यस्ताे आयो सिटी एक्सप्रेस र वर्ल्ड मर्चेन्टकाे वित्तीय विवरण

A+ A A-

सिटी एक्सप्रेस फाइनान्स (साविक कुँवेर मर्चेन्ट बैंकिङ एन्ड फाइनान्स) र वर्ल्ड मर्चेन्ट बैंकिङ एन्ड फाइनान्सले आर्थिक वर्ष २०७५/७६ को तेस्रो त्रैमासिक वित्तीय विवरण सार्वजनिक गरेका छन् । वित्तीय स्थिति राम्रो नरहेका यी दुई फाइनान्सको पछिल्लो अवस्थाको संक्षिप्त समीक्षा गरिएको छ ।

सिटी एक्सप्रेसको स्थिति

सिटी एक्सप्रेसले यस वर्षको चैत मसान्तसम्म ९४ लाख ९५ हजार खुद नाफा गरी वार्षिक प्रतिसेयर आम्दानी ३ रुपैयाँ १६ पैसा कायम गरेको छ ।

१ करोड २४ लाख रुपैयाँ ब्याज आम्दानी र १ कराेड २७ लाख २६ हजार रुपैयाँ ब्याज खर्चपछि ९६ लाख ९७ हजार खुद ब्याज आम्दानी गरेको छ ।

त्यस्तै, फी, कमिसन र अन्य सञ्चालनसमेत गरेर १ करोड १६ लाख रुपैयाँ कुल सञ्चालन आम्दानी गरेको छ । कुल आम्दानीले कर्मचारी र सञ्चालन खर्चसमेत धान्न सकेको छैन ।

कर्मचारी, सञ्चालन खर्च र नोक्सानी व्यवस्थापछिको सञ्चालन घाटा २ करोड ५१ लाख रुपैयाँ छ । गैरसञ्चालन आम्दानी र नोक्सानी व्यवस्था फिर्ताबाट भएको रकमले खुद नाफा देखिएको छ ।

समस्याग्रस्तबाट मुक्त भएपछि नाम परिवर्तन गरी फाइनान्स सञ्चालनमा रहेको छ । कम्पनीको खुद सम्पत्ति (नेटवर्थ) १८ करोड ७१ लाख रुपैयाँले ऋणात्मक छ । पुरानो कर्जा असुली गर्दै थप व्यवसाय विस्तारको प्रक्रियामा रहेको देखिन्छ ।

राष्ट्रियस्तरको फाइनान्स कम्पनीलाई ९० करोड पुँजी तोकिए पनि सिटीले पुँजी पुर्याएको छैन । मस्याग्रस्तलाई बैंक तथा वित्तीय संस्थालाई केन्द्रीय बैंकले कृपावधि (ग्रेस पिरियड) दिएको छ ।

फाइनान्सको चुक्ता पुँजी ४० करोड २१ लाख रुपैयाँ, निक्षेप १० करोड ६५ लाख रुपैयाँ र कर्जा लगानी १५ करोड ९२ लाख रुपैयाँ छ । खराब कर्जा ९.५८ प्रतिशत छ ।

वर्ल्ड मर्चेन्टको स्थिति

वर्ल्ड मर्चेन्टले यस वर्षको चैत मसान्तसम्म ६३ लाख ७३ हजार खुद नाफा आर्जन गरी वार्षिक प्रतिसेयर आम्दानी ३ रुपैयाँ ५० पैसा कायम गरेको छ ।

७२ लाख ९३ हजार रुपैयाँ ब्याज आम्दानी र ११ लाख २० हजार रुपैयाँ ब्याज खर्चपछि ६१ लाख ७३ हजार खुद ब्याज आम्दानी गरेको छ ।

त्यस्तै, फी, कमिसन र अन्य सञ्चालनसमेत गरेर ६१ लाख ९७ हजार रुपैयाँ कुल सञ्चालन आम्दानी गरेको छ । कुल आम्दानीले कर्मचारी र सञ्चालन खर्चसमेत धान्न सकेको छैन ।

कर्मचारी, सञ्चालन खर्च र नोक्सानी व्यवस्थापछिको सञ्चालन घाटा २ करोड ६५ लाख रुपैयाँ छ । गैरसञ्चालन आम्दानी र नोक्सानी व्यवस्था फिर्ताबाट भएको रकमले खुद नाफा देखिएको छ ।

समस्याग्रस्त अवस्थामा रहेको हुँदा निक्षेप लिन र कर्जा प्रवाह गर्न रोक लागेको छ । कम्पनीको खुद सम्पत्ति (नेटवर्थ) २२ करोड ६८ लाख रुपैयाँले ऋणात्मक छ ।

राष्ट्रियस्तरको फाइनान्स कम्पनीलाई ८० करोड पुँजी तोकिए पनि वर्ल्ड मर्चेन्टले पुँजी पुर्याएको छैन । समस्याग्रस्तलाई बैंक तथा वित्तीय संस्थालाई केन्द्रीय बैंकले कृपावधि (ग्रेस पिरियड) दिएको छ ।

फाइनान्सको चुक्ता पुँजी २६ करोड ५६ लाख रुपैयाँ छ । अन्य सूचकहमा खराब कर्जा शतप्रतिशत छ ।

प्रकाशित मिति: बिहीबार, वैशाख १२, २०७६ ०४:४४