हुन्डाई फेस्टिभ डिलाइट २०७६ : नागेश्वरले जिते भेन्यु एस, शालिकरामलाई स्यान्ट्राे म्याग्ना कार

हुन्डाई फेस्टिभ डिलाइट २०७६ : नागेश्वरले जिते भेन्यु एस, शालिकरामलाई स्यान्ट्राे म्याग्ना कार

A+ A A-

फेस्टिभ डिलाइट २०७६ का बम्पर विजेतामा नागेश्वरप्रसाद शाह (कुपन नं.१२७२) र शालिकराम अधिकारी (कुपन नं. ३२९) घाेषित भएका छन् । जसअनुसार शाहले भेन्यु एस तथा स्यान्ट्रो म्याग्ना कार पुरस्कार प्राप्त गरेका छन् ।

हुन्डाई माेटर्सकाे नेपालका लागि एक मात्र आधिकारिक विक्रेता लक्ष्मी इन्टरकन्टिनेन्टल प्रालिले लक्की ड्रमार्फत फेस्टिभ डिलाइट २०७६ का बम्पर विजेताहरूकाे घाेषणा गरी पुरस्कार हस्तान्तरण गरेकाे हाे ।

लक्की ड्रका विजेताहरूको छनाेट २९ जून २०२० मा हिमालय टेलिभिजनले प्रत्यक्ष प्रसारण गरेको थियो ।

त्यस्तै, दुबई भ्रमण जित्ने १० भाग्यशाली विजेताहरूको छनाेट कार्यक्रमकी मुख्य अतिथि कञ्जुमर आई नेपालकी अध्यक्ष श्रीमती बिमला खनालले गरिन् ।

कम्पनीका अनुसार दुबई भ्रमण अवसरका १० विजेताहरूमा भरत सिंह पौडेल (कुपन नं. ३९७), चन्द्रमणि पौडेल (कुपन नं. २७५), श्रीजेश घिमिरे (कुपन नं. ९९६), महेश्वर लाल सिंह (कुपन नं. ९९९), कृष्णप्रकाश पौडेल शर्मा (कुपन नं. ९४४), राजु शाह (कुपन नं. ७६), दलबहादुर बिक(कुपन नं. ७४४), विजय अग्रवाल, गणेश हार्डवेर (कुपन नं. ७१६), एनआइसी एशिया बैंकका निर्भीक सापकोटा (कुपन नं. ११५८) रहेका छन् ।

त्यस्तै, खातु इन्टरनेसनल प्रालि. (कुपन नं. ३५) ले पनि दुबई भ्रमण जाने अवसर जितेकाे छ ।

हुण्डाई फेस्टिभ डिलाइट २०७६ अन्तर्गत हुन्डाईका भाग्यशाली खरिदकर्ताहरूले एक थान स्यान्ट्रो म्याग्ना, एक थान भेन्यु एस कार र १० जोडीलाई दुबई भ्रमणसहित स्क्राच कार्डमार्फत नगद छुटसमेत प्रदान गरिएकाे थियाे ।

पुरस्कार वितरण समाराेहमा लक्ष्मी समूहका अध्यक्ष गणेशबहादुर श्रेष्ठले सम्पूर्ण विजेतालाई बधाई दिँदै हुण्डाईलाई नेपालकै सर्वोत्कृष्ट ब्राण्ड बनाउन सहयोग गर्ने सबैलाई आभार व्यक्त गरे ।