बहुप्रतिक्षित टाटा अल्ट्रोज प्रिमियम ह्याचब्याक अब नेपालमा

A+ A A-

बहुप्रतिक्षित तथा चर्चित प्रिमियम ह्याचब्याक टाटा अल्ट्रोजको डिजिटल प्रबिधि मार्फत नेपालका लागि टाटा मोटर्सको एकमात्र आधिकारिक वितरक सिप्रदी ट्रेडिङ्ग प्रालिले आजदेखि नेपाली बजारमा सार्वजनिक गरेको छ ।

प्रिमियम ह्याचब्याक सेग्मेन्टको रुपमा यसैबर्ष भारतमा सार्वजनिक भएदेखि नै टाटा अल्ट्रोजले सकारात्मक प्रतिकृया पाइरहेको छ ।
सिप्रदी ट्रेडिङ्ग प्रालिले टाटा अल्ट्रोजको मुल्य २९ लाख ९९ हजार रुपैयाँ तोकेको छ ।

साथै सिप्रदीले आजदेखि नेपालभरीका सबै डिलरहरुमार्फत प्रिमियम ह्याचब्याक अल्ट्रोज गाडीको बुकिङ्ग पनि खुल्ला गरेको छ ।

टाटा अल्ट्रोज अल्फा (एजाइल, लाइट, फ्लेक्जिबल र एडभान्स) आर्किटेक्चरमा बनेको पहिलो र एकमात्र गाडी हो । यसमा स्ट्राइकिङ्ग डिजाइन, वाइड एरे अफ इण्डष्ट्रिज – फस्ट, ग्लोबल एनक्यापमा फाईभ स्टार सेफ्टी रेटिङ्ग, गोल्ड स्ट्यान्डर्ड सेफ्टी, ड्राइभिङ्ग डाइनामिक्स र उत्कृष्ट प्रबिधि रहेका छन् ।

कार्यक्रममा बोल्दै टाटा मोटर्सका प्यासेन्जर भेहिकल इन्टरनेश्नल बिजनेस हेड सुजन रोयले मोटिभ इण्डष्ट्रिजमा गोल्ड स्ट्यान्डर्ड स्थापित गर्दैे प्यासेन्जर गाडीको नेपालमा नयाँ अध्यायको सुरुवात गरेको बताए ।

अबका दिनमा अझै सोरुमहरुको बिस्तार गरी नेपालमा नयाँ प्रोडक्ट पोर्टफोलियो बिस्तार गरिने र नयाँ प्रोडक्ट पोर्टफोलियो सार्वजनिक गर्दै जाने उनको भनाइ थियो ।

यस्तै, सिप्रदी ट्रेडिङ्ग प्रालिका प्रमूख कार्यकारी अधिकृत राजनबाबु श्रेष्ठले नेपाली बजारमा प्रिमियम क्लास ह्याचब्याक अल्ट्रोज गाडी सार्वजनिक गर्न पाउँदा खुशी लागेको बताए ।

यस गाडी विविध किसिमका सुविधा र विशेषताहरुले भरिपुर्ण यसमा जडित १.२ लिटरको रेभोट्रन इन्जिनले ८६ पी.एस पावर र ११३ एनएम टर्क प्रदान गर्दछ ।

यसमा रहेको मल्टि ड्राइभ (सिटि र इको) मोडले स्पोर्टी ड्राइभिङ्ग डाइनामिक्स र इन्धन खपतको प्रभावकारीतालाई सन्तुलन कायम गर्दछ ।
साथै यस सेग्मेन्टमै उत्कृष्ट लेग स्पेस रहेको गाडीको भित्रि डिजाइन खुल्ला र फराकिलो रहेको छ ।

यस ह्याचब्याक टप नच फिट, अत्यन्तै उत्कृष्ट र उच्च गुणस्तरीय सामाग्रीबाट बनेको टाटा मोटर्सले जनाएको छ । आइडल स्टपरस्टार्ट बटन, क्रुज कन्ट्रोल, अटोमेटिक क्लाइमेट कन्ट्रोल एसि, एम्बिन्ट मुड लाइटिङ्ग, ९० डिग्रि डोर ओपनिङ्ग, अटो हेडल्याम्प, रेन सेन्सिङ्ग वाइपर र हिडन डोर्स ह्यान्डल लगाएतका अति उत्कृष्ट बिशेषताहरु रहेका छन् ।

प्यासेन्जरको सुरक्षाका लागि यस गाडीको सबै भेरिएन्टमा ए.बि.एस, इ.बि.डि, सि.एस.सि र डुवल एअरब्यागहरु रहेका छन् ।

प्रकाशित मिति: शुक्रबार, असोज २, २०७७ १५:१९