गरिमा विकास बैंकः औसत वृद्धिदर ४६ प्रतिशत

A+ A A-

गरिमा विकास बैंकले चालू आर्थिक वर्षको तेस्रो त्रयमासको आयव्यय विवरण सार्वजनिक गरेको छ । प्रकाशित आय विवरणअनुसार चालू अवधि (चैत मसान्तसम्म) मा २ अर्ब ५६ करोड रुपैयाँ ब्याज आम्दानी र १ अर्ब ५७ करोड रुपैयाँ ब्याज खर्चपछि ९९ करोड ९ लाख रुपैयाँ खुद ब्याज आम्दानी गरेको छ । खुद ब्याज आम्दानी करिब ४१ प्रतिशतले बढेको छ ।

शुल्क, कमिसन र अन्य सञ्चालन आम्दानीसहित १ अर्ब १९ करोड रुपैयाँ कुल सञ्चालन आम्दानी गरेको छ। कुल सञ्चालन आम्दानी ४३ प्रतिशतले बढेको छ ।

कर्मचारी तथा सञ्चालन खर्च, नोक्सानी व्यवस्था, गैरसञ्चालन आम्दानी (नोक्सान), नोक्सानी व्यवस्थाबाट फिर्ता र असामान्य गतिविधिबाट आम्दानी (नोक्सानी) पछिको सञ्चालन आम्दानी ६६ करोड ५९ लाख छ । कुल सञ्चालन आम्दानी ५० प्रतिशतले बढेको छ ।

कर्मचारी बोनस र आयकरपछि खुद नाफा ४२ करोड ३७ लाख रुपैयाँ छ । खुद नाफाअघिल्लो वर्ष यही अवधिको तुलनामा ५० प्रतिशत बढेको छ ।

चालू अवधि (चैत मसान्तसम्म) को वासलातअनुसार जगेडा तथा कोष करिब ८० करोड रुपैयाँ पुगेको छ । यसमा वैधानिक जगेडालगायत अन्य जगेडा रकमसमेत हुन्छ ।

बैंकको चुक्ता पुँजी २ अर्ब ७८ करोड रुपैयाँ, निक्षेप ३० अर्ब रुपैयाँ, कर्जा लगानी २६ अर्ब रुपैयाँ, पुँजी कोष अनुपात २५.१४प्रतिशत, खराब कर्जा ०.२६ प्रतिशत, कोषको लागत ८.३७ प्रतिशत, कर्जा निक्षेप अनुपात ७७ प्रतिशत, आधार दर ११.१३ प्रतिशत, ब्याज अन्तर ४.९९ प्रतिशत, प्रतिसेयर आम्दानी २० रुपैयाँ २६ पैसा (वार्षिकीकरण गरिएको) र नेटवर्थ १२८ रुपैयाँ छ ।

ब्याजदर अन्तरलाई उल्लेख्य रुपमा घटाएको छ । ब्याज अन्तरमा १८ प्रतिशत कमी आउँदा पनि खुद नाफामा उल्लेख्य प्रगति गरेको छ ।

खुद ब्याज आम्दानीलगायत आम्दानीका सबै स्रोतमा देखिएको वृद्धिले खुद आम्दानीमा सकारात्मक प्रभाव पारेको देखिएको छ । औसत वृद्धिदर ४६ प्रतिशत देखिएको छ ।

प्रकाशित मिति: बुधबार, वैशाख १८, २०७६ ०३:४१