‘इन्टरपोल’को रेड नोटिसमा रमेश उप्रेतीदेखि बाजेको सेकुवाका चेतनाथ भण्डारीसम्म

‘इन्टरपोल’को रेड नोटिसमा रमेश उप्रेतीदेखि बाजेको सेकुवाका चेतनाथ भण्डारीसम्म

A+ A A-

अन्तर्राष्ट्रिय प्रहरी संगठन (इन्टरपोल) को ‘रेड नोटिस’ मा २७ र डिफ्युजन नोटिसमा ३३ जना नेपाली छन् । नेपाल प्रहरीको नेसनल सेन्ट्रल ब्युरो (एनसीबी) काठमाडौंको आग्रहमा उनीहरूविरूद्ध इन्टरपोलले नोटिस जारी गरेकाे हाे । सुन तस्करी, हत्या, अपहरण, बलात्कार, बैंकिङ कसुर, ठगी, लागूऔषध कारोबारलगायतका अपराधमा फरारविरुद्ध रेड नोटिस र डिफ्युजन नोटिस जारी गरिएको एनसीबीले जनाएकाे छ ।

यी हुन् रेड नोटिसमा परेका नेपाली
३३ किलो सुन तस्करीमा संलग्न रमेश उप्रेती, चेतनाथ भण्डारी, रोहित आचार्य र भोजराज भण्डारी छन् । त्यस्तै, ३३ किलो सुन तस्करीमा भारतीय नागरिक मोहनकुमार अग्रवाल र कृष्णगोपाल अग्रवालविरुद्ध पनि नेपाल प्रहरीको पहलमा रेड नोटिस जारी भएको छ ।

अन्य विभिन्न अपराधमा टुकबहादुर मगर, कृष्ण बस्नेत, महम्मद उस्तम मिया, गोविन्दप्रसाद तिवारी, केशव दर्लामी मगर, लालुप्रसाद यादव, होमबहादुर कार्की, पेमा शेर्पा र सालबहादुर गुरुङ छन् ।

त्यस्तै, आङवीर बोहरा, भक्तबहादुर लामा, भीमलाल शर्मा, भुपेन्द्र खड्का, विष्णुबहादुर लामा, फकिर रियाज, लालु अर्जुन, गुल्जार मियाँ, लालराज गौतम, ओकेन्द्रबहादुर सिंह, पवनकुमार कार्की, पशुपतिनाथ शुक्लाविरुद्ध रेड नोटिस जारी भएको छ । यस्तै, राहुल हल्दिया, रामबहादुर तामाङ, रामकुमार यादव र रुद्र आचार्यको नाम पनि रेड नोटिस छ ।

के हो इन्टरपोल नोटिस ?
इन्टरपोलले रेड, ब्लु, ग्रिन, एल्लो, ब्ल्याक, ओरेन्ज, पर्पल र इन्टरपोल स्पेशल नोटिस गरी आठ प्रकारका नोटिस जारी गर्छ । यस्ता नोटिस जारी गर्न एनसीबी काठमाडौंले इन्टरपोलको प्रधान कार्यालयलाई अनुरोध गर्नुपर्ने हुन्छ ।

एनसीबीले जुन व्यक्तिविरुद्ध नोटिस जारी गर्ने खोजेको हुन्छ, त्यसको अनुसन्धान इन्टरपोलले समेत गर्छ । यसका आधारमा उक्त व्याक्ति अभियुक्त ठहरिएको खण्डमा इन्टरपोलले नोटिस जारी गर्छ ।

इन्टपोलमार्फत जारी भएको नोटिसको सबै सदस्य राष्ट्रसँग सूचना आदान–प्रदान हुने गर्छ । अदालतबाट वारेन्ट जारी भएका फरार अभियुक्तका लागि रेड नोटिस जारी हुन्छ भने अनुसन्धानका लागि पक्राउ गर्नुपर्नेविरुद्ध डिफ्युजन नोटिस जारी हुन्छ ।

कुनै व्यक्ति हराएको भए त्यसको खोजीका लागि एल्लो नोटिस जारी गरिन्छ । इन्टरपोलमा १९२ राष्ट्र सदस्य छन् । नेपाल २००८ देखि इन्टरपोलको सदस्य राष्ट्र भएको हो ।