उधारोमा किनेको मिर्गौलाले डाक्टरसहित १२ जनालाई पुर्‍यायो थुनामा

A+ A A-

जिल्ला अदालत ललितपुरले मिर्गौला तस्करीको अभियोगमा पक्राउ गरेका १२ जनालाई थुनामा राखेर अनुसन्धान गर्ने अनुमति दिएको छ ।

अदालतले पक्राउ परेका ३ जना डाक्टर, १ जना वडा अध्यक्षसहित १२ जनालाई थुनामा राखेर अनुसन्धान गर्ने अनुमति दिएको हाे ।

पक्राउ पर्नेहरूमा चितवन भरतपुर महानगरपालिका-४ घर भई हाल जिल्ला प्रशासन कार्यालय चितवनमा प्रशासकीय अधिकृतमा कार्यरत रामचन्द्र ढकाल, नवलपरासी (बर्दघाट सुस्ता पूर्व) गैँडाकोटा नगरपालिका-५ का कलेज अफ मेडिकल साइन्सेज टिचिङ हस्पिटल भरतपुरका कानुनी सल्लाहकार रमेश काफ्ले छन् ।

त्यसरी नै मोरङ विराटनगर महानगरपालिका-हाल कलेज अफ मेडिकल साइन्सेज टिचिङ हस्पिटल भरतपुरका प्रमुख सञ्चालन अधिकृत डा.सुप्रभात श्रेष्ठ, गोरखा पालुङटार नगरपालिका-६ घर भई हाल कलेज अफ मेडिकल साइन्सेज टिचिङ हस्पिटल भरतपुरमा कार्यरत वर्ष ५० को डा. बालकृष्ण कालाखेती, महोत्तरी जलेश्वर नगरपालिका-१३, धवौलीका नोवेल अस्पतालका डा. राकेशकुमार बर्मा, चितवन भक्तपुर नगरपालिका-६ का जमुनाराज भण्डारी, गुल्मी रेसुङ्गा नगरपालिका-५ का प्रहरी सहायक निरीक्षक भीमप्रसाद खनाल, झापा कन्काई नगरपालिका-२ घरका निलम्बित प्रहरी नायव निरीक्षक योगेन्द्रराज थपलिया छन् ।

यो पनि पढ्नुहोस्

३ चिकित्सक, १ वडाध्यक्षसहित १२ जनालाई थुनामा राख्न अदालतकाे अनुमति

त्यस्तै, भोजपुर हठुवागढी गाँउपालिका-९ का बस्ने रेश्मा राई, ललितपुर महानगरपालिका-३ वडा अध्यक्ष श्रीगोपाल महर्जन, काठमाडौं नागार्जुन नगरपालिका-५, हरिसिद्धी बस्ने जिल्ला प्रशासन कार्यालय ललितपुरका तत्कालीन खरिदार (हाल अवकाश प्राप्त) नवराज केसी र ललितपुर जिल्ला प्रशासन कार्यालय सहायक अधिकृत राजकुमार केसी छन् ।

यसरी बनाइयाे नक्कली कागजात

ललितपुर महानगरपालिका-३ का परिवर्तित नाम (समीरमान जोशी)ले २७ जेठ २०७६ मा भरतपुर मेडिकल कलेजमा मिर्गौला पत्यारोपण गरे ।

उनीहरूले नोवेल अस्पतालका डा. राकेशकुमार बर्माको सुझावअनुसार भरतपुर मेडिकल कलेजमा प्रत्यारोपण गरेकाे प्रहरीको अनुसन्धानबाट खुलेको छ ।

यो पनि पढ्नुहोस्

मिर्गौला तस्करीमा संलग्नलाई प्रहरीले सार्वजनिक गर्न सकेन, चलखेलको आशंका

मिर्गौला किनबेचको मुख्य भूमिकामा चितवनकाे भरतपुर नगरपालिका-६ का जमुना राजभण्डारी र प्रहरी सहायक निरीक्षक भीमप्रसाद खनाल रहेको खुलेको छ ।

उनीहरूकै योजनाअनुसार ललितपुर महानगरपालिका-३ का वडाअध्यक्ष श्रीगोपाल महर्जनले सघाएको ब्युरोका एसपी गोविन्द थापलियाले बताए ।

‘अस्टेलियामा रहेका आफ्ना भाञ्जा रिजनवीर जोशीको नाममा अर्कैको फोटो टाँसेर नाता प्रमाणित गरेको खुलेको छ । सुरुमा रिजनकै फोटो प्रमाणित भए पनि पछि फेरि अर्कोको फोटो राखेर प्रमाणित भएको खुल्यो,’ एसपी थपलियाले भने । यसमा अध्यक्षको भूमिका पनि शंकास्पद देखिएको उनले बताए ।

यो पनि पढ्नुहोस्

मिर्गौला तस्करलाई सार्वजनिक गर्न हच्कियो प्रहरी, प्रहरीकै संलग्नताको आशंका

प्रहरीका अनुसार विचौलियाहरूले मिर्गौला प्रत्यारोपणका लागि जोशीलाई २८ लाख रुपैयाँ लाग्ने बताएका थिए । त्यसमा खोटाङका राई थरका एक व्यक्तिले मिर्गौला दिने र उनलाई १० लाख दिने विचौलियाले बताएका थिए ।

तर, २८ लाख रुपैयाँ दिँदा पनि असई खनाल र अन्य विचौलियाले २ लाख रुपैयाँ मात्रै मिर्गौला दिने व्यक्तिलाई दिएर सम्पर्कविहीन भएपछि पीडित आफैँ प्रहरी कार्यालयमा पुगेका थिए । उनकै उजुरीका आधारमा उनीहरू पक्राउ परेको प्रहरीकाे भनाइ छ ।

प्रकाशित मिति: आइतबार, असार २८, २०७७ १९:३०