पैसा छ लगानी मार्फत देश बनाऔंः पौडेल

A+ A A-

नेपाली कांग्रेसका नेता प्रदीप पौडेलले व्यक्तिगत स्वार्थ त्यागेर राष्ट्र निर्माणमा लाग्नुपर्ने बताएका छन् । नेपाल वित्तीय संस्था कर्मचारी संघ, कर्मचारी सञ्चय कोषको कार्यक्रममा नेता पौडेलले देशमा पर्याप्त पैसा जम्मा भएर खुम्चिएर बसेको अब लगानी मार्फत देश विकासमा लाग्नुपर्ने बताए ।

सबैले व्यक्तिगत स्वार्थ त्यागेर समृद्धिका लागि काम गर्नुपर्ने बताए । नेता पौडेलले नयाँवर्षको शुभकामना दिदै नयाँ संरचना सहितको नेपालमा सञ्चय कोषलाई पनि नयाँ बनाउने कुरामा ईंगित गर्दै सञ्चयकोषको नेतृत्वले सञ्चयकोषमा जम्मा भएको पूजीँलाई सही ठाँउमा योजना बनाउदै लगानी गर्न सुझाव दिए ।

अब पेन्सन फण्डको जिम्मा समेत यही संस्थाले लिएपछि यसको व्यवस्थापन र सांगठनिक संरचना चुस्तदुरुस्त बनाउन सुझाब दिए । यसका साथै स्वास्थ्य बिमा अभियानको पूर्ण सफलताको कामना समेत गरे ।

फरक प्रसंगमा नेता पौडेलले वर्तमान दुईतिहाई सरकारले चौध महिनासम्म कुनै पनि काम गर्न नसकेको हावादारी गफमा अलमलिएको आरोप लगाए । उनले जनताको हकहितमा काम गरी अगाडि बढ्न प्रधानमन्त्रिलाई सुझव समेत दिए ।

त्यसैगरी प्रसासकीय प्रमुख तुलसीप्रसाद गौतमले नयाँवर्षको शुभकामना दिएका थिए । उनले कर्मचारीको हकहितमा काम गर्ने र संस्थाको दायरा प्रष्ट पार्दै नीतिनियममा अब्बल भूमिका देखाउन लागी परेको बताए । उनले कोषले नयाँ भवन बनाउने काममा पनि तिब्रता दिएको र कर्मचारिको सेवासर्तलाई पुनरावलोकन गर्ने र संस्थालाई सेवाग्राही मैत्री बनाउने जानकारी दिए ।