नेसनल र एनएमबी लघुवित्तकाे नाफाः ५० प्रतिशत लाभांश दिन सक्ने

A+ A A-

नेसनल माइक्रोफाइनान्स र एनएमबी लघुवित्तले आव २०७५/७६ को तेस्रो त्रैमासिक वित्तीय विवरण सार्वजनिक गरेका छन् । प्रकाशित वित्तीय विवरणअनुसार लघुवित्तको खुद आम्दानी अघिल्लो वर्षको यही अवधिको तुलनामा ५० प्रतिशतले बढेको छ ।

एनएमबी लघुवित्तको स्थिति

नेसनल माइक्रोफाइनान्सले यस वर्षको चैत मसान्तसम्म ३ करोड ३२ लाख रुपैयाँ खुद नाफा गरेर प्रतिसेयर वार्षिक आम्दानी २७ रुपैयाँ ३९ पैसा कायम गरेको छ । ३३ करोड ४८ लाख रुपैयाँ ब्याज आम्दानी र १९ करोड १७ लाख रुपैयाँ ब्याज खर्चपछि १४ करोड ३० लाख रुपैयाँ खुद ब्याज आम्दानी गरेको छ ।

त्यस्तै, अन्य सञ्चालन आम्दानी ६ करोड ७३ लाख रुपैयाँसमेत गरी २१ करोड ४ लाख रुपैयाँ कुल सञ्चालन आम्दानी गरेको छ ।

कर्मचारी र कार्यालय सञ्चालन खर्चपछिको सञ्चालन आम्दानी ६ करोड ८१ लाख रुपैयाँ छ ।

ब्याज आम्दानी २३ र ब्याज खर्च २७ प्रतिशत वृद्धि भए पनि खुद ब्याज आम्दानी २० प्रतिशतले वृद्धि भएको छ । त्यस्तै, अन्य सञ्चालन आम्दानी ४५ प्रतिशतले वृद्धि भएको छ ।

कार्यालय सञ्चालन खर्च ३० प्रतिशत र कर्मचारी खर्च ३४ प्रतिशतले खर्च बढे पनि ५२ प्रतिशत खुद नाफा वृद्धि भएको छ | खुद आम्दानी वृद्धिमा ब्याज र अन्य सञ्चालन आम्दानीमा आएको वृद्धिलाई कारण मान्न सकिन्छ ।

आगामी वर्ष २० प्रतिशतसम्म नाफा दिन सक्ने हैसियत बनाएको देख्न सकिन्छ ।

कम्पनीको चुक्ता पुँजी १६ करोड २० रुपैयाँ, सापट १ अर्ब ८७ करोड, सदस्यको बचत ९६ करोड र कर्जा लगानी २ अर्ब ७९ करोड रुपैयाँ छ ।

खराब कर्जा २.४५ प्रतिशत र कोषको लागत ९.८१ प्रतिशत छ ।

नेसनल माइक्रोफाइनान्सको स्थिति

नेसनल माइक्रोफाइनान्सले यस वर्षको चैत मसान्तसम्म ९ करोड २७ लाख रुपैयाँ खुद नाफा गरेर प्रतिसेयर वार्षिक आम्दानी ८१ रुपैयाँ ९४ पैसा कायम गरेको छ ।

३७ करोड ७६ लाख रुपैयाँ ब्याज आम्दानी र १९ करोड ३८ लाख रुपैयाँ ब्याज खर्चपछि १८ करोड ३८ लाख रुपैयाँ खुद ब्याज आम्दानी गरेको छ ।

त्यस्तै, अन्य सञ्चालन आम्दानी ८ करोड २७ लाख रुपैयाँसमेत गरी २६ करोड ६६ लाख रुपैयाँ कुल सञ्चालन आम्दानी गरेको छ ।

कर्मचारी र कार्यालय सञ्चालन खर्चपछिको सञ्चालन आम्दानी १७ करोड ५९ लाख रुपैयाँ छ ।

ब्याज आम्दानी ४८ र ब्याज खर्च ४५ प्रतिशत वृद्धि भए पनि खुद ब्याज आम्दानी ५२ प्रतिशतले वृद्धि भएको छ । त्यस्तै, अन्य सञ्चालन आम्दानी ५० प्रतिशतले वृद्धि भएको छ ।

कर्मचारी खर्च २३ प्रतिशत र कार्यालय सञ्चालन खर्च ६७ प्रतिशत वृद्धि भएको छ । कर्मचारी र सञ्चालन खर्चमा वृद्धि आए पनि खुद आम्दानी ५४ प्रतिशतले वृद्धि भएको छ ।

चालू वर्षको आम्दानीबाट ५० प्रतिशतभन्दा बढी लाभांश दिन सक्ने हैसियत बनाएको देख्न सकिन्छ ।

कम्पनीको चुक्ता पुँजी १५ करोड ८ लाख रुपैयाँ, सापट २ अर्ब १३ करोड, सदस्यको बचत १ अर्ब १२ करोड र कर्जा लगानी ३ अर्ब ४७ करोड रुपैयाँ छ ।

खराब कर्जा १.५७ प्रतिशत र कोषको लागत ८.१९ प्रतिशत छ ।

प्रकाशित मिति: बुधबार, वैशाख ११, २०७६ २१:२२