आजको शेयर बजार : दुई दिनको वृद्धि टिकेन, कारोबार रकम र सूचक दुबै घट्यो

A+ A A-

साताको पहिलो र दोस्रो दिन बढेको शेयर बजार तेस्रो दिन आइपुग्दा सूचक घटेको छ ।कुमारी र गरिमा २ वटा बैंकको संस्थापक शेयर कारोबारबाट आजको कारोबार रकमलाई टेको दिएको छ । आजको कुल कारोबार रकममा यी २ बैंकको मात्र १३ प्रतिशत योगदान रहेको छ ।

कारोबार मापन गर्ने सूचक आज पनि १२ सयको बिन्दुमा पुग्न खोजेको थियो तर बजार बन्द हुँदा आइतबार बन्द भएको विन्दुको आसपास आइपुगेको छ ।

आज समुहगत सूचक पनि सबै घटेको छ । तर, लगानीकर्ताको चाप भने बैंकमा नै देखिएको छ । नबिल बैंकका प्रमुख कार्यकारी अधिकृत अनिल शाहले ‘प्रशंसा’ गरिदिएको एनआइसी बैंकको बढी कित्ता शेयर कारोबार भए पनि भाउ भने घटेको छ ।

साताको दोस्रो दिनसम्म बजार बढ्नुको एउटा कारणको रुपमा यसलाई आर्थिक वर्षको तेस्रो त्रैमासिकको अन्तिम समयको लाभ लिने प्रयास मानिएको थियो । आजको कारोबार प्रवृति हेर्दा दृश्य त्यस्तै देखिएको छ ।

आजको सूचकमा आएको कमीलाई सामान्यरुपमा लिन सकिन्छ । तेस्रो त्रैमासिक वित्तीय विवरण प्रकाशन हुने चरणमा पुगेको बेला शंका र आशंका (कम्पनीको नाफा घाटा) बीच कारोबार हुँदा यस्तो हुनु स्वाभाविक हो ।

भर्खर सूचीकरण भएको युनिभर्सल पावर कम्पनीले मूल्य घट्ने क्रम रोकिएको संकेत गरेको छ ।आज मूल्य केही घटेर कारोबार भए पनि बजार बन्द हुँदा हिजो कायम भएको मूल्य ९४ रुपैयाँमा बन्द भएको छ ।

आजको बजार संक्षेप

विषय	अंक
कारोबाररकम	७३,५१,५९,९९२
शेयरसंख्या	२७,८८,८८६
कुलकारोबार	७,०७०
कम्पनी	१७०
सूचक	१,१८१.१०

समूहगत स्थिति (कमाउने)

आजकुनै पनि समुहले सूचकमा कमाउन सकेनन् । दोस्रो दिन दुबै बीमा समुहले अत्यधिक कमाएका थिए भने आज दुबै समुहले अत्याधिक गुमाएका छन् । गुमाउने क्रममा तेस्रो स्थानमा आज बुक क्लोज भएको शिवम सिमेन्ट सूचीकृत रहेको उत्पादन तथा प्रशोधन समुह परेको छ । लघुवित्त चौथो र पाँचौमा वाणिज्य बैंक समुह परेको छ । सबैभन्दा थोरै गुमाउनेमा वित्त समुह परेको छ ।

समुह	सूचक	परिवर्तन (अंक)
निर्जीवन बीमा	५,४०५.७८	-८६.५७
जीवन बीमा	५,९६९.८०	-८३.०२
उत्पादन तथा प्रशोधन	२,०१०.५२	-३६.५२
लघुवित्त	१,३९२.७८	-१५.११
वाणिज्य बैंक	१,०४८.६१	-९.३६
जलविद्युत	१,१४३.८०	-६.८९
विकास बैंक	१,४७५.२७	-३.५३
अन्य	७०२.००	-३.४८
होटल	१,७४०.७८	-०.९१
वित्त	६१८.३७	-०.५८
व्यापार	कारोबार भएन

कमाउने र गुमाउने

विषय	कम्पनी	अन्तिम मूल्य	शेयर कित्ता	प्रतिशत
कमाउने	नेपाल कम्युनिटी डेभलपमेन्ट बैंक	१३८	२७,४८९	९.५२
	उन्नति लघुवित्त	१,२०७	६०	५.८८
	सिन्धु विकास बैंक	१३५	८२९	५.४७
	आँखुखोला जलविद्युत	८१	२,१०५	३.८५
	राइरंग हाइड्रोपावर	९४	१,२१०	२.१७
गुमाउने	जोशी हाइड्रोपावर	१४७	५०	-८.१२
	घलेम्दी हाइड्रो	१७०	७०	-८.१०
	एनएमवि लघुवित्त	९९०	५३४	-७.०४
	पन्चकन्या माइ हाइड्रोपावर	१०९	३६०	-६.०३
	शिवम सिमेन्ट	३१०	१४,८१९	५.७७

रकम, शेयर संख्या र कारोबार

विषय	कम्पनी	अंक	शेयर कित्ता	अन्तिम मूल्य
रकम (रुपैयाँ)	नेको इन्सुरेन्स	६,४१,०८,२४६	१,२३,०१८	४६६
	कुमारी बैंक (संस्थापक)	५,७७,७९,१६५	३,९८,४७७	१४५
	एनआइसी एशिया बैंक	५,३८,७०,०६३	१,१६,३६६	४५८
	गरिमा विकास बैंक (संस्थापक)	३,८४,६७,१५५	३,३४,४९७	१४५
	नेपाल बैंक	३,७८,५७,४०७	१,२७,४३०	२९८
शेयर (संख्या)	कुमारी बैंक (संस्थापक)		३,९८,४७७	१४५
	गरिमा विकास बैंक (संस्थापक)		३,३४,४९७	१४५
	नेपाल बैंक		१,२७,४३०	२९८
	नेको इन्सुरेन्स		१,२३,०१८	४६६
	नेपाल क्रेडिट एण्ड कमर्श बैंक बैंक		१,१६,७६१	२२४
कारोबार (संख्या)	एनआइसी एशिया बैंक	४४४	१,१६,३६६	४५८
	अपर तामाकोशी	२८३	१९,१२४	२३३
	एनएमवि बैंक	२६७	९५,३९१	३५१
	युनिभर्सल पावर	२४५	१७,२१०	९४
	नेपाल क्रेडिट एण्ड कमर्श बैंक बैंक	१९२	१,१६,७६१	२२४

कर्पोरेट गतिविधि

कामना सेवा विकास बैंकले १ दशमलव ५ प्रतिशत बोनस शेयर र ८ प्रतिशत नगद लाभांश घोषणा गरेको छ ।

आरएमडीसि लघुवित्त, रिडी हाइड्रोपावर र आरएसडीसि लघुवित्तको बोनस शेयर सूचीकरण भएको छ । त्यस्तै नाडेप लघुवित्तको हकप्रद शेयर सूचीकरण भएको छ ।

नेपाल स्टक एक्सचेन्जले कामना सेवा विकास बैंकलाई मूल्य संवेदनशील सूचना ढिला दिएको भन्दै २४ घण्टे स्पष्टीकरण सोधेको छ । कम्पनीको शेयर कारोबार समेत रोक्का गरेको छ ।

मेगा बैंकले मेगा क्यापिटललाइ र नेपाल कम्युनिटी डेभलपमेन्ट बैंकले ग्लोबल आइएमई क्यापिटललाई शेयर रजिष्ट्रार नियुक्त गरेका छन् ।

भोलिको कार्यक्रम

युनियन हाइड्रोपावरको साधारण शेयरमा भोली पनि आवेदन गर्न पाइनेछ । युनियन हाइड्रोपावरको शेयरमा पर्याप्त आवेदन परेमा जुनसुकै बेला बन्द हुनेछ ।

गाभिन लागेका सप्तकोशी डेभलपमेन्ट बैंक र कावेली विकास बैंकले भोलि विशेष सभा गर्दैछन ।

सप्तकोशीक सभा उद्योग संगठन मोरंगमा र कावेलीको होटेल चिप एण्ड बेष्ट धनकुटामा हुँदैछ। यी दुबै बैंकले सभा मार्फत गाभिने प्रस्ताव पारित गर्नेछ ।

सान्जेन जलविद्युत र रसुवागढी हाइड्रोपावरले आगमी बैशाख ६ गतेदेखि साधारण शेयर जारी गर्ने भएका छन् ।

प्रकाशित मिति: बुधबार, चैत २७, २०७५ ०२:३५