एनआईसी एशियामा अब अनलाइनबाटै रकम जम्मा गर्न सकिने

A+ A A-

एनआईसी एशिया बैंकमा रकम जम्मा गर्न अब अनलाइनबाटै भौचर भर्न सकिने भएको छ ।

बैंकले पहिलो पटक घर वा अफिसबाट आफ्नो मोबाइल, ल्यापटप वा कम्प्युटर प्रयोगगरी आफ्नो वा आफूले चाहेको एनआईसी एशिया बैंकको खातामा नगद रकम जम्मा गर्ने भौचर भर्न मिल्ने अनलाइन प्रणालीको शुभारम्भ गरेकाे हो ।

ग्राहकले आफ्नो मोबाइल वा कम्प्युटरमार्फत www.iserve.nicasiabank.com लिंकमा गई नगद रकम जम्मा गर्नका लागि डिजिटल माध्यमबाट भौचर भर्न सक्नेछन् ।

उक्त लिंकभित्र पुगेपछि सेवाग्राहीहरूले भौतिक फारमकै ढाँचाको डिजिटल भौचरमा आफूलाई पायक पर्ने शाखा छनाेट गरी आवश्यक विवरणहरू भरिसकेपछि बैंकबाट सेवाग्राहीलाई एसएमएस (SMS) मार्फत डिपोजिट कोड पठाइने र तत्पश्चात् उक्त डिपोजिट कोडसहित सेवाग्राही सिधै बैंकको शाखामा उपस्थित भई बिनाकुनै नगद भौचर सोझै नगद काउण्टरमार्फत आफूले चाहेको खातामा नगद जम्मा गर्न सक्नेछन् ।

यसरी नगद जम्मा गर्दा सेवाग्राहीले काउण्टरमा बसेको बैंकको कर्मचारीलाई आफ्नो डिपोजिट कोड भनेपछि नगद बुझ्ने र यसपछि बैंकका कर्मचारीद्वारा नगद रकम जम्मा भएको भौचर सम्बन्धित सेवाग्राहीलाई प्रदान गरिनेछ ।

बैंकले ल्याएको याे सुविधाले लाइन नबसी सेवा लिनको निमित्त सहयोग हुनेछ भने काउण्टरमा पुगेर लामो समय लाइनमा बस्नुपर्ने झन्झटबाट पनि मुक्ति पाइने बैंकले विश्वास लिएको छ ।

नगद जम्मा गर्ने सेवाका साथै बैंकले मोबाइल बैंकिङ सेवा नवीकरण, अनब्लक, ब्लक, तथा पिन रिसेट गर्ने एवं मौज्दात विवरण, चेक अनुरोध, ई–कमर्श दर्ता, ब्यालेन्स सर्टिफिकेट अनुरोध, एबीबीएस सुविधा र स्टेटमेन्ट अनुरोध गर्नका लागि समेत यस आइसर्भमार्फत सेवा दिइरहेको छ ।

उक्त सेवाहरूआइसर्भर्फत लिँदा शतप्रतिशतसम्म शुल्क छुटको व्यवस्थासमेत गरिएकाे बैंकले बताएकाे छ ।

प्रकाशित मिति: बिहीबार, साउन १, २०७७ १६:३२