरोह नै पक्राउ पर्नुले भक्तपुरमा पछिल्लो समय वन्यजन्तुको अंगको तस्करीमा बृद्दि भएको प्रहरी वुझाइ छ ।

बाघको छाला सहित ५ जना पक्राउ

भक्तपुरमै बाघको छाला सहित ५ जना पक्राउ परेका छन् । सूर्यविनायक नगरपालिका–६ सूर्यविनायक चोकमा बाघको २ थान छाला र भालुको पित्त सहित ५ जना पक्राउ परेका हुन् ।

पक्राउ पर्नेमा मकवानपुर भिमफेदी गाउँपालिका–८ घर भई हाल ललितपुर जिल्ला चापागाउँ बस्ने आनन्द तामाङ, ओखलढुङ्गा चिसङ्खु घर भई हाल काठमाडांै बौद्ध बस्ने मनोज कार्की, सिन्धुपाल्चोक चौतारा साँगाचोक गढी नगरपालिका–१२ का नरेन्द्र तामाङ, सिन्धुली गोलन्जोर–७ का रत्नवहादुर माझी र सिन्धुली गोलन्जोर–७ कै बिष्णु वहादुर माझी रहेको प्रहरीको भनाई छ ।

हात्तीको दारा सहित २ पक्राउ

भक्तपुरमा बिहिबार हात्तीको दारा सहित दुई तस्करहरु पक्राउ परेका छन् । मध्यपुर थिमी नगरपालिका–१ कौशालटारबाट हात्तीको दारा सहित दई जनालाई पक्राउ गरेको छ ।

हात्तीको दारा जस्तो देखिने जंगली जनावरको दारा एक थान २५० ग्रम तौलको सामग्री सहित दोलखा बैतेश्वर –४ घर भई हाल काठमाडांै स्वयम्भु बस्ने रुपेश खड्का र गुल्मी रुरु गाउपालिका–५ घर भई हाल जिल्ला काठमाडांै स्वयम्भु बस्ने भाष्कर पौडेललाई पक्राउ गरिएको डिएसपी रेवतीरमण पौडेलले जानकारी दिए ।

प्रकाशित मिति: शुक्रबार, वैशाख २०, २०७६ ०६:०६