प्रदेश १ मा ५७ संक्रमित थपिए, ८ जना डिस्चार्ज

A+ A A-

प्रदेश १ मा सोमबार ५७ जनामा कोरोना संक्रमण पुष्टि भएको छ । सामाजिक विकास मन्त्रालय प्रदेश-१ का अनुसार सोमबार मोरङका ४६, झापाका ६ र सुनसरीका ५ जनामा संक्रमण पुष्टि भएको हो ।

मोरङको विराटनगर महानगरपालिकाका १६ पुरुष, ६ महिला, रंगेली नगरपालिकाका १३ पुरुष, ९ महिला र कटहरी गाउँपालिकाका २ महिलामा कोरोना पोजिटिभ देखिएको हो । त्यसैगरी, सुनसरीको धरान र इनरुवाका १/१, इटहरी उपमहानगरपालिकाका ३ पुरुष, झापाको बिर्तामोडका १ महिला र अर्जुनधाराका ५ पुरुषमा कोरोना पुष्टि भएको हो । सोमबार पुष्टि भएकासँगै प्रदेश १ मा कुल संक्रमितको संख्या १ हजार १२८ पुगेको छ ।

नमुना संकलनका आधारमा प्रदेश १ को मोरङ जिल्लाका सबैभन्दा बढी ३७६ जनामा कोरोना संक्रमण पुष्टि भएको छ । त्यसैगरी, झापाका ३७४, सनसरीका १५६, धनकुटाका १६, भोजपुरका ६, खोटाङका ८, उदयपुरका ८५, सोलुखुम्बुका ७, संखुवासभाका ५, तेह्रथुमका ७, इलामका ५८, पाँचथरका ५, ताप्लेजुङका ७, ओखलढुंगाका १७ र अन्यका १ जनामा कोरोना संक्रमण पुष्टि भएको सामाजिक विकास मन्त्रालयका प्रवक्ता डा. सुरेस मेहताले जानकारी दिए ।

उनका अनुसार प्रदेश १ मा सोमबार ८ जना डिस्चार्ज भएका छन् । सुनसरीका ४ पुरुष, उदयपुरका ३ महिला र १ पुरुष संक्रमणमुक्त भएर घर फर्किएका हुन् । प्रदेश-१ मा हालसम्म डिस्चार्ज हुनेको संख्या ८ सय २९ पुगेको छ ।

झापाका ३१३ जना, मोरङका २१३, सुनसरीका ११७, धनकुटाका १४, भोजपुरका ६, खोटाङका ११, उदयपुरका ८१, सोलुखुम्बु र संखुवासभाका ५/५, तेह्रथुमका ७, इलामका २६, पाँचथरका ६, ताप्लेजुङका ७, ओखलढुंगाका १६ र अन्यका २ जना उपचारपछि डिस्चार्ज भएर घर फर्किएका हुन् ।

प्रदेश-१ मा हालसम्म १ जनाको मात्र मृत्यु भएको छ । सोमबारसम्म प्रदेश-१ मा ४५ हजार ७७१ जनाको पीसीआर परीक्षण गरिएको छ । जसमध्ये ४४ हजार ६ सय ४३ जनाको रिपोर्ट नेगेटिभ आएको सामाजिक विकास मन्त्रालयले जनाएको छ ।

प्रकाशित मिति: सोमबार, साउन १९, २०७७ २१:२५