छिमेक लघुवित्तः औसत वृद्धिदर ६० प्रतिशत

A+ A A-

छिमेक लघुवित्तले चालू आर्थिक वर्षको तेस्रो त्रयमासको आयव्यय विवरण सार्वजनिक गरेको छ । प्रकाशित आय विवरणअनुसार चालू अवधि (चैत मसान्तसम्म) मा २ अर्ब ५२ करोड रुपैयाँ ब्याज आम्दानी र १अर्ब २८ करोड रुपैयाँ ब्याज खर्चपछि १ अर्ब २३ करोड रुपैयाँ खुद ब्याज आम्दानी गरेको छ । खुद ब्याज आम्दानी करिब ३६ प्रतिशतले बढेको छ ।

शुल्क र कमिसन र अन्य सञ्चालन आम्दानीसहित १ अर्ब ५५ करोड रुपैयाँ कुल सञ्चालन आम्दानी गरेको छ । कुल सञ्चालन आम्दानी ४२ प्रतिशतले बढेको छ ।

कर्मचारी तथा सञ्चालन खर्च, नोक्सानी व्यवस्था, गैरसञ्चालन आम्दानी (नोक्सान), नोक्सानी व्यवस्थाबाट फिर्ता र असामान्य गतिविधिबाट आम्दानी (नोक्सानी) पछिको सञ्चालन आम्दानी १ अर्ब १ करोड रुपैयाँ छ । सञ्चालन आम्दानी ८० प्रतिशतले बढेको छ ।

कर्मचारी बोनस र आयकरपछि खुद नाफा ६४ करोड ३० लाख रुपैयाँ छ । खुद नाफा अघिल्लो वर्ष यही अवधिको तुलनामा ८० प्रतिशत बढेको छ ।

चालू अवधि (चैत मसान्तसम्म) को वासलातअनुसार जगेडा तथा कोष करिब १ अर्ब ८१ करोड रुपैयाँ पुगेको छ । यसमा वैधानिक जगेडालगायत अन्य जगेडा रकमसमेत हुन्छ । यो रकममा लघुवित्तले प्रस्ताव गरेको २२ प्रतिशत नगद लाभांश घटाइएको छैन । कम्पनीको साधारणसभाले प्रस्ताव पारित गर्न बाँकी छ ।

कम्पनीको चुक्ता पुँजी १ अर्ब रुपैयाँ (१८ प्रतिशत बोनस सेयरअघिको), सापटी ४ अर्ब ४५ करोड रुपैयाँ, सदस्यको बचत निक्षेप १३ अर्ब ९० करोड रुपैयाँ, कर्जा लगानी १९ अर्ब १५ करोड रुपैयाँ, खराब कर्जा ०.२६ प्रतिशत, कोषको लागत ९.७७ प्रतिशत, प्रतिसेयर आम्दानी ८५ रुपैयाँ ७४ पैसा (प्रस्तावित १८ प्रतिशत बोनस सेयरअघि वार्षिकीकरण गरिएको) र नेटवर्थ २८१ रुपैयाँ (प्रस्तावित २२ प्रतिशत नगद लाभांश अघिको) छ ।

खुद ब्याज आम्दानीलगायत आम्दानीका सबै स्रोतमा देखिएको वृद्धिले खुद आम्दानीमा सकारात्मक प्रभाव पारेको देखिएको छ ।औसत वृद्धिदर ६० प्रतिशत देखिएको छ ।

प्रकाशित मिति: बुधबार, वैशाख १८, २०७६ ०४:२९