एनआईसी एशियाको ‘लोन बेनिफिट क्याल्कुलेटर’ सार्वजनिक

A+ A A-

एनआईसी एशिया बैंकले ‘लोन बेनिफिट क्याल्कुलेटर’ सार्वजनिक गरेको छ ।

बैंकले पहिलो पटक सुपर चामत्कारिक कर्जाबाट कर्जाको ब्याज तथा किस्ता रकममा प्राप्त गर्न सकिने मासिक तथा वार्षिक फाइदाहरूको विस्तृत विवरण बैंकको वेबसाइटमा रहेको ‘लोन बेनिफिट क्याल्कुलेटर’बाट हेर्न सकिने गरी व्यवस्था गरेको हो।

बैंकका अनुसार बैंककाे वेबसाइटमा गएर ‘लोन बेनिफिट क्याल्कुलेटर’मा गई वर्तमान अवस्थामा आफूले उपभोग गर्दै आएको कर्जाको तुलना यस बैंकले ल्याएको सुपर चामत्कारिक कर्जाहरूसँग सजिलै गर्न सकिनेछ ।

सो ‘लोन बेनिफिट क्याल्कुलेटर’ मा चाहिने विवरणहरू जस्तै अहिले उपभोग गरिरहेको कर्जाको रकम, ब्याजदर, अवधि आदि भरेपश्चात् सेवाग्राहीहरूले आफ्नो मासिक ब्याजदरमा बचत, किस्ता रकम तथा कुल रकममा बचत हुने रकमको विवरणका साथै त्यसको वार्षिक हिसाबसमेत सरल तरिकाले थाहा पाउन सक्ने र आफ्नो वित्तीय भार कम गर्न यस बैंकको सुपर चामत्कारिक कर्जासम्बन्धी उचित निर्णय लिन सक्ने जनाइएको छ ।

यस्तै, बैंकको वेबसाइटमार्फत सेवाग्राहीहरू आफुले प्राप्त गर्न सक्ने कर्जा योग्यता जाँच्न तथा योग्य ठहरिएबमोजिम यस बैंकको वेबसाइटबाटै कर्जाको आवेदन दिन सक्ने व्यवस्थासमेत बैंकले गरेको छ ।

ग्राहकले जुनसुकै स्थानबाट जुनसुकै समयमा पनि अनलाइनमार्फत कर्जा आवेदन दिन सक्ने सुविधा छ ।

सेवाग्राहीहरूले आवेदन दिएको ४८ घण्टाभित्र कर्जाको निर्णय दिने व्यवस्था बैंकले गरेको छ । साथै, आवेदकको कर्जा स्वीकृतिको अवस्थाबारेमा यस बैंकले एसएमएसमार्फत जानकारी गराउनेछ र ग्राहकले यस बैंकको वेबसाइटमा गई लोन स्टाटससमेत आफैँ ट्रयाक गर्न सक्ने व्यवस्था मिलाएको छ ।

बैंकले तीन किसिमकै कर्जा प्रवाह भएको १ वर्षसम्म ब्याजदर परिवर्तन नहुने र सुपर चामत्कारिक घर तथा सवारी कर्जाको पूर्वस्वीकृतिको सुविधासमेत ल्याएको छ ।

बैंकले सुपर चामत्कारिक घर कर्जाअन्तर्गत फेक्जिबल ईएमआईमार्फत ग्राहकहरूले आफ्नो आर्थिक क्षमताअनुसार तिर्न सक्ने ईएमआई वार्षिक रूपमा आफैँले निर्धारण गरेर भुक्तानी गर्न सक्ने नवीनतम सुविधा ल्याएको छ ।

बैंकले ग्राहक महानुभावहरूको कर्जासम्बन्धी सल्लाह, सुझाव तथा गुनासो वा जिज्ञासा आदिको उचित समयमा सम्बाेधन गर्न ‘कर्जा सहायता केन्द्र’ को स्थापनासमेत गरेको छ ।

प्रकाशित मिति: बुधबार, साउन २१, २०७७ २२:२५