‘एनआईसी एसिया क्वीज’ मा भाग लिई जित्नुहोस् स्मार्टफोन

A+ A A-

एनआईसी एशिया बैंकले ‘एनआईसी एसिया क्वीज’ योजना सार्वजनिक गरेको छ ।

बैंकका ग्राहक तथा अन्य व्यक्तिले एनआईसी एशियाको भाइबर कम्युनिटीमार्फत सोधिने प्रश्नको सही जवाफ दिई यस योजनामा सहभागी हुन सक्ने योजना बैंकले सार्वजनिक गरेको छ ।

योजनाअन्तर्गत २०७७ साल भदौ २५ देखि असोज १५ गतेसम्म हरेक २ दिनको अन्तरालमा सोधिने प्रश्नको सही उत्तर सहभागीले दिनुपर्नेछ ।

यसरी सोधिने प्रश्नमा दिइएका चारवटा विकल्पमध्येबाट सहभागीले आफ्नो सामान्य जानकारीसहित आफूलाई लागेको सही जवाफ दिनुपर्नेछ ।

यसरी सोधिएका प्रश्नमध्ये कुनै एक प्रश्नको मात्रै सही जवाफ दिँदा समेत सहभागी विजेता बन्न सक्ने र जति धेरै सही जवाफ दिइन्छ, त्यति नै धेरै पुरस्कार जित्ने सम्भावना बलियो हुनेसमेत व्यवस्था गरिएको बैंकले जनाएको छ ।

बैंकले उक्त योजनाको समयावधि समाप्त भएको एक हप्तामा विजेता घोषणा गर्नेछ भने बहुसंख्यक सहभागीबाट सही उत्तर आएमा गोलाप्रथाबाट विजेता छनोट गर्ने व्यवस्था गरेको छ ।

यस योजनामा सहभागी भई सही जवाफ दिने एक जनालाई रिचार्जजरको तर्फबाट बम्पर पुरस्कारस्वरुप आकर्षक स्मार्टफोन प्रदान गरिने बैंकले जनाएको छ ।

त्यसैगरी, पाल्सोनिकको तर्फबाट ३२ इन्चको पालसोनिक टेलिभिजन, ब्रदरहुड इन्टरप्राइजेजका तर्फबाट भ्याकुम क्लिनर, इलेक्ट्रोनको तर्फबाट इलेक्ट्रोनिक ओभन टोस्टर तथा ग्रील र यसुडाको तर्फबाट इलेक्ट्रोनिक राइस कुकर १–१ जनालाई प्रदान गरिने बैंकले जनाएको छ ।

साथै, सम्पूर्ण प्रश्नहरूको सही जवाफ दिने ५ जना भाग्यशालीलाई एलजीको तर्फबाट आकर्षक उपहार र सान्त्वना पुरस्कारस्वरुप प्रत्येक प्रश्नमा ४ जनालाई ५ सय रुपैयाँबराबरको मोबाइल रिचार्ज सुविधा प्रदान गरिनेछ ।

भाइबर कम्युनिटीमा जोडिनका लागि सबैभन्दा पहिले भाइवर एप खोली सर्च बक्समा गई यस बैंकको नाम खोज्नुपर्ने हुन्छ ।

जसमार्फत यस बैंकको एनआईसी एसिया क्वीज योजनामा सहभागिता जनाउन सकिने, साथै बैंकका पछिल्ला योजना, छुट तथा सूचना, सेवा एवं सुविधाजस्ता गतिविधिका बारेमा पनि जानकारी प्राप्त गर्न सकिने व्यवस्था छ ।

बैंकको मुलुकभर ३ सय २६ शाखा कार्यालयहरू, ४ सय ६६ एटीएम, १ सय २ वटा एक्स्टेन्सन काउण्टर एवं ६४ वटा शाखा रहित बैंकिङमार्फत बैंकिङ सेवा प्रदान गर्ने मुलुककै सबैभन्दा ठूलो शाखा सञ्जाल हुन सफल भएको बैंकले जनाएको छ ।

प्रकाशित मिति: बुधबार, भदौ २४, २०७७ २२:२८