चौंरी बिनाको हिमाल कल्पना बाहिरः चौंरी पालक

A+ A A-

पछिल्लो समय लोप हुने अवस्थामा पुगेको चौंरी पालन व्यवसायलाई व्यवस्थित बनाउन र सामुहिक पहल थालिएको छ ।

अत्यन्तै पोषिलो दुध दिने गाई प्रजातिकै चौरीको व्यवसायीक पालनलाई व्यववस्थित एवम् बृद्धि गर्नका लागि चौरी पालकहरुले संगठित रुपमा प्रयत्न शुरु गरेका हुनु । पाँचथर, ताप्लेजुङ र इलामका चौरीपालक किसानहरुले ‘चौरी संरक्षण सञ्जाल’ गठन गरेका छन् ।

पाँचथरको फालेलुङ गाँउपालिकामा भेला भएका उनीहरुले तीनवटै जिल्लाका चौरी व्यवसाय, जैविक विविधता संरक्षण र चौंरी गोठ व्यवस्थापनका मुद्धामा छलफल गरेका छन् ।

चौंरी पाइने गाँउपालिका मध्ये इलामको सन्दकपुरले चौंरी बिस्थापन गर्ने नीति लिएपछि यस क्षेत्रमा चौंरीको संरक्षण कि विस्थापन? भन्ने विषयमा छलफल भइरहेको छ ।

हिजोबाट शुरु भएको दुईदिने भेलामा सहभागिहरुले भारतसँग सिमाना जोडिएका इलाम, पाँचथर र ताप्लेजुङका उच्च पहाडी र हिमाली क्षेत्रबाट चौंरी गोठ बिस्थापित हुन लागेको भन्दै स्थानीय चौरी प्रबद्र्धनका लागि स्थानीय सरकारले योजना निर्माण गर्नुपर्ने आवस्यकता पनि औंल्याए ।

हिमाली क्षेत्रको चौरी व्यवसाय प्रवर्धनका लागि योजना निर्माण गर्न पाँचथरको फालेलुङ गाँउपालिकाले भेलाको आयोजना गरेको हो । भेलाले तीनवटै जिल्लाका चौरी व्यवसायीलाई समेट्दै चौरी संरक्षण सञ्जाल गठन गरेको छ । थर्कप्रसाद गुरुङ संयाजक रहेको समितिको उपाध्यक्षहरुमा पुष्प बानिया र लोकन्द्र राई,सचिवमा नरवहादुर खपाङगी,सह सचिवमा अमृत राई,कोषाध्यक्षमा लाम्देन भुटिया सहित २१ जना सदस्य छन ।

व्यवसायीहरु भने हिमाल र चौंरी गाईलाई एक अर्काको पर्याय भन्दै हिमाल विनाका चौंरी र चौंरी बिनाका हिमाल कल्पना गर्न नसकिने भएकाले संरक्षण गर्नुपर्ने आवाज उठाँउदै आएका छन ।

पाँचथरको फालेलुङ र याङवरक, ताप्लेजुङको सिदिङमा र इलामको सन्दकपुर गाँउ पालिकाका उच्च पहाडी र हिमाली क्षेत्रमा चाैंरी पालन हुँदै आएको छ । पछिल्लो समय चौंरी पाइने गाँउपालिका मध्ये इलामको सन्दकपुरले चौंरी बिस्थापन गर्ने नीति लिएपछि यस क्षेत्रमा चौंरीको संरक्षण कि विस्थापन? भन्ने विषयमा छलफल भइरहेको छ ।

व्यवसायीहरु भने हिमाल र चौंरी गाईलाई एक अर्काको पर्याय भन्दै हिमाल विनाका चौंरी र चौंरी बिनाका हिमाल कल्पना गर्न नसकिने भएकाले संरक्षण गर्नुपर्ने आवाज उठाँउदै आएका छन । पोषिलो दुध दिने तथा पर्यटकहरुको समेत आकर्षणको केन्द्र चौंरीको संरक्षण गर्दै विस्तार समेत गर्नुपर्ने आवाज उठ्दै आएको छ ।

फालेलुङमा आयोजित तीन जिल्लाका चांरी पालन व्यवसायीको यो भेलाले चौंरी संरक्षणमा कोशेढुंगा सावित हुने अपेक्षा गरिएको फालेलुङ गाँउ पालिका वडा नम्वर ६ की अध्यक्ष सुजाता वान्तावाले बताइन ।

प्रकाशित मिति: बिहीबार, माघ १७, २०७५ १२:३२