ओली भन्छन्, 'जे उद्देश्यले पार्टी एकता गरियो, त्यो भएन, समय बाइपास गर्ने काम मात्र भयो'

ओली भन्छन्, 'जे उद्देश्यले पार्टी एकता गरियो, त्यो भएन, समय बाइपास गर्ने काम मात्र भयो'

A+ A A-

गत २६ भदौमा नेकपा स्थायी कमिटी बैठकले एकताको सन्देश दिने प्रयास गर्‍यो । यद्यपि, कालाान्तरमाा फेरि पार्टी र सरकार सञ्चालनमा नेेेकपा एउटै पार्टीजस्ताेे देेेखिन छाड्याेे ।

भदौमा भएकाे भनिएको 'विवाद बिराम' कात्तिक अन्तिमतिर आइपुुुग्दा समाप्त भएको छ ।तत्कालीन एमालेका अध्यक्ष केपी शर्मा ओली र तत्कालीन एकीकृत नेकपा माओवादीका अध्यक्ष पुष्पकमल दाहाल प्रचण्डकै शैलीमा अहिले वक्तव्य सुरु भएका छन् ।

विभिन्न माध्यम र तौरतरिकाबाट प्रचण्डले असन्तुष्टि जनाएको र प्रधानमन्त्री तथा अर्का अध्यक्ष ओलीले गरेको संवाद भन्दै पार्टी प्रवक्तामार्फत सुनाइएकै थियो । शनिबार एपीवान टेलिभिजनलाई दिएकाेे अन्तर्वार्तामा ओलीले थप संकेतहरू देखाएका छन् ।

शनिबार नै अनौपचारिक भनिएको सचिवालय बैठक, प्रधानमन्त्रीकोमा पुगेका बहुमत सदस्य र प्रधानमन्त्रीको वक्तव्यले एक प्रकारको सन्देश प्रवाह गरेकोमा थप छरपष्ट भएको छ ।

फुटको संघार

प्रचण्डले पटकपटक प्रधानमन्त्रीले पार्टी फुटाउने प्रयास गरेको आरोप लगाउँदै आएका छन् । प्रचण्डलाई उद्धृत गर्दै पार्टी प्रवक्ता नारायणकाजी श्रेष्ठले भनेका छन्, 'मेरो असहमतिबिना पार्टी सचिवालय बैठक बोलाएमा म ठूलो एक्सन लिनेछु, ओलीले सन्देश पठाउनु भएको छ '

फेरि २ दिनपछि पार्टी प्रवक्ताले भनेका छन्, 'प्रधानमन्त्रीले पार्टी सचिवालय बैठक डाकियो भने पार्टी फुटको घोषणा त्यहीबाट सुरु हुनेछ भन्नुभएको छ।'

प्रचण्ड र पार्टी प्रवक्ता यी सन्देश बाहिर निरन्तर आइरहँदा प्रधानमन्त्री ओलीले पनि पार्टी फुटको संघारमा रहेको स्वीकारेका छन् । 'पार्टी फुटको संघारमा नै देखिएको छ । यस्तो अवस्था कसरी आयो' भन्ने प्रश्नमा ओलीले फुटको संघारमा नभएको भन्न सकेनन् बरू प्रचण्डतर्फ संकेत गर्दै भने, देशको हितभन्दा पनि आफ्ना स्वार्थमा रमाउने र अस्थिरता खोज्ने गरेको कारण यस्तो स्थिति आएको हो । यद्यपि ओलीको ओठे प्रतिवद्धता भने पार्टी फुटाउन नदिने भन्ने थियाे ।

उनले गत जेठमा ल्याइएको पार्टी विभाजनसम्बन्धी अध्यादेश नेकपा फुटाउनकै लागि भएको आरोप नेकपा सचिवालयका नेताहरूले समेत लगाउने गरेका थिए ।

अधिकृत बैठक बोलाए पार्टी फुट्ने छलफल गरे अनाधिकृत !

प्रचण्ड पक्षसहित पार्टी प्रवक्ताको कुरालाई आधार मान्ने हो भने पार्टी अध्यक्ष तथा प्रधानमन्त्री सचिवालय बैठक बसाउन तयार छैनन् । उनले बैठक डाके पार्टी फुट्नेसम्मको चेतावनी दिएका छन् ।

ओलीले दुवै अध्यक्षले सहमति गर्ने र पार्टी महासचिवले बैठक बोलाउने कार्य हुनुपर्नेमा त्यसो नभएको बरु अनाधिकृत छलफलमा रमाइरहेको बताएका छन् ।

प्रचण्डले बोलाएको बैठकमा प्रधानमन्त्रीका विश्‍वासपात्र महासचिव विष्णु पौडेल मात्रै हैन, माओवादीबाट आएका प्रचण्डका भनिएका रामबहादुर थापा पनि पुगेका छैनन् । एक अध्यक्ष ओली र महासचिव एक ठाउँमा हुँदा बैठक बस्न सक्ने अवस्था हुँदैन, जसले ६ जना सचिवालय सदस्य बसेर गरिएकााेाे आग्रह ओलीले नस्वीकार्ने देखिएको छ ।

उनले प्रचण्ड-नेपाल पक्षले निरन्तर झालझेल गरिरहेको आरोप लगाएका छन् । 'कति अनाधिकृत बैठकहरू बसेका छन्, अहिले धन्न पार्टी कार्यालयमा बैठक बसेछ, ठिकै छ तर त्यो पनि उचित भएन । गुटका निर्णय कार्यान्वयन गर्न सचिवालय आवश्‍यक पर्दैन' ओलीले भने ।

खोज्न थालियो पूर्वमाओवादीको हैसियत

प्रधानमन्त्री ओलीले पार्टी एकताको लागि आफूले धेरै प्रयास गरेको दाबी गरे । पार्टी एकताका लागि तत्कालीन समयमा हैसियत नभएकालाई पनि हैसियत दिएको उनको संकेत छ ।

'पार्टी एकताको समयमा हामीले ५० प्रतिशत दिनुपर्ने त थिएन, उहाँहरूको हैसियत थाहा नै थियो । त्यही पनि एकताको लागि मिलाइएको हो', प्रधानमन्त्री ओलीले भने । उनले एकता जोगाउनको लागि प्रधानमन्त्रीको कार्यकाल विभाजन गरिएको पनि स्वीकारेका छन् । आधा कार्यकाल प्रधानमन्त्री नभए पार्टी एकता हुँदै हुँदैन भनिएपछि ल न त आधा कार्यकाल चलाउनु भनेकै हो । पछि मैले केही कुरा नगरी उहाँले तपाईंं आफैँ चलाउनुस् भन्नु भएको हो', ओलीले भनेका छन् ।

अस्थिरता निम्त्याए प्रचण्डले !

प्रधानमन्त्री ओलीले प्रचण्डले अस्थिरता निम्त्याएको आरोप पनि लगाए। स्थिरता दिनको लागि पार्टी एकता गरिएको र संविधानले २ वर्ष अविश्वासको मत हाल्न नपाउने व्यवस्था गरेको अवस्था र एकतापछि अविश्वास हाल्ने दल नै नभएको अवस्थामा पनि २ वर्ष पर्खेर बसेको उनको भनाइ छ । उनले हरेकको कुरामा सत्ताको साझेदार आफू भएको भन्दै त्यसैगरी सत्ता सञ्चालन गर्ने प्रयास प्रचण्डबाट भएको समेत बताए ।

एकताको सन्देश समयको वाइपास

जहाँ पनि भाग पुर्‍याएर एकता खोज्ने प्रवृत्ति देखिएको उनको भनाइ छ ।

'जे गर्नको लागि एकता गरियो, त्यो भएन। हुन्छ कि भनेर फेरि एकताको प्रयास गरियो, समयलाई बाइपास गर्ने काम मात्रै भयो', ओलीले भने ।

प्रकाशित मिति: आइतबार, कात्तिक २३, २०७७ ०१:१०