तत्काल खुल्ने सम्भावना छैन बाजुराका ग्रामीण सडक

A+ A A-

बाजुरा सदरमुकाम मार्तडीदेखि पूर्वोत्तर क्षेत्रका चार स्थानीय तहलाई जोड्ने मार्तडी-कोल्टी ४३ किलोमिटर सडक १९ वर्षदेखि निर्माणाधीन अवस्थामा छ । निर्माण नसकिँदा हुम्ला, मुगु र बाजुराको पूर्वोत्तर क्षेत्रका बूढीनन्दा नगरपालिका, स्वामीकार्तिक खापर, हिमाली र जगन्नाथ गाउँपालिका बासिन्दाले सास्ती ब्यहोर्नु परेको छ ।

तत्कालीन जिल्ला विकास समितिले निर्माण थालेको यो सडक १४ वर्षपछि ट्याक खोलिको थियो । तर, समयै बिग्रेको ठाउँमा मर्मम नगदाए यहाँका स्थानीयहरूले सास्ती ब्यहोर्नु परेको छ । सडक र अन्य कामका लागि समन्वय गर्नु पर्नेमा जिल्ला समन्वय समितिले यसबारे कुनै चासो दिएको छैन ।

‘यो सडकमा गाडी चलाएको चार वर्ष भयो तर बाटो कहिल्यै मर्मत भएन । मार्तडीबाट कोल्टी गाडी पुगायो भने गाडी ग्यारेजमा हालेर मर्मत गनुपर्ने बाध्यता छ । हामीहरूलाई यो सडकमा गाडी चलाउन निकै समस्या छ,’ जीप चालक अमर साउँदले भने ।

जिल्लाका अन्य ग्रामीण बस्ती जोड्ने सडक पनि वर्षाका कारण बाढीपहिरो गएपछि अवरुद्ध छन् । अहिले जिल्लाका सबै स्थानीय तहका सडक खुल्न हुन सकेका छैनन् । सडक सञ्चालन नहुँदा सबैभन्दा बढी बिरामी र सरकारी कामका लागि सदरमुकाम जानेलाई समस्या भइरहेको छ ।

बर्खा सकिँनै लाग्दा पनि स्थानीय तह भने अवरुद्ध सडक सञ्चालन गर्नमा चासो देखाइरहेका छैनन् । बूढीगंगा नगरापालिकाको ताप्रीसेरा-पुरानो गाबिस जोड्ने, गुईगाड-आटीचौर, फालासैन-टाँटे, बाम्क देखी साईल, डाब-खप्तड जोड्ने सडक, बाम्का-छतारा, खप्तड छेडेदह गाउँपालिकाकोटुनिसैन-पुणाबाब्ला, बेतालमामाण्डौदेखि डोगडी जोड्ने सडक, बडिमालिका नगरपालिकाको मार्तडी-घटमना, मार्तडी-रजाली, भैनेरा-पाटा सडक तत्काल खुल्ने सम्भावना छैन ।