सेन्ट्रल फाइनान्सः खराब कर्जा वृद्धिले नाफा घट्यो

A+ A A-

सेन्ट्रल फाइनान्सले चालू अवधि (चैत मसान्त) सम्ममा ३ अर्ब २६ करोड निक्षेप संकलन र ३ अर्ब ४ करोड रुपैयाँ कर्जा लगानी गरी ३४ करोड ९७ लाख रुपैयाँ ब्याज आम्दानी गरेको छ ।

निक्षेपको ब्याज खर्च २२ करोड ९९ लाख रुपैयाँपछि खुद ब्याज आम्दानी ११ करोड ९७ लाख रुपैयाँ छ । निक्षेप र कर्जा क्रमशः २२ र १८ प्रतिशत बढेको छ । निक्षेप र कर्जामा आएको वृद्धिले खुद ब्याज आम्दानी ४० प्रतिशतले बढेको छ ।

शुल्क, कमिसन र अन्य सञ्चालन आम्दानीसहित १४ करोड ४१ लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी अघिल्लो वर्षको यही अवधिको तुलनामा ३४ प्रतिशत बढेको छ ।

कर्मचारी तथा सञ्चालन खर्च, नोक्सानी व्यवस्था, गैरसञ्चालन आम्दानी (नोक्सान), नोक्सानी व्यवस्थाबाट फिर्ता र असामान्य गतिविधिबाट आम्दानी (नोक्सानी)पछिको सञ्चालन आम्दानी ५ करोड १५ लाख रुपैयाँ छ । कुल सञ्चालन आम्दानी २७ प्रतिशत घटेको छ ।

कर्मचारी बोनस र आयकरपछि खुद नाफा ३ करोड ४२ लाख रुपैयाँ छ । खुद नाफा अघिल्लो वर्ष यही अवधिको तुलनामा २८ प्रतिशत घटेको छ ।

चालू अवधि (चैत मसान्त)सम्मको वासलातअनुसार जगेडा तथा कोष १४ करोड ३३ लाख रुपैयाँ पुगेको छ । जगेडा र कोष गत वर्षको यही अवधिको तुलनामा २८ प्रतिशतले कमी आएको छ । गत आर्थिक वर्ष २०७४\७५ मा कम्पनीले नगद लाभांश वितरण गरेपछि यस्तो कोष घट्न पुगेको हो ।

फाइनान्सको चुक्ता पुँजी ८२ करोड ३३ लाख रुपैयाँ, निक्षेप ३ अर्ब २६ करोड रुपैयाँ, कर्जा लगानी ३ अर्ब ४ करोड रुपैयाँ, पुँजीकोष अनुपात २५.८७ प्रतिशत, खराब कर्जा ३.१६ प्रतिशत, कोषको लागत ९.८५ प्रतिशत, कर्जा निक्षेप अनुपात ७२ प्रतिशत, आधार दर १२.३६ प्रतिशत, ब्याज अन्तर ४.६२ प्रतिशत, प्रतिसेयर आम्दानी ५ रुपैयाँ २६ पैसा (वार्षिकीकरण गरिएको) र नेटवर्थ ११७ रुपैयाँ छ ।

खराब कर्जामा अत्यधिक वृद्धि देखिएकोले सञ्चालन आम्दानीको ५० प्रतिशत रकम नोक्सानी व्यवस्थामा राख्नुपर्दा खुद नाफामा यसको नकारात्मक असर देखिएको छ ।

पोखरा फाइनान्सः नोक्सानी व्यवस्था र कर्मचारी खर्च वृद्धि

पोखरा फाइनान्सले चालू अवधि (चैत मसान्त)सम्ममा ५ अर्ब ६५ करोड निक्षेप संकलन गरेर ५ अर्ब २० करोड रुपैयाँ कर्जा लगानी गरेको छ । निक्षेप र कर्जा क्रमशः ४० र ३३ प्रतिशत वृद्धि भएको छ ।

कर्जा लगानीबाट ५२ करोड ५२ लाख रुपैयाँ ब्याज आम्दानी गरेको छ । निक्षेपका लागि ३३ करोड ८९ लाख रुपैयाँ ब्याज खर्च गरेको छ । खुद ब्याज आम्दानी १८ करोड ६३ लाख रुपैयाँ छ । निक्षेप र कर्जामा भएको वृद्धिले खुद ब्याज आम्दानी ४७ प्रतिशतले बढेको छ ।

शुल्क, कमिसन र अन्य सञ्चालन आम्दानीसहित २१ करोड ७६ लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी अघिल्लो वर्षको यही अवधिको तुलनामा २२ प्रतिशत बढेको छ ।

कर्मचारी तथा सञ्चालन खर्च, नोक्सानी व्यवस्था, गैरसञ्चालन आम्दानी (नोक्सान), नोक्सानी व्यवस्थाबाट फिर्ता र असामान्य गतिविधिबाट आम्दानी (नोक्सानी) पछिको सञ्चालन आम्दानी ९ करोड ८७ लाख रुपैयाँ छ । कुल सञ्चालन आम्दानी करिब ४ प्रतिशत घटेको छ ।

कर्मचारी बोनस र आयकरपछि खुद नाफा ३ करोड ४२ लाख रुपैयाँ छ । खुद नाफा अघिल्लो वर्ष यही अवधिको तुलनामा आम्दानी करिब ४ प्रतिशत घटेको छ ।

चालू अवधि (चैत मसान्त) सम्मको वासलातअनुसार जगेडा तथा कोष ३१ करोड २० लाख रुपैयाँ छ । जगेडा र कोष गत वर्षको यही अवधिको तुलनामा २१ प्रतिशतले कमी आएको छ । गत आर्थिक वर्ष २०७४\७५ मा कम्पनीले नगद लाभांश वितरण गरेपछि यस्तो कोष घटेको हो ।

फाइनान्सको चुक्ता पुँजी ८५ करोड ७२ लाख रुपैयाँ, निक्षेप ५ अर्ब ६५ करोड रुपैयाँ, कर्जा लगानी ५ अर्ब २० करोड रुपैयाँ, पुँजीकोष अनुपात १९.९७ प्रतिशत, खराब कर्जा १.०४ प्रतिशत, कोषको लागत ९.१२ प्रतिशत, कर्जा निक्षेप अनुपात ७५ प्रतिशत, आधार दर ११.८७ प्रतिशत, ब्याज अन्तर ४.५८ प्रतिशत, प्रतिसेयर आम्दानी ९ रुपैयाँ ७७ पैसा (वार्षिकीकरण गरिएको) र नेटवर्थ १३६ रुपैयाँ छ ।

शुल्क र कमिसन आम्दानीमा आएको कमी र कर्मचारी खर्च तथा नोक्सानी व्यवस्था वृद्धिका कारण खुद नाफामा कमी देखिएको छ ।

प्रकाशित मिति: बिहीबार, वैशाख १९, २०७६ ०३:५६