के छ यी चार फाइनान्स कम्पनीकाे वित्तीय स्थिति ?

A+ A A-

गुह्येश्वरी, आईसीएफसी, मञ्जुश्री, रिलायन्स र युनाइटेड फाइनान्सले चालू आर्थिक वर्षको तेस्रो त्रयमासको वित्तीय विवरण सार्वजनिक गरेका छन् | विवरणअनुसार एउटाको खुद नाफा घटेको छ भने चारवटाको नाफामा ५५ प्रतिशतसम्म वृद्धि देखिएको छ | पाँचमध्ये एउटा फाइनान्समा भारतको लगानी आएको छ | ५ वटै फाइनान्सको अवस्था विश्लेषण गरिएको छ |

गुह्येश्वरी फाइनान्स : अन्य सञ्चालन आम्दानीमा वृद्धि

गुह्येश्वरी फाइनान्सले चालू आवको तेस्रो त्रयमासमा ५ करोड ३१ लाख रुपैयाँ खुद नाफा गरी प्रतिसेयर आम्दानी ८ रुपैयाँ ८५ पैसा कायम गरेको छ । खुद नाफा अघिल्लो वर्ष यही अवधिको तुलनामा यस वर्ष ४० प्रतिशतले बढेको छ ।

३६ करोड २३ लाख रुपैयाँ ब्याज आम्दानी र २४ करोड ५१ लाख रुपैयाँ ब्याज खर्चपछि ११ करोड ७१ लाख रुपैयाँ खुद ब्याज आम्दानी गरेको छ । खुद ब्याज आम्दानी १८ प्रतिशतले बढेको छ । शुल्क, कमिसन र अन्य सञ्चालन आम्दानीसमेत गरी १४ करोड ११ लाख रुपैयाँ आम्दानी गरेको छ । कुल सञ्चालन आम्दानी २० प्रतिशतले बढेको छ ।

कर्मचारी, सञ्चालन खर्च, नोक्सानी व्यवस्था, गैरसञ्चालन आम्दानी, नोक्सानी व्यवस्थाबाट फिर्तापछिको सञ्चालन आम्दानी ८ करोड ३४ लाख रुपैयाँ छ । सञ्चालन आम्दानी ३९ प्रतिशतले बढेको छ । अन्य सञ्चालन आम्दानीमा आएको वृद्धिले खुद आम्दानीमा वृद्धि आएको छ ।

कम्पनीको चुक्ता पुँजी करिब ८० करोड १ लाख, निक्षेप ३ अर्ब ४० करोड रुपैयाँ र कर्जा लगानी ३ अर्ब ६ करोड रुपैयाँ छ ।

पुँजीकोष २५.८२ प्रतिशत, खराब कर्जा ०.७६ प्रतिशत, कोषको लागत १०.१३ प्रतिशत, कर्जा निक्षेप अनुपात ७० प्रतिशत, ब्याज अन्तर ४.९८ प्रतिशत, आधार दर १२.४३, प्रतिसेयर आम्दानी ८ रुपैयाँ ८५ पैसा (वार्षिकीकरण गरिएको) र प्रतिसेयर नेटवर्थ १२२ रुपैयाँ छ ।

आईसीएफसी फाइनान्स : अन्य सञ्चालन र खुद ब्याज आम्दानीमा वृद्धि

आईसीएफसी फाइनान्सले चालू आवको तेस्रो त्रयमासमा ९ करोड ५५ लाख रुपैयाँ खुद नाफा गरी प्रतिसेयर आम्दानी १४ रुपैयाँ ४४ पैसा कायम गरेको छ । खुद नाफा अघिल्लो वर्ष यही अवधिको तुलनामा यस वर्ष १८ प्रतिशतले बढेको छ ।

९० करोड ४२ लाख रुपैयाँ ब्याज आम्दानी र ६५ करोड ४२ लाख रुपैयाँ ब्याज खर्चपछि २५ करोड रुपैयाँ खुद ब्याज आम्दानी गरेको छ । खुद ब्याज आम्दानी ३३ प्रतिशतले बढेको छ । शुल्क, कमिसन र अन्य सञ्चालन आम्दानीसमेत गरी ३१ करोड ४४ लाख रुपैयाँ आम्दानी गरेको छ । कुल सञ्चालन आम्दानी ३८ प्रतिशतले बढेको छ ।

कर्मचारी, सञ्चालन खर्च, नोक्सानी व्यवस्था, गैरसञ्चालन आम्दानी, नोक्सानी व्यवस्थाबाट फिर्तापछिको सञ्चालन आम्दानी १४ करोड ९९ लाख रुपैयाँ छ । सञ्चालन आम्दानी १८ प्रतिशतले बढेको छ । अन्य सञ्चालन आम्दानी र खुद ब्याज आम्दानीमा आएको वृद्धिले खुद आम्दानीमा वृद्धि भएको छ ।

कम्पनीको चुक्ता पुँजी करिब ८८ करोड २१ लाख, निक्षेप ९ अर्ब ८५ करोड रुपैयाँ र कर्जा लगानी ८ अर्ब ३ करोड रुपैयाँ छ ।

पुँजीकोष १२.२१ प्रतिशत, खराब कर्जा ०.२८ प्रतिशत, कोषको लागत ९.१५ प्रतिशत, कर्जा निक्षेप अनुपात ७३ प्रतिशत, ब्याज अन्तर ४.६० प्रतिशत, आधार दर ११.२५, प्रतिसेयर आम्दानी १४ रुपैयाँ ४४ पैसा (वार्षिकीकरण गरिएको) र प्रतिसेयर नेटवर्थ १३४ रुपैयाँ छ ।

मञ्जुश्री फाइनान्स : नोक्सानी व्यवस्थाका कारण आम्दानी घट्यो

चालू आवको तेस्रो त्रयमासमा ४ करोड ३ लाख रुपैयाँ खुद नाफा गरी प्रतिसेयर आम्दानी ६ रुपैयाँ ६९ पैसा कायम गरेको छ । खुद नाफा अघिल्लो वर्ष यही अवधिको तुलनामा यस वर्ष २६ प्रतिशतले घटेको छ ।

६८ करोड १९ लाख रुपैयाँ ब्याज आम्दानी र ४९ करोड २५ लाख रुपैयाँ ब्याज खर्चपछि १८ करोड ९४ लाख रुपैयाँ खुद ब्याज आम्दानी गरेको छ । खुद ब्याज आम्दानी ६३ प्रतिशतले बढेको छ । शुल्क, कमिसन र अन्य सञ्चालन आम्दानीसमेत गरी २१ करोड ७४ लाख रुपैयाँ आम्दानी गरेको छ । कुल सञ्चालन आम्दानी ५० प्रतिशतले बढेको छ ।

कर्मचारी, सञ्चालन खर्च, नोक्सानी व्यवस्था, गैरसञ्चालन आम्दानी, नोक्सानी व्यवस्थाबाट फिर्तापछिको सञ्चालन आम्दानी ६ करोड ३४ लाख रुपैयाँ छ । सञ्चालन आम्दानी २६ प्रतिशतले घटेको छ । नोक्सानी व्यवस्थामा अधिक रकम राख्नुपरेकाले आम्दानी घटेको छ |

कम्पनीको चुक्ता पुँजी ८० करोड ४ लाख, निक्षेप ६ अर्ब ५४ करोड रुपैयाँ र कर्जा लगानी ५ अर्ब ८४ करोड रुपैयाँ छ ।

पुँजीकोष १४.५६ प्रतिशत, खराब कर्जा २.९६ प्रतिशत, कोषको लागत ९.८६ प्रतिशत, कर्जा निक्षेप अनुपात ७८ प्रतिशत, ब्याज अन्तर ४.८९ प्रतिशत, आधार दर ११.०५, प्रतिसेयर आम्दानी ६ रुपैयाँ ६९ पैसा (वार्षिकीकरण गरिएको) र प्रतिसेयर नेटवर्थ ११८ रुपैयाँ छ ।

रिलायन्स फाइनान्स : नोक्सानी व्यवस्थामा अधिक रकमपछि पनि नाफा अधिक

रिलायन्स फाइनान्सले चालू आवको तेस्रो त्रयमासमा २ करोड ७१ लाख रुपैयाँ खुद नाफा गरी प्रतिसेयर आम्दानी ३ रुपैयाँ ६५ पैसा कायम गरेको छ । खुद नाफा अघिल्लो वर्ष यही अवधिको तुलनामा यस वर्ष ५५ प्रतिशतले बढेको छ ।

४० करोड ५१ लाख रुपैयाँ ब्याज आम्दानी र २६ करोड ९८ लाख रुपैयाँ ब्याज खर्चपछि १३ करोड ५२ लाख रुपैयाँ खुद ब्याज आम्दानी गरेको छ । खुद ब्याज आम्दानी ३३ प्रतिशतले बढेको छ ।

शुल्क, कमिसन र अन्य सञ्चालन आम्दानीसमेत गरी १५ करोड ५२ लाख रुपैयाँ आम्दानी गरेको छ । कुल सञ्चालन आम्दानी ३० प्रतिशतले बढेको छ ।

कर्मचारी, सञ्चालन खर्च, नोक्सानी व्यवस्था, गैरसञ्चालन आम्दानी, नोक्सानी व्यवस्थाबाट फिर्तापछिको सञ्चालन आम्दानी ४ करोड २६ लाख रुपैयाँ छ । नोक्सानी व्यवस्थामा अधिक रकम राख्दा पनि सञ्चालन आम्दानी ५५ प्रतिशतले बढेको छ ।

कम्पनीको चुक्ता पुँजी करिब ७४ करोड ३२ लाख, निक्षेप ३ अर्ब ८१ करोड रुपैयाँ र कर्जा लगानी ३ अर्ब ४६ करोड रुपैयाँ छ ।

पुँजीकोष २५.११ प्रतिशत, खराब कर्जा ३.४३६ प्रतिशत, कोषको लागत ९.८४ प्रतिशत, कर्जा निक्षेप अनुपात ७३ प्रतिशत, आधार दर १२.४८, प्रतिसेयर आम्दानी ३ रुपैयाँ ६५ पैसा (वार्षिकीकरण गरिएको) र प्रतिसेयर नेटवर्थ १३४ रुपैयाँ छ ।

युनाइटेड फाइनान्स : भारतको मुथुत फाइनान्सको आगमन

युनाइटेड फाइनान्सले चालू आवको तेस्रो त्रयमासमा ५ करोड १२ लाख रुपैयाँ खुद नाफा गरी प्रतिसेयर आम्दानी ६ रुपैयाँ ७६ पैसा कायम गरेको छ । खुद नाफा अघिल्लो वर्ष यही अवधिको तुलनामा यस वर्ष करिब १ प्रतिशतले बढेको छ ।

६२ करोड ९५ लाख रुपैयाँ ब्याज आम्दानी र ४२ करोड ३२ लाख रुपैयाँ ब्याज खर्चपछि २० करोड ६३ लाख रुपैयाँ खुद ब्याज आम्दानी गरेको छ । खुद ब्याज आम्दानी २९ प्रतिशतले बढेको छ ।

शुल्क, कमिसन र अन्य सञ्चालन आम्दानी समेत गरी २४ करोड २६ लाख रुपैयाँ आम्दानी गरेको छ । कुल सञ्चालन आम्दानी २३ प्रतिशतले बढेको छ ।

कर्मचारी, सञ्चालन खर्च, नोक्सानी व्यवस्था, गैरसञ्चालन आम्दानी, नोक्सानी व्यवस्थाबाट फिर्तापछिको सञ्चालन आम्दानी ८ करोड ५ लाख रुपैयाँ छ । नोक्सानी व्यवस्थामा अधिक रकम राख्नु परेकाले सञ्चालन आम्दानी नगन्य प्रतिशत बढेको छ ।

कम्पनीमा भारतको मुथुत फाइनान्सले २० प्रतिशत लगानी गरेको छ |

कम्पनीको चुक्ता पुँजी १ अर्ब १ करोड, निक्षेप ६ अर्ब २६ करोड रुपैयाँ र कर्जा लगानी ५ अर्ब ५२ करोड रुपैयाँ छ ।

पुँजीकोष २१.९९ प्रतिशत, खराब कर्जा १.१८ प्रतिशत, कोषको लागत ९.८२ प्रतिशत, कर्जा निक्षेप अनुपात ७७ प्रतिशत, आधार दर १२.३८, प्रतिसेयर आम्दानी ६ रुपैयाँ ७६ पैसा (वार्षिकीकरण गरिएको) र प्रतिसेयर नेटवर्थ १४१ रुपैयाँ छ ।

प्रकाशित मिति: सोमबार, वैशाख १६, २०७६ ०३:५१