आजको शेयर बजार : सूचक, कित्ता, रकम सबैमा वृद्धि

A+ A A-

नयाँ वर्ष लागेसँगै शेयरबजारमा वृद्धि देखिन थालेको छ । ५ लाखभन्दा बढीको प्रति कारोबारमा स्थायी लेखा नम्बर (प्यान) लागे पनि आजको कारोबार रकम र सूचक दुबैमा तिब्र वृद्धि आएको छ । आर्थिक वर्ष २०७५/७६ को अन्तिम प्रहर शुरु भएको छ । तेस्रो त्रैमासिक वित्तीय प्रकाशन हुने सँघारमा आइपुगेको बेला बजारमा वृद्धि देखिएको छ ।

बैशाख महिना लागेपछि शेयरबजारमा वृद्धि आउनु स्वाभाविक पनि मानिन्छ । आर्थिक वर्ष सकिन ३ महिना मात्र बाँकी रहने र आगामी वर्षको लाभांश अनुमान गर्न सकिने बेला भएको हुँदा सोही अनुमानको आधारमा बजारमा किनबेच हुनुलाई सामान्य मान्नुपर्छ ।

आज शेयर कित्ता, कारोबार संख्या र सूचक सबैमा तिब्रता आएको छ ।

लगानीकर्ताको चाप भने वाणिज्य बैंक समुहमा नै बढी परेको कारोबार भएका शेयर संख्याले देखाएको छ ।आज कारोबारमा आएका सबै समूहको सूचक बढेको छ ।

मर्जरको हल्लाले लगातार मूल्य बढिरहेको नेपाल कम्युनिटी डेभलपमेन्ट बैंकको शेयर मूल्यआज बढ्दै अघिल्लो दिनको बन्द मूल्य १ सय ३५ रुपैयाँमा रोकिएको छ ।

माउन्टेन हाइड्रोको आज पनि कारोबार हुन सकेन । नेपाल स्टक एक्सचेन्जले पहिलो कारोबार दायरा तोके पनि स्पेशल प्रि-ओपन सेसनमा यसको कारोबार हुन् नसकेको हुँदा निरन्तर सत्रमा कारोबार हुन सकेन । कम्पनीलाइ ९३ रुपैयाँ ७५ पैसादेखि २ सय ८१ रुपैयाँ २५ पैसासम्मको दायरा दिएको थियो ।

माउन्टेन हाइड्रोले पाँचथर जिल्लाको हेवा खोलामा २२ मेगावाटको आयोजना निर्माणको अन्तिम चरणमा पुर्याएको छ । काबेली करिडोर प्रसारण लाइन नबन्दा आयोजनाले व्यापारिक उत्पादन गर्न ढिलाई भएको छ ।

आज कारोबार मापन गर्ने सूचक २३ दशमलव ३३ अंकले बढेको छ ।

आजको बजार संक्षेप

कारोबार रकम	७४,२७,१८,७५१
शेयर संख्या	२४,११,६५०
कारोबार संख्या	८,९७८
कम्पनी संख्या	१७०

समूहगत स्थिति (बढेको)

जीवन बीमा समुहको कारोबार मापन गर्ने सूचक सर्वाधिक बढेको छ । सूचकमा वृद्धि हुँदैमा वा घट्दैमा कमाएको वा गुमाएको भन्ने अर्थ लाग्दैन । आधार पूँजीकरण रकमको तुलनामा आजको दैनिक कारोबार रकम बढेको भन्ने जनाउँछ ।जीवन बीमा पछि निर्जीवन बीमा रहेको छ । अन्तिम लहरमा अन्य परेको छ । कमाउने कम्पनीको पहिलो स्थानमा श्री इन्भेष्टमेन्ट फाइनान्स (७.६७ प्रतिशत) र दशौं स्थानमा सहयोगी विकास बैंक (४.७६ प्रतिशत) रहेको छ । कमाउने कम्पनीको अतिम स्थानमा विजय लघुवित्त (०.१६ प्रतिशत) रहेको छ ।

समुह	सूचक	परिवर्तन (अंक)
जीवन बीमा	६०६०.४७	८०.१९
निर्जीवन बीमा	५,४९१.५९	४८.९२
लघुवित्त	१४७३.४१	३५.८०
वाणिज्य बैंक	१,०८७.४१	२९.४१
विकास बैंक	१५०३.८५	२०.०२
होटेल	१७६६.०१	१४.००
वित्त	६२६.८६	१०.७४
जलविद्युत	११३९.३१	५.८९
उत्पादन तथा प्रशोधन	१९९४.५६	२.४६
अन्य	७०३.३४	२.९३

समूहगत स्थिति (घटेको)

आज कुनै पनि समुहको कारोबार मापन सूचक घटेको छैन । गुमाउने कम्पनीको पहिलो स्थानमा युनिभर्सल पावर कम्पनी (३.२२ प्रतिशत) र दशौं स्थानमा राइरांग हाइड्रोपावर (१.०५प्रतिशत) रहेको छ । गुमाउने कम्पनीको अन्तिम स्थानमा नेरुड़े लघुवित्त (०.४२प्रतिशत) छ ।

कमाउने ५ कम्पनी

कम्पनी	अन्तिम मूल्य	प्रतिशत
श्री इन्भेष्टमेन्ट फाइनान्स	१४४	७.६७
सेन्ट्रल फाइनान्स	११४	६.५४
सामुदायिक लघुवित्त	६७६	५.९६
डिप्रोक्स लघुवित्त	६६५	५.५६
प्रभु बैंक	२६४	५.१८

गुमाउने ५ कम्पनी

कम्पनी	अन्तिम मूल्य	प्रतिशत
युनिभर्सल पावर	९०	-३.२२
एभरेष्ट इन्स्योरेन्स	१००१	-२.३४
समिट लघुवित्त	६३७	-२.३०
सिनर्जी पावर	१०३	-१.९०
हिमालय डिस्टिलरी	१,३६६	-१.७२

रकमका आधारमा ५ कम्पनी

कम्पनी	रकम	अन्तिम मूल्य
एनएमवी बैंक	६,७०,६०,५६८	३७७
एनआइसी एशिया बैंक	४,९८,२१,६३९	४९५
प्रभु बैंक	४,५८,७९,७०१	२६४
सिभिल बैंक	३,३२,९३,५५८	१६८
नेपाल बैंक	३,२४,९०,७१५	२९९

शेयर संख्याको आधारमा ५ कम्पनी

कम्पनी	शेयर कित्ता	अन्तिम मूल्य
सिभिल बैंक	२,०१,४४८	१६८
एनएमवि बैंक	१,८५,०३८	३७७
प्रभु बैंक	१,८०,९५०	२६४
नेपाल बैंक	१,०९,८९३	२९९
कुमारी बैंक	१,०८,९७०	२६०

कारोबार संख्याका आधारमा ५ कम्पनी

कम्पनी	कारोबार संख्या	अन्तिम मूल्य
एनएमवि बैंक	५२६	३७७
सिभिल बैंक	३८६	१६८
अपर तामाकोशी	३७८	२३०
एनआइसी एशिया बैंक	३६९	४९५
प्रभु बैंक	३६७	२६४

कर्पोरेट गतिविधि

माउन्टेन हाइड्रोका कार्यकारी अध्यक्ष सीताराम तिमिल्सिनाले कार्यकारी पद त्याग गरेका छन् । अब उनी अध्यक्ष मात्र रहनेछन् ।
माउन्टेन हाइड्रोले सतिश तिमिल्सिनालाइ कार्यकारी संचालक नियुक्त गरेको छ ।
मेगा बैंकले मेगा क्यापिटललाई शेयर रजिष्ट्रार नियुक्त गरेको छ । त्यस्तै, बैंक अफ काठमाडौंले पनि बिओके क्यापिटललाइ शेयर रजिष्ट्रार नियुक्त गरेको छ |
हिमालय उर्जा बिकासको शेयर बाँडफाँड भएको छ ।
युनाइटेड इन्स्योरेन्सले हकप्रद जारी गर्न अनुमति मागेको छ |
सिभिल बैंकले सातौं र आठौं वार्षिक साधारणसभा आव्हान गरेको छ । सभा प्रयोजनका लागि बैशाख १० गते बुक क्लोज हुने भएको छ ।

भोलिको कार्यक्रम

युनियन हाइड्रोपावरको साधारण शेयरमा भोली पनि आवेदन गर्न पाइनेछ । युनियन हाइड्रोपावरको शेयरमा पर्याप्त आवेदन परेमा जुनसुकै बेला बन्द हुनेछ ।

नयाँ शेयर/हकप्रद

शेयरबजारमा नयाँ शेयर, हकप्रद जारी हुने क्रम चलिरहेको छ ।एभरेष्ट इन्सुरेन्सले बैशाख ९ गते हकप्रद शेयर जारी गर्न बुक क्लोज गर्ने भएको छ ।

कम्पनी	अवधि	प्रकार
नबिल ब्यालेन्स फण्ड – २	जेठ ५ गतेदेखि ९ गतेसम्म	म्युचुअल फण्ड
सान्जेन विद्युत कम्पनी	जेठ ६ गतेदेखि १० गतेसम्म	प्राथमिक
रसुवागढी हाइड्रोपावर	जेठ ६ गतेदेखि १० गतेसम्म	प्राथमिक
नेपाल एग्रो लघुवित्त	जेठ ८ गतेदेखि ११ गतेसम्म	प्राथमिक
गणपति लघुवित्त	बैशाख ९ गतेदेखि १२ गतेसम्म	प्राथमिक
युनियन हाइड्रोपावर	बैशाख १२ गतेसम्म	प्राथमिक
सनराइज बैंक (१० प्रतिशत)	बैशाख १९ गतेसम्म	ऋणपत्र
एसियन लाइफ इन्सुरेन्स	बैशाख २९ गतेसम्म	हकप्रद (१०:६)
गुराँस लाइफ इन्सुरेन्स	जेठ १ गतेसम्म	हकप्रद (२:१)