उद्याेग वाणिज्य महासंघकाे निर्वाचन फेरि सार्ने तयारी, शेखर भन्छन् : पदभन्दा ठूलाे स्वास्थ्य

उद्याेग वाणिज्य महासंघकाे निर्वाचन फेरि सार्ने तयारी, शेखर भन्छन् : पदभन्दा ठूलाे स्वास्थ्य

A+ A A-

नेपाल उद्याेग वाणिज्य महासंघकाे निर्वाचन फेरि सर्ने देखिएकाे छ । २८/२९ चैत मा हुनु पर्ने निर्वाचन २ पटक सारेर २६ र २७ साउनमा ताेकिएकाे छ ।

याे समयमा पनि निर्वाचन गर्न समस्या देखेपछि महासंघले बिहीबार दिउँसो २ बजे पदाधिकारी बैठक बाेलाएकाे छ ।

सरकारले ७ साउनबाट लकडाउन खुला गरे पनि सभा, सेमिनार, भाेजभतेर गर्न भने बन्दे नै लगाएकाे छ ।

यसअघि लकडाउनका बीच स्वतन्त्र ऊर्जा उत्पादकहरूकाे संस्था ईपानकाे निर्वाचनमा जिल्ला प्रशासन कार्यालय काठमाडौंले राेक लगाएकाे थियाे ।

२८ चैतमा नै हुनुपर्ने निर्वाचन काेराेना र बन्दाबन्दीकाे नाममा ढिला गरेकाे आराेप १ पक्षबाट आएपछि महासंघकाे बैठकले पहिलाेपटक ७/८ जेठ र दाेस्राे पटक २६/२७ साउनलाई निर्वाचनकाे मिति ताेकेकाे थियाे । यस बीचमा महासंघले साधरण सभा गर्नकाे लागि सरकारसँग स्वीकृतसमेत मागेकाे अवस्थामा हालसम्म पनि स्वीकृत दिएकाे छैन । `

हामी ताेकिएकै समयमा निर्वाचन गर्ने तयारी हाे, तर सरकारबाट स्वीकृत त चाहिँयाे नै´ महासंघ अध्यक्ष भवानी राणाले भनिन्, `म नयाँ नेतृत्वलाई पदहस्तान्तरण आतुर छ, तर विशेष सबैभन्दा ठूलाे कुरा हाम्राे स्वास्थ्य हाे, हाम्राे सदस्यहरूकाे स्पास्थ्यकाे विषय हाे ।´

राणाले अहिलेसम्म साउन २६/२७ काे नै तयारी भएपनि पदाधिकारी र पूर्व अध्यहरूसँग छलफल गरेर मात्रै के गर्ने भन्ने निर्णय लिइने बताइन् ।

महासंघकाे विधानअनुसार आगामी अध्यक्ष शेखर गाेल्छाले याे समयमा निर्वाचनमा हाेमिन समस्या भएकाे औँल्याएका छन् ।

`पदभार ग्रहण गर्ने इच्छा भन्दा बढी सदस्य साथीहरूप्रतिकाे सुरक्षा दायित्वले घच्घच्याइ रहेछ । लकडाउन खुल्दै गर्दा देशैभरीका १ हजार व्यवसायीलाई एकै स्थानमा जम्मा गर्दा कतै सुरक्षा जाेखिम हाेला कि भन्ने नैतिक प्रश्नले पिरोलेकाे छ मलाई तर यसलाई अर्कै रंग दिन खाेजिएकाे देख्दा दु:ख लाग्छ,´ गाेल्छाले भने ।

प्रकाशित मिति: बिहीबार, साउन ८, २०७७ ०६:३८