दराज ११:११ को तेस्रो संस्करणको अनलाइन सेल २६ कात्तिक मध्यरातबाट सुरु हुँदै

A+ A A-

देशको अग्रणी अनलाइन बजार दराजले 'लाइभ अनाउन्स्मेण्ट' कार्यक्रममार्फत दराज ११:११ को तेस्रो संस्करणको अनलाइन सेल दिवस ११ नोभेम्बर अर्थात् कात्तिक २६ मध्यरातबाट सुरु हुने जनाएको छ ।

यस वर्षको ११:११ सेलमा ग्राहकहरूले विशेष छुट पाउनुका साथै ८ लाख बराबरको टीभीएस अपाचे आरआर ३१० जित्ने मौका पनि पाउनेछन् । ग्राहकले नाबिल बैंक, सनिमा बैंक, एनआईसी एशिया बैंक, ग्लोबल आईएमई बैंक, एनएमबी बैंक, मेगा बैंक, नेपाल बंगलादेश बैंक, कुमारी बैंक, लक्ष्मी बैंक, सेन्चुरी बैंक र हिमालयन बैंक को डेबिट वा क्रेडिट कार्ड प्रयोग गरि अनलाइन भुक्तानीमा २० प्रतिशत (अधिकतम् ३ हजार) सम्मको छुट पाउने दराजले जनाएको छ । त्यस्तै, ग्राहकले दराजमा इ-सेवा वालेटमार्फत भुक्तानी गर्दा पनि छुट पाउने छन् ।

११:११ मा ग्राहकले विशेष लन्चका रूपमा सामसङ ग्यालेक्सी एसट्वेन्टी एफइ ६९ हजार ९ सय ९९ रुपैयाँमा पाउनेछन् । त्यस्तैगरी एलजी, एमआई, फिटबिट, सोनी, भ्याङ, वल्पुल, टाइटन, कोलम्बिया, मिचा, गोल्डस्टार, जुआस, होम ग्लोरी, आमाइरा, फेशन हाउस, न्यु ब्यालेन्स, टिभियस जस्ता ब्रान्डहरूमा पनि ६० प्रतिशतसम्म छुट पाउनेछन । साथै प्रिमियम प्रायोजक कोकाकोलाले पनि ११:११ को अवसरमा विशेष अफरहरू घोषणा गर्ने भएको छ । दराजले ग्राहकलाई ११:११ मा लाइभ भिडियो, फ्ल्यास सेल, बन्डल अफर, निःशुल्क वितरण, सोशल मिडियामा प्रतियोगिता, अनलाइन लुडो टुर्नामेन्ट, अर्ली बर्ड अफर, एनसेल मोबाइल रिचार्ज छुट, र वन रुपी गेम र मिशन ११:११ जस्ता गेममार्फत पुरस्कार जित्ने धेरै अवसरहरू पनि रहेको दराजले जनाएको छ ।

११:११ सम्बन्धी मिडिया र ग्राहकको केही प्रश्नहरूको जवाफ दिन दराजले प्रत्यक्ष प्रेस कार्यक्रम आयोजना गरेको हो । उक्त कार्यक्रमका होस्ट प्रसिद्ध मिडिया व्यक्तित्व सूरज सिंह ठकुरी थिए भने मुख्य वक्ताहरू दराजका प्रबन्ध निर्देशक, लिनो अलरिङ, डेक्स प्रमुख सन्तोष विष्ट र मुख्य ग्राहक अधिकारी, सम्झना सुवेदी थिए । वक्ता सन्तोष विष्ट र सम्झना सुवेदीले कम्पनीको सबभन्दा महत्त्वपूर्ण पक्षहरू ग्राहक सेवा र संचालनले यस एक दिनको सेललाई सफल बनाउन गरिरहेको तयारी बारे बोले ।

'हामीले ११:११ को लागि ७ सयभन्दा बढी डेलिभरी कर्मचारी थपेका छौँ। साथै ६ अन्य लजिस्टिक साझेदारसँग काम गर्दै हाम्रो क्षमता, पूर्वाधार र प्रविधिमा उल्लेखनीय सुधार भएको छ,' सन्तोष विष्टले भने, 'महामारीको बखत, ग्राहक र स्टाफको सुरक्षा निश्चित गर्न हाम्रा डेलिभरी कर्मचारीहरूको स्वस्थ को निरन्तर जाँच गरिरहेको छौँ र ग्राहकलाई सबैभन्दा राम्रो ग्राहक अनुभव दिलाउन तालिम पनि निरन्तर दिइरहेका छौँ ।'

कार्यक्रममा मुख्य ग्राहक अधिकारी सम्झना सुवेदीले भनिन्, 'हामी ग्राहकका मागहरू पूरा गर्न ११:११ को लागि २ सयभन्दा बढी कस्टमर केर एजेन्टहरू राखेका छौँ । हामीले हाम्रो ११:११ को लागि हाम्रो काम गर्ने समय अवधि पनि बढाएका छौँ ।'

प्रकाशित मिति: शनिबार, कात्तिक २२, २०७७ १९:३४