लायन्स क्लब अफ भैरहवा ग्रिनसिटीको क्यान्सरपीडित गिरीलाई आर्थिक सहयोग

A+ A A-

हामी सेवा गर्छौं भन्ने मूल नाराका साथ क्यान्सरपीडित मनोज गिरीलाई ५१ हजार आर्थिक सहयोग गर्दै लायन्स क्लब अफ भैरहवा ग्रिनसिटीको स्थापना भएको छ । युवा व्यवसायी शिवनाथ गुप्ता अध्यक्ष रहनेगरी ५३ सदस्य समिति गठन भएको छ ।

उक्त क्लबले शनिबार भारतको नयाँ दिल्लीमा उपचारत गुल्मीको मुसिकोट गाउँपालिका स्थायी ठेगाना भई हाल रुपन्देहीको सैनामैना नगरपालिका–४ बस्ने मनोज गिरीको उपचारको लागि उनको परिवारलाई सहयोग हस्तान्तरण गरेको छ ।

लायन्स क्लब अफ सिद्धार्थनगरको स्पोन्सरमा स्थापित लायन्स क्लब अफ भैरहवा ग्रिनसिटीको संघीय सभाका सदस्य सासद प्रमोदकुमार यादवले शुभारम्भ गरेका हुन् । सांसद यादवले लायन्सको गतिविधिले सामाजिक सेवामा महत्वपूर्ण योगदान दिइरहेको बेला भैरहवा ग्रिनसिटिको भूमिका उल्लेखनीय हुने बताए ।

कार्यक्रममा लायन्स डिष्ट्रिक इन्टरनेशनल ३२५ बी टु नेपालका स्ट्रेटजिक चिफ पीएमजेएफ नवराज न्यौपानेले समाजसेवा र नेतृत्व गर्ने क्षमताको विकासमा लायन्सले खेल्ने भूमिका सधै उच्चो हुने बताए ।

सो अवसरमा अर्का स्ट्रेटजिक चिफ एमजेएफ महेशचन्द्र थापाले अनुशासनको परिधीभित्र रहेर लायन्सको गतिविधि गरेमा समाज परिवर्तनमा टेवा पुग्ने बताए । जोनचेयरपर्सन तथा लायन्स क्लब अफ सिद्धार्थनगरका पूर्वअध्यक्ष विजय पाण्डेले दोस्रो विश्वयुद्धपछि अमेरिकाबाट सुरु भएको लायन्स गतिविधि संसारभरी फैलिएको बताए ।

लायन्स क्लब अफ सिद्धार्थनगरका अध्यक्ष नेत्र प्रसाद आचार्यको अध्यक्षतामा सम्पन्न कार्यक्रममा लायन्स क्लब अफ सिद्धार्थनगरका कोषाध्यक्ष धर्मराज आचार्यको स्वागत, लायन्स डिष्ट्रिक इन्टरनेशनल ३२५ बी टु नेपाल एरिया–४ का कोषाध्यक्ष गौतम कुमार गुप्ताको ध्वजा अभिवादन, डिष्ट्रिक इभ्यालुयसन कमिटी हेड विनोद खरेल, क्लबका संस्थापक प्रथम उपाध्यक्ष गोविन्द प्रसाद गिरी, क्लब व्यानर उद्घाटन कार्यक्रम संयोजक कमल रायमाझी लगायतले मन्तब्य राखेका थिए ।

प्रकाशित मिति: आइतबार, साउन ३२, २०७७ ०२:०६