एनआईसी एशिया र सीजी मोटोकर्पबीच सवारीकर्जासम्बन्धी सम्झौता

A+ A A-

एनआईसी एशिया बैंक र सीजी मोटोकर्प प्रालिबीच सवारी कर्जा उपलब्ध गराउनेसम्बन्धी सम्झौता भएको छ ।

सोसम्बन्धी सम्झौतापत्रमा बैंकको तर्फबाट सहायक प्रमुख कार्यकारी अधिकृत सन्तोषकुमार राठी र सीजी मोटोकर्पको तर्फबाट महाप्रबन्धक (सेल्स एण्ड मार्केटिङ) सिरज पन्तले हस्ताक्षर गरेका हुन् ।

उक्त सम्झौतासँगै अब एनआईसी एशिया बैंकले ल्याएको सुपर चामत्कारिक सवारी कर्जाअन्तर्गत वार्षिक ८.२५ प्रतिशत ब्याजदर तथा ०.२५ प्रतिशत प्रशासनिक शुल्कमा सुजुकी ब्राण्डका सवारी खरिद गर्न सकिने भएको छ ।

बैंकका अनुसार यो कर्जा योजना अन्तर्गत अन्य विभिन्न असीमित सुविधाहरूसमेत पाइने बैंकले जनाएको छ । यो सुविधा रातो प्लेटका निजी तथा व्यावसायिक प्रयोजनका लागि सवारी खरिद गर्न चाहनुहुने लिन सक्ने बैंकले जनाएको छ ।

सुजुकी ब्राण्डका सवारीको नेपालका लागि आधिकारिक विक्रेता सीजी मोटोकर्पले बिक्रीवितरण गर्ने उक्त ब्राण्डका सवारीसाधन खरिदका लागि चामत्कारिक सवारी कर्जा आवश्यक कागजात प्राप्त भएको ४८ घण्टाभित्रै उपलब्ध गराइने बैंकले बताएको छ ।

यो कर्जा योजनाअन्तर्गत अधिकतम रू. २ करोडसम्मको रातो प्लेटका निजी तथा व्यावसायिक सवारी खरिद गर्न सकिने व्यवस्था छ । बैंकले रातो नम्बर प्लेटका निजी प्रयोजनको सवारीका लागि ५० प्रतिशत तथा व्यावसायिक प्रयोजनका रातो नम्बर प्लेटको सवारीका लागि ८० प्रतिशतसम्म कर्जा प्रवाह गर्ने समझदारी दुवै संस्थाबीच भएको हो ।

साथै, यो सुविधा सिजी मोटोकर्पका देशभर रहेका सम्पूर्ण डिलरहरूबाट ग्राहक महानुभावहरूले लिन सक्नेछन् ।

यो कर्जा सवारी धितो राखेको हकमा ८ वर्ष र सवारी तथा रियलइस्टेट दुवै धितो राखेको खण्डमा अधिकतम १५ वर्षसम्म कर्जा अवधि हुने व्यवस्था गरिएको छ ।

प्रकाशित मिति: शुक्रबार, साउन २३, २०७७ ०१:०८