सिद्धार्थ बैंक : न्यून ब्याज अन्तर, अधिक नाफा

A+ A A-

सिद्धार्थ बैंकले चालू आर्थिक वर्षको तेस्रो त्रयमासमा १ अर्ब ४५ करोड रुपैयाँ खुद नाफा गरी प्रतिसेयर आम्दानी करिब २५ रुपैयाँ कायम गरेको छ । खुद नाफा अघिल्लो वर्ष यही अवधिको तुलनामा यस वर्ष झन्डै ६१ प्रतिशतले बढेको छ ।

९ अर्ब ३७ करोड रुपैयाँ ब्याज आम्दानी र ५ अर्ब ९६ करोड रुपैयाँ ब्याज खर्चपछि ३ अर्ब ४० करोड रुपैयाँ खुद ब्याज आम्दानी गरेको छ । खुद ब्याज आम्दानी ४४ प्रतिशतले बढेको छ । शुल्क र कमिसनबाट ६० करोड रुपैयाँ आम्दानी गरेको छ । यस्तो आम्दानी ३६ प्रतिशतले बढेको छ । खुद ब्याज, शुल्क, कमिसन र अन्य आम्दानीसमेत गरी ४ अर्ब १ करोड रुपैयाँ कुल सञ्चालन आम्दानी गरेको छ । कुल सञ्चालन आम्दानी ४२ प्रतिशतले बढेको छ ।

कर्मचारी, सञ्चालन खर्च र अन्य व्यवस्थापछिको सञ्चालन आम्दानी २ अर्ब २६ करोड रुपैयाँ छ । यस्तो आम्दानी करिब १५ प्रतिशतले बढेको छ ।

बैंकले बाँड्न सक्ने खुद नाफा रकम करिब ९० करोड रुपैयाँ छ । तेस्रो त्रयमासलाई आधार मान्दा कुल वितरणयोग्य रकम १ अर्ब २० करोड हुने अनुमान गर्न सकिन्छ । बैंकको चुक्ता पुँजी ८ अर्ब ८८ करोडलाई आधार मान्दा १३ प्रतिशत हुन आउँछ ।

बैंकको सञ्चित नाफा रकम १ अर्ब ५० करोड रुपैयाँ र अन्य जगेडा रकम (वैधानिक जगेडा, अन्य जगेडा र विभिन्न समायोजन कोष लगायत) ४ अर्ब ९ करोड रुपैयाँ छ । यो रकम भने बाँडफाँटका लागि उपलब्ध हुने छैन । सेयरधनीको कोष १४ अर्ब ४६ करोड रुपैयाँ पुगेको छ । यस्तो कोष गत असारको तुलनामा ५ प्रतिशत बढेको छ ।

बैंकको चुक्ता पुँजी ८ अर्ब ८८ करोड, निक्षेप १ खर्ब ५ अर्ब रुपैयाँ र कर्जा लगानी १ खर्ब १ अर्ब रुपैयाँ छ । गत असारमा निक्षेप ९४ अर्ब थियो ।

पुँजीकोष अनुपात १२.३७ प्रतिशत, खराब कर्जा १.३६ प्रतिशत, कोषको लागत ७.४९ प्रतिशत, कर्जा निक्षेप अनुपात ७९ प्रतिशत, आधार दर १०.३७ प्रतिशत र ब्याज अन्तर ३.६८ प्रतिशत छ ।