हिरोको डेष्टिनी १२५ स्कूटरः कस्तो छ ? कति पर्छ ?

A+ A A-

टू–ह्वीलर निर्माता कम्पनी हिरो माटाेकर्पले बनाएको आइथ्रीएस प्रविधिसहितका फेमेली स्कूटर डेष्टिनी १२५ नेपालमा पनि सार्वजनिक गरेको छ ।

भारतमा विक्री सुरु गरेको केही महिनामा नै नेपाल पनि यसको विक्री सुरु भएको हो । अत्यन्त शक्तिशाली र विशेष गुणहरुले सम्पन्न डेष्टिनी १२५ को नेपालमा विक्री वितरण सुरु भएकोले नेपालमा हिरो मोटरकर्पको उपस्थितिलाई अझ सशक्त बनाएको कम्पनीको भनाइ छ ।

हिरोले यसअघिका ३ वटा स्कूटरहरु १०० सीसी प्लेजर, ११० सीसी माइट्रो एज र ११० सीसी डुयट बजारमा ल्याएको थियो । यसका अतिरिक्त डेष्टिनी १२५ समेत थपिएपछि तीब्र गतिमा विस्तार भइरहेको १२५ सीसीको स्कूटर बजारमा समेत हिरोले उपस्थिति जनाएको हो ।

डेष्टिनी १२५ स्कूटरको मूल्य भ्याटसहित २ लाख ६ हजार रुपैयाँ पर्ने कम्पनीले जानकारी दिएको छ । यो स्कूटर बैशाख ४ गतेदेखि नेपालभरका हिरो मोटरसाइकल शोरुमहरुमा उपलब्ध हुनेछन् ।

विक्रीको शुभारम्भ समारोहलाई सम्बोधन गर्दै हिरो मोटरकर्पको ग्लोबल स्ट्राटेजी एण्ड पर्फमेन्स ट्रान्स्फर्मेसन प्रमुख रजत भार्गभले आफ्नो कम्पनीको लागि नेपाली बजार महत्वपूर्ण भएको बताए । हिरोले केही बर्षको अन्तरालमै नेपालको टू–ह्वील बजारलाई आफ्नो पडकमा ल्याएको उनको भनाइ छ ।

नेपाली टू–ह्वील बजारको १०० सीसी र १२५ सीसी मोटरसाइकल सेगमेन्टमा हिरो अगाडि रहेको कम्पनीको दाबी छ । कम्पनीको अबको लक्ष्य नेपाली स्कूटर बजारमा आफ्नो उपस्थिति व्यापक बनाउनु रहेको भार्गभले बताए ।

यस्तो छ डेष्टिनी १२५
कम्पनीका अनुसार स्टाइल, पावर र प्रविधिमा विशेष संयोजन रहेको डेष्टिनी १२५ नेपालको पहिलो र एकमात्र फेमेली स्कूटर हो । यसमा हिरोको प्रविधिमा आधारित अत्यन्त क्षमतावान आइथ्रीएस (आइडल स्टार्ट–स्टप सिस्टम) जडान गरिएको छ ।

स्मार्ट प्रविधि
स्कूटर सेगमेन्टमा पहिलो पटक डेष्टिनी १२५ मा माइलेजको लागि हिरोले आविस्कार गरेको आइथ्रीएस जडान गरिएको छ । यसमा डिजिटल एनालग स्पिडोमिटर, साइड स्ट्याण्ड इन्डिकेटर र सर्भिस ड्यू रिमाण्डर जस्ता अझ थप विशेषता रहेका छन् ।

सुविधा र सुरक्षा
बाहिरबाटै इन्धन भर्ने प्रणाली, रिमोटबाट साँचो खालिने, मोबाइल चार्ज गर्न मिल्ने र बूट लाइट यो स्कूटरमा भएका थप सुविधाहरु हुन् । यसमा भएको टेलिस्कोपिक सस्पेन्सन र एकीकृत ब्रेकिङ प्रणालीले आरामदायी यात्राको अनुभूति दिने कम्पनीको भनाइ छ ।

प्रिमियम स्टायल
परिवारलाई लक्षित यो स्कूटरले कामकाजी युवापुस्तालाई समे आकर्षित गर्ने प्रयास गरेको देखिन्छ । डेष्टिनी १२५ आधुनिक र प्रिमियम स्कूटरको चाहनालाई पूरा गर्न सम्पूर्ण रुपमा स्टायलम प्याकहरुले सुसज्जित रहेको कम्पनीले जानकारी दियो । यसमा प्रिमियम बडी, सिग्नेचर टेल लाइट र विङकर बत्ती, स्टाइलिस काष्ट पांग्रा, बडी रंगको ऐनाहरु र डुयल टोन सिट कभर रहेका छन् । यो स्कूटर विभिन्न रंगमा पनि उपलब्ध छन् ।

प्रकाशित मिति: मंगलबार, वैशाख ३, २०७६ २२:१३