प्राकृतिक स्रोतलाई ध्यानमा राखी विश्वविद्यालय स्थापना गरौं

A+ A A-

कृषि , जलविद्युत र पर्यटन क्षेत्रका लागि उपयुक्त जनशक्ति उत्पादन गर्न प्रदेशस्तरीय विश्वविद्यालय स्थापना हुनुपर्ने सहभागीहरुले सुझाव दिएका छन् ।

प्रदेश नं १ सामाजिक विकास मन्त्रालयद्धारा प्रदेश विश्व विद्याविद्यालय सम्भाव्यता अध्ययन कार्यदलद्धारा आज विराटनगरमा आयोजित प्रदेशस्तरीय विश्वविद्यालय सम्भाव्यता अध्ययन अन्तरक्रिया एवम् सुझाव संकलन कार्यक्रममा सरोकारवालाहरुले जल, जंगल र जमिनलाई आधार वनाएर विश्वविद्यालय स्थापनामा जोड दिएका छन् ।

सामाजिक विकास मन्त्री जीवन घिमिरेले स्वदेश तथा विश्व वजारमा आवश्यक पर्ने दक्ष जनशक्ति उत्पादन गर्ने सोचले प्राविधिक विश्वविद्यालय स्थापना गर्ने कार्य भैइरहेकोे वताउदै फूलहरुको आयात निरुत्साहित गर्नका लागि सो सम्वन्धि एउटा विश्वविद्यालय इलाममा स्थापना गर्न सुझाव आएको जानकारी दिए ।

उनले कृषि, पर्यटन,जनविद्युत जनशक्ति उत्पादन गरी प्रदेशलाई सम्पन्न वनाउनुका लागि रोजगारमूलक शिक्षा प्रदान गर्ने प्राविधिक विश्वविद्यालय स्थापना गर्नु आजको आवश्यक्ता रहेको वताए ।

सहभागीहरुले प्रदेशमा स्थापना हुने विश्वविद्यालय २१ औं शताव्दीको अवधारणा अनुसार जलविद्युत, खानी, भुगर्भ इन्जियरिङ ,कृषि, पर्यटन, सूचना प्रविधि , अनुसन्धानमूलक, विद्यार्थीहरुलाई स्वयमसेवक परिचालन , परम्परागत पेशाको संरक्षण गर्ने र प्रयोगात्मक शिक्षावाट अध्यापन हुनु पर्ने सुझाव दिएका छन् ।

यसैगरी विश्वविद्यालयको कुलपति उच्चस्तरको विज्ञहरुको समूहवाट नियुुक्त गरिनु पर्ने,राष्ट्रिय र सामुदायिक वन र जलविद्युत आयोजनावाट निश्चित रकम प्रदेश सरकारले उठाउनु पर्ने आदि सुझाव दिनु भएको छ ।

अध्ययन कार्यक्रमका संयोजक प्राडा. महेशराज दाहालको सभापतित्वमा भएको कार्यक्रममा प्रदेश सभाका सदस्यहरु जयराम यादव, विद्यानन्द चौधरी श्रीमती वसन्तीदेवी यादव श्रीमती गुलेफु खातुन, विन्दिया कार्की, नेपाल कम्यूनिष्ट पार्टी( नेकपा)का केन्द्रीय सदस्य गुरु वराल, निजी विद्यालयवाट दिपेश वास्तोला,विद्यार्थी संगठनवाट भाष्कर खनाल,पेशागत शिक्षक संगठनवाट लक्ष्मी श्रेठ, प्रदेश कर्मचारीवाट अशोक कालाखेती प्राध्यापकट उद्धव पोरेल र संञ्चारकर्मी सुदिप कोइरालाले समूहवाट सझाव दिए ।

यसअघि प्रदेशको १३ जिल्लामा सझाव संकलन गर्ने सम्पन्न भैसकेको छ ।

प्रकाशित मिति: शुक्रबार, माघ १८, २०७५ १७:५०