नयाँ नेपाल, सूर्योदय र सामुदायिक लघुवित्त : यस्ताे छ प्रगति विवरण

A+ A A-

नयाँ नेपाल, सूर्योदय र सामुदायिक लघुवित्तले चालू आर्थिक वर्षको तेस्रो त्रयमास (चैत मसान्त) सम्मको आयव्यय विवरण सार्वजनिक गरेका छन् ।

नयाँ नेपाल लघुवित्तः वृद्धिको बाटोमा अग्रसर

नयाँ नेपाल लघुवित्तले चालू अवधि (चैत मसान्त)सम्ममा ४३ करोड ९७ लाख रुपैयाँ सापट र ११ करोड ७४ लाख रुपैयाँ सदस्यको बचत निक्षेप लिएर ६१ करोड ९९ लाख रुपैयाँ सदस्यलाई कर्जा दिएको छ ।

सापट र सदस्यको बचत निक्षेप क्रमशः १०८ र ७४ प्रतिशत बढेको छ । कर्जा लगानीबाट ५ करोड ९६ लाख रुपैयाँ ब्याज आम्दानी गरेको छ । सापट र सदस्यको बचत निक्षेपको ब्याज खर्च ३ करोड २८ लाख रुपैयाँपछि खुद ब्याज आम्दानी २ करोड ६८ लाख रुपैयाँ छ । खुद ब्याज आम्दानी ११२ प्रतिशत बढेको छ ।

अन्य सञ्चालन आम्दानीसहित ४ करोड १९ लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी अघिल्लो वर्षको यही अवधिको तुलनामा १४२ प्रतिशत बढेको छ ।

कर्मचारी तथा सञ्चालन खर्च, नोक्सानी व्यवस्था, गैरसञ्चालन आम्दानी (नोक्सान), नोक्सानी व्यवस्थाबाट फिर्ता र असामान्य गतिविधिबाट आम्दानी (नोक्सानी) पछिको सञ्चालन आम्दानी १ करोड ३६ लाख रुपैयाँ छ । कुल सञ्चालन आम्दानी ३४ सय प्रतिशतभन्दा बढी बढेको छ ।

कर्मचारी बोनस र आयकरपछि खुद नाफा ८३ लाख २६ हजार रुपैयाँ छ । खुद नाफा अघिल्लो वर्ष यही अवधिको तुलनामा ३४ सय प्रतिशतभन्दा बढी बढेको छ ।

चालू अवधि (चैत मसान्त)सम्मको वासलातअनुसार जगेडा तथा कोष ३ करोड ३ लाख रुपैयाँ छ । जगेडा र कोष गत वर्षको यही अवधिको तुलनामा शतप्रतिशत बढेको छ । गत आर्थिक वर्ष २०७४\७५ मा कम्पनीले लाभांश वितरण नगरेको हुँदा कोष बढेको हो ।

लघुवित्तको चुक्ता पुँजी ८ करोड ४० लाख रुपैयाँ, सापट ४३ करोड ९७ लाख रुपैयाँ, सदस्यको बचत निक्षेप ११ करोड ७४ लाख रुपैयाँ, कर्जा लगानी ६१ करोड ९९ लाख रुपैयाँ, खराब कर्जा १.९६ प्रतिशत, कोषको लागत ११.६४ प्रतिशत, प्रतिसेयर आम्दानी १३ रुपैयाँ २१ पैसा (वार्षिकीकरण गरिएको) र नेटवर्थ १३६ रुपैयाँ छ ।

लगानी बढ्नु, अन्य सञ्चालन आम्दानी वृद्धि र नोक्सानी व्यवस्थाबाट फिर्ता जस्ता कारणले लघुवित्तको खुद आम्दानीमा वृद्धि देखिएको छ ।

सूर्योदय लघुवित्तः झन्डै शतप्रतिशत आम्दानी वृद्धि

सूर्योदय लघुवित्तले चालू अवधि चैत मसान्त०सम्ममा ७६ करोड ३७ लाख रुपैयाँ सापट र ५४ करोड २३ लाख रुपैयाँ सदस्यको बचत निक्षेप लिएर १ अर्ब ३२ करोड रुपैयाँ सदस्यलाई कर्जा दिएको छ ।
सापट र सदस्यको बचत निक्षेप क्रमशः ७८ र ५२ प्रतिशत बढेको छ । कर्जा लगानीबाट १४ करोड ९६ लाख रुपैयाँ ब्याज आम्दानी गरेको छ । सापट र सदस्यको बचत निक्षेपको ब्याज खर्च ७ करोड ६३ लाख रुपैयाँपछि खुद ब्याज आम्दानी ७ करोड ३३ लाख रुपैयाँ छ । खुद ब्याज आम्दानी ६७ प्रतिशत बढेको छ ।

अन्य सञ्चालन आम्दानीसमेत गरेर १० करोड ८१ लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी अघिल्लो वर्षको यही अवधिको तुलनामा ६३ प्रतिशत बढेको छ ।

कर्मचारी तथा सञ्चालन खर्च, नोक्सानी व्यवस्था, गैरसञ्चालन आम्दानी (नोक्सान), नोक्सानी व्यवस्थाबाट फिर्ता र असामान्य गतिविधिबाट आम्दानी (नोक्सानी) पछिको सञ्चालन आम्दानी ४ करोड १६ लाख रुपैयाँ छ । कुल सञ्चालन आम्दानी ८३ प्रतिशत बढेको छ ।

कर्मचारी बोनस र आयकरपछि खुद नाफा २ करोड ६५ लाख रुपैयाँ छ । खुद नाफा अघिल्लो वर्ष यही अवधिको तुलनामा ८४ प्रतिशत बढेको छ ।

चालू अवधि (चैत मसान्त) सम्मको वासलातअनुसार जगेडा तथा कोष ६ करोड ९९ लाख रुपैयाँ छ । जगेडा र कोष गत वर्षको यही अवधिको तुलनामा ४६ प्रतिशत बढेको छ ।

लघुवित्तको चुक्ता पुँजी १० करोड ७९ लाख रुपैयाँ, खराब कर्जा ०.९३ प्रतिशत, कोषको लागत ९.०१ प्रतिशत, प्रतिसेयर आम्दानी ३२ रुपैयाँ ७५ पैसा (वार्षिकीकरण गरिएको) र नेटवर्थ १६४ रुपैयाँ छ ।

सामुदायिक लघुवित्तः कर्मचारी खर्च घट्यो आम्दानी बढ्यो

सामुदायिक लघुवित्तले चालू अवधि ९चैत मसान्त०सम्ममा ५४ करोड ४४ लाख रुपैयाँ सापट र ३३ करोड ८ लाख रुपैयाँ सदस्यको बचत निक्षेप लिएको छ । सापट र सदस्यको बचत निक्षेप क्रमशः ९ र ३२ प्रतिशत बढेको छ । चैत मसान्तसम्ममा ८९ करोड ७५ लाख रुपैयाँ सदस्यलाई कर्जा दिएको छ । यस्तो कर्जा लगानी २५ प्रतिशत बढेको छ ।

कर्जा लगानीबाट १० करोड ५४ लाख रुपैयाँ ब्याज आम्दानी गरेको छ । सापट र सदस्यको बचत निक्षेपको ब्याज खर्च ५ करोड १७ लाख रुपैयाँपछि खुद ब्याज आम्दानी ५ करोड ३६ लाख रुपैयाँ छ । खुद ब्याज आम्दानी १५ प्रतिशत बढेको छ ।

शुल्क, कमिसन र अन्य सञ्चालन आम्दानीसमेत गरेर ७ करोड १२ लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी अघिल्लो वर्षको यही अवधिको तुलनामा १२ प्रतिशत बढेको छ ।

कर्मचारी तथा सञ्चालन खर्च, नोक्सानी व्यवस्था, गैरसञ्चालन आम्दानी (नोक्सान), नोक्सानी व्यवस्थाबाट फिर्ता र असामान्य गतिविधिबाट आम्दानी (नोक्सानी)पछिको सञ्चालन आम्दानी २ करोड ८२ लाख रुपैयाँ छ । कुल सञ्चालन आम्दानी ३१ प्रतिशत बढेको छ ।

कर्मचारी बोनस र आयकरपछि खुद नाफा १ करोड ७९ लाख रुपैयाँ छ । खुद नाफा अघिल्लो वर्ष यही अवधिको तुलनामा ८४ प्रतिशत बढेको छ ।

चालू अवधि (चैत मसान्त) सम्मको वासलातअनुसार जगेडा तथा कोष ६ करोड ९९ लाख रुपैयाँ छ । जगेडा र कोष गत वर्षको यही अवधिको तुलनामा ३० प्रतिशत बढेको छ ।

लघुवित्तको चुक्ता पुँजी १० करोड रुपैयाँ, खराब कर्जा १.४० प्रतिशत, कोषको लागत ८.७९ प्रतिशत, प्रतिसेयर आम्दानी २३ रुपैयाँ ९३ पैसा (वार्षिकीकरण गरिएको) र नेटवर्थ १४९ रुपैयाँ छ ।

लगानी बढ्नु, अन्य सञ्चालन आम्दानी वृद्धि कर्मचारी खर्च कटौतीजस्ता कारणले लघुवित्तको खुद आम्दानीमा वृद्धि देखिएको छ ।

प्रकाशित मिति: शुक्रबार, वैशाख २०, २०७६ ०३:१८