विवादमा उद्योग वाणिज्य महासंघ निर्वाचन, उम्मेदवारको नामावलीमा निर्वाचन अधिकृतको फरकमत

विवादमा उद्योग वाणिज्य महासंघ निर्वाचन, उम्मेदवारको नामावलीमा निर्वाचन अधिकृतको फरकमत

A+ A A-

निर्धारित मितिभन्दा करिब ८ महिनापछि हुन लागेको नेपाल उद्योग वाणिज्य महासंघको निर्वाचन तयारीका विषयमा विवाद देखिएको छ । उम्मेदवारको दावी विरोधपछिको नामावलीमा निर्वाचन अधिकृतहरूबीच नै विवाद देखिएको छ ।

उम्मेदवारहरूको नामावली प्रकाशनका क्रममा विशेषत तीन उम्मेदवारका विषयमा निर्वाचन अधिकृतहरूबीच नै फरकमत देखिएको हो ।

निर्वाचन समितिले बर्दिबास उद्योग वाणिज्य संघलाई मतदानको अधिकार दिएको, मकवानपुरका पूर्वअध्यक्षलाई रामेछापबाट प्रतिनिधित्व गराई बाग्मती प्रदेशका तर्फबाट कार्यकारिणी सदस्यमा उम्मेदवार स्वीकृत गरेको र औषधी उत्पादक संघबाट २ जनाले दिएको उम्मेदवारी स्वीकृत गरेको छ ।

महासंघको नियमावलीअनुसार नयाँ सदस्यलाई एक पटक महासंघको साधारण सभामा सहभागी भएपछि अर्को पटकदेखि मात्र निर्वाचनमा मतदान गर्न पाउने व्यवस्था छ । महासंघको नियमावली २०६३ अनुसार कार्यकारिणी समितिको निर्वाचनमा मतदान गर्न र उम्मेदवार खडा गर्न चाहने सदस्यले कमसेकम अगाडिको कुनै एउटा वार्षिक साधारण सभामा भाग लिइसकेको हुनुपर्ने उल्लेख छ ।

No description available.

तर, महासंघका प्रमुख निर्वाचन आयुक्त उपेन्द्र केशरी न्यौपानेले अवैधानिक रुपमा एकल निर्णय गरी बर्दिवास उद्योग वाणिज्य संघलाई मतदान गर्ने अधिकार दिएकाे आरोप लगाइएको छ ।

महासंघ निर्वाचन समितिका प्रमुख न्यौपानेले विधान विपरित रामेछाप उद्योग वाणिज्य संघका तर्फबाट बागमती प्रदेशको केन्द्रीय सदस्यमा राजकुमार न्यौपानेको उम्मेदवारीलाई पनि स्वीकृत गरेकाे भन्दै निर्वाचन अधिकृत रमणकुमार कर्णले फरकमत राखेका छन् ।

यस सम्बन्धमा दाबी बिरोध परेको भएपनि प्रमुख निर्वाचन आयुक्त न्यौपानेले सम्बोधन नगरी एकलौटी निर्णय गर्दै उम्मेदवारहरुको नामावली सार्वजनिक गरिसकेका छन् ।

‘मकवानपुर उद्योग वाणिज्य संघका पूर्वअध्यक्ष समेत रहेका राजकुमार न्यौपानेलाई सम्बन्धित जिल्लाबाट पूरा गरेर आउनु पर्ने मापदण्ड विपरित कसरी रामेछाप उद्योग वाणिज्य संघबाट प्रतिनिधित्व गराइयो ?’ उनले भने ।

महासंघको विधानको दफा ४६ अनुसार कार्यकारिणी समितिमा सदस्य हुनका लागि सदस्य संघबाट आफूले प्रतिनिधित्व गर्ने संघको पदाधिकारी भई एक कार्यकाल पूरा गरेको हुनुपर्ने उल्लेख छ ।

`कार्यतालिकाअनुसार एउटा पक्षले राखेका विचार र दाबी विरोधलाई सुन्दै नसुन्ने अनि अर्को पक्षका अवैध उम्मेदवार र मतदाता स्वीकृत गर्ने काम उपेन्द्रकेशरी न्यौपानेबाट भईरहेको छ,´ उनले भने, `यदि न्यौपानेले गरेको निर्णय सही हुन्थ्यो भने निर्वाचन समितिका सदस्य रमणकुमार कर्णले किन फरक मत राख्नुभयो ?´

निर्वाचन समितिका सदस्य रमणकुमार कर्णले उम्मेदवारको नामावलीको सूची सार्वजनिक गर्ने क्रममा नेपाल औषधी उत्पादक संघबाट २ जनाको उम्मेदवारी परेको भन्दै नोट अफ डिसेन्ट लेखेका हुन् । वस्तुगत तर्फका उपाध्यक्षका प्रत्यासी उमेशलाल श्रेष्ठ र सदस्यका प्रत्यासी दिपकप्रसाद दाहाल औषधि उत्पादक संघबाट मनोनयन भएको भन्दै निर्वाचन समिति सदस्य कर्णले फरक मत राखेका हुन् ।

No description available.